Hosea 2:8 - AHYERƐLƐ KRONGRON

⁸ Hmmm, né ɔnze kyɛ me yeɛ mane ye aburoo ne nzaa ne ngoo, kyɛ me yeɛ mmaa onyane ɛdwetɛ ne esikaa kɔkorɛ pee, bɔ bɛfa bɛbɔle afɔleɛ bɛmane Baal ne ɔ.

Hosea 2:8 Iomraidhean Croise

1 Aberɛso Dwirɛ 29:16

Ao AWURADE yɛ Nyameɛ, nningyein wora bɔ yatu yasie berɛ kyɛ yɛfa yɛsi sua bɔ wɔ dumaa krongron la so ne, ofi wɔ bɔbɔ wɔ dɔ, na ye mukoraa te wɔ bɔbɔ wɔ deɛ.

YOB NWOMAA NE 19:8

Wayɔ aberedwaa wafa me nwo, bɔ mengora menze mengɔ ɔ, na wama m’atee so ayɛ awosii.

Yesaya 1:3

Nandwie se ye mene, yeɛ afunum se nekaa bɔ ye mene ma ye aleɛ ɔ, nakoso Yisrael de, ɔnze, me maen ne ɔnde ye bo.”

Yesaya 46:6

Mmenia fura sikaa kɔkorɛ befi bɛ bɔtɔ nu, bɛkari ɛdwetɛ wɔ tonyi so, bɛbɔ sikaa kɔkorɛ dwumvoɛ paa maa ɔfa yɔ bosoen, na bebutu berɛ bɛsɔne ye.

Yeremia 7:18

Ngwadaa bubu eyein, seɛ mɔ sɔ see, na mmrasua mɔ fete mɔle bɛfa bɛto taterɛ bɛma bosoen bɔ bɛfrɛ ye Nyameɛso Hemmaa ne; na behwie anonneɛ afɔleɛ bɛma mmosoen foforɛ mɔ bɛfa bewura me apue.

Hesekiel 23:41

ɛtenane mba nyemenenyemene so, ɛfale poen siele mba ne nyunu berɛ, na ɛfale m’ayirefona ne me ngoo siesiele so.

Daniel 3:1

Nebukadenesa yɔle sikaa kɔkorɛ amoen bɔ ye tendenn te agyirɛ aburasia, bɔ ye tɛtrɛtɛɛ nu te agyirɛ nzia ɔ. Ogyinane ye wɔ Dura aseɛ pralaa ne aso wɔ Babilɔn aseɛ so.

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Hosea 10:1

Yisrael te bobe paa bɔ osu ye mma ɔ; kyɛbɔ ye mma begu so bɛsone ne, sɔ ala yeɛ ye afɔleɛ mmokyea begu so bɛsone ɔ; kyɛbɔ ye aseɛ ne osi yɛ nyemene ne, sɔ ala yeɛ bɛyɛle b’amoen mɔ nyemenenyemene ɔ.

Hosea 13:1

Sɛ né Efraim odwudwo a, mmenia nwo wosowoso bɛ; ɔmane ye nwo so wɔ Yisrael, na ɔnate kyɛ ɔsɔnene Baal ne ati, ɔyɔle bɔne, na owuli.

Hosea 13:2

Afei de, bɛkɔ so bɛyɔ bɔne, na behuro bɛ dwetɛ bɛfa bɛyɔ amoen bɛma bɛ nwo, amoen mɔ bɔ bɛ bɔbɔ bafa ɛdwetɛ bali adwii bayɔ, bɔ ye mukoraa te dwumvoɛ sa noa adwuma ɔ. Bɛkã bɛfa bɛ nwo kyɛ, “Bɛ bɔ bɛbɔ afɔleɛ ne, odi kyɛ bɛfe nandwie nyii akrɔngrɔma nemɔ noa.”

Hosea 2:5

Ofikyɛ bɛ maame abɔ gyandera; bɔ ɔnwonzɛle bɛ ne wabɔ nyanzoen bra, ofikyɛ ɔnwa, ‘Me kurofoɛ mɔ bɔ bɛma me me noa aleɛ, me nzue, me boaen nwiaa ne me gyese, me ngoo ne me nzaa ne, ngogu bɛ so.’

Hosea 4:11

Gyanderabɔlɛ ne nzaa, yeɛ nzaa foforɛ yeɛ owua sona adwene ɔ.

Hosea 8:4

Basisi ahemvo bɔ nna me yeɛ nzili ɔ, babobɔ mbanyi bɔ menze ye nwo hwee ɔ; bafa b’ɛdwetɛ ne esikaa kɔkorɛ bayɔ mmosoen bama bɛ nwo, bɔ ɔnate so ɔngɔma ongoyie bɛ yé ɔ.

Habakuku 1:16

Yiti bɛbɔ afɔleɛ bɛma b’asawu ne, bɛyera ɛyɛɛ bɛma bɛ tɛen ne; ofikyɛ ɔnate bɛ so yeɛ bɛtena ase wɔ anwotɔ nu ɔ.

Luka 15:13

Na wangyɛ biala yeɛ baa kãa ne boaboale ye agyapadeɛ deɛ amukoraa noa ɔ, na otuli atee hɔle maen bɔ ɔwɔ dede bie aso, na dɔ yeɛ ɔbɔle asanzabra mane ye anwodeɛ ne fili ye sa ɔ.

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

Deuteronomi 8:18

Na mmom kaye AWURADE wɔ Nyameɛ, ofikyɛ ye yeɛ ɔma wɔ anwoserɛ maa ɛfa nya wɔ nwo ɔ, kyɛbɔ kekesaala ye ɔwɔ so ɔyɔ ye; amaa ɔnate so apam bɔ ɔtale ye nwo ndaen hyirele wɔ nana mɔ ne, wasi ye agyinayɛɛ.

Maenbulɛfoɛ 9:27

Bɛhɔle fieso, na bɛɛtetele bobe befili bɛ bobe boo mɔ nu. Behwini bɛyɛle nzaa, na bɛfa bɛgyele bɛ nye. Yeɛ bɛhɔle bɛ bosoen asɔneyɛɛ sua nu. Bedidili bɛnone, na bɛgorole Abimɛlɛke nwo.