Hosea 2:4 - AHYERƐLƐ KRONGRON

⁴ Na mengonwu ye mma mɔ anwumvoin kaala, ofikyɛ bɛte gyandera mmaa.

Hosea 2:4 Iomraidhean Croise

2 Ahemvo 9:22

Yoram nwuni Yehu pɛ, obisale ye kyɛ, “Yehu, ɔte bɔkɔɔ anaa?” Na obuale ye kyɛ, “Wɔ aberɛ bɔ eni Yesebɛl ɔtɛ so mmosoen ná ɔtɛ tira ahɔenlilɛ nu ne, ɔkɔyɛ sɛɛ né asomdwee awa?”

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yesaya 50:1

AWURADE nwa nyoo: “Ɛmɔ maame agyaayiralɛ krataa bɔ mva nyirale ye ne, ɔwɔ nisua? Anaa, nwa yeɛ mema ye kerɛ bɔ yiti mayɛ ɛmɔ atɔen mama ye ɔ? Ɛ́mɔtie, ɛmɔ amumuyɛɛ ti yeɛ nyɛle ɛmɔ atɔen ɔ, ɛmɔ mmeraatolɛ ti yeɛ nyirale ɛmɔ maame ɔ.

Yesaya 57:3

Nakoso ɛmɔ de, bayifoɛ brasua mma, ɛ́mɔpingye wa, agyaasɛkyelɛniɛ ne gyanderaniɛ bosofoɛ.

Yeremia 13:14

Na ngɔkekã bɛ ti ngɔbobɔ nu, seɛ mɔ ne mmaa mɔ po, AWURADE noa dwirɛ ɛne. Mengonwu bɛ anwumvoin, mengɔma bengonya bɛ ti bengodidi nu, yeɛ me kunu ngɔtete me ngɔma bɛ, na mmom ngohũhũ bɛ.’ ”

Yeremia 16:5

“Ofikyɛ bɔ AWURADE kã ɛhe: Nnɛkɔ awuro bɔ bɛyɛ sɛen wɔ nu ne anu, yeɛ nnɛkɔ dɔ kosũ, anaa nnɛkɔyɛ bɛ yaakɔ; ofikyɛ maye m’asomdwee mafi maen he aso, yeɛ me dɔ bɔ onni ngasi ne m’anwumvoinnwunɛ koso maye mafi bɛ so, AWURADE noa dwirɛ ɛne.

Hesekiel 23:25

Ngɔhwe wɔ nwo nungunɛ maa bɛ ne wɔ koli ye anyeborolɛ so. Bɛkɔpepɛ wɔ bonyi ne wɔ so, na wɔ nu mmenia bɔ baha ne, bɛkɔtotɔ ngrandɛ noa. Bɛkɔhyehye wɔ mma mmienzua ne wɔ mma mmrasua bɛkɔhɔ, na wɔ nu mmenia bɔ baha ne, bɛkɔfa see bɛkɔyera bɛ.

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Hesekiel 9:10

Yiti me koso mengɔkorɔkorɔ bɛ, yeɛ mengonwu bɛ anwumvoin, na mmom ngɔma bɛ yɔleɛ kɔbɔ bɛ ti so.”

Hosea 1:2

Mmerɛ bɔ AWURADE hyɛle ye bo fale Hosea so dwudwole ne, AWURADE sele Hosea kyɛ, “Kɔ ná kogya braa gyanderaniɛ, ná ɛne ye bɛwo gyanderafoɛ mmaa, ofikyɛ aseɛ ne wabɔ adwaman kandinga paa, na wali AWURADE nwo makyebu.”

Hosea 1:6

Osa nwonzɛle, na ɔwole baa brasua. Na AWURADE sele Hosea kyɛ, “To ye dumaa Lo Ruhama, ofikyɛ mengonwu Yisrael awuro ama anwumvoin ko bɔ ɔkɔmaa ngɔfa bɛ bɔne ngɔhyɛ bɛ bieku ɔ.

Hosea 5:7

Banni nahorɛ bamma AWURADE, ofikyɛ bawowo somaa mmaa. Bosome foforɛ ne kɔsɛkye bɛ ne bɛ boo mɔ.

Sakaria 1:12

Yeɛ AWURADE abɔfo ne bisale kyɛ, ‘O Asafo AWURADE, Yerusalem ne Yuda nguro bɔ w’ahone ahu bɛ so afoɛ aburasoo ɛhe ne, ɔkwaadwu kyinzu yeɛ engonwu bɛ anwumvoin ɔ?’

Yohane 8:41

Ɛmɔ baba yɔleɛ yeɛ ɛmɔyɔ ɔ.” Na bebuale ye kyɛ, “Yɛ de yɛtte adwaman mmaa; yɛ Baba te komapɛ twe, ye ole Nyameɛ.”

Romanfoɛ 11:22

Yiti ɔsɛ kyɛ enwu Nyameɛ ye anwumvoinnwunɛ ne ɔne ye anyeborolɛ ne. Ɔma ye nye boro bɛ bɔ bali makyebu ne aso; na wɔ de, Nyameɛ da ye paayɛlɛ ali kyire wɔ, nakoso sana ɛtena ye paayɛlɛ ne anu, na wamma ye sɔ de a, ɔkɔpɛ wɔ kɔto.

Romanfoɛ 9:18

Na sɛ sɔ yeɛ ɔte de a, nzaade sona biala bɔ Nyameɛ kuro ye dwirɛ yeɛ onwu ye anwumvoin ɔ; yeɛ sona biala bɔ Nyameɛ kuro ne, yeɛ opini ye ahone ɔ.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.