Hosea 2:3 - AHYERƐLƐ KRONGRON

³ Wamma ye sɔ a, ngɔpa ye nwo maa ye nwo kɔla so kyɛ kyẽa bɔ bɛwole ye ɔ; ngɔmaa ɔkɔyɛ kyɛ aseɛ pralaa so, ná wayɛ kyɛ aseɛ katerepee, na ngɔmaa nzuhɔen kohũ ye maa okowu.

Hosea 2:3 Iomraidhean Croise

Ɛksadɔso 17:3

Nakoso nzuhɔen huni mmenia ne wɔ berɛ, na bɛpenepenene bɛ komvi beguale Mose so. Bɛhane kyɛ, “Nzu ati yeɛ ɛɛyele yɛ fili Misraim ɔ, kyɛ ɛbaama nzuhɔen ku yɛ ne yɛ mma ne yɛ ngaka ɔ?”

Yesaya 33:9

Aseɛ di aworabɔlɛ, na wayɛ katerepee, Lebanon nyunu agua ase, na watwindwam; Saron ayɛ kyɛ ɛserɛ so; na Basan ne Kamɛl so mmakaa nyaa baporo.

Yesaya 47:3

Wɔ nwo kɔla so, na bekonwu w’animguaseɛ. Ngɔtɔ wereɛ, na mengonwu sona biala anwumvoin.

Yesaya 64:10

Wɔ nguro krongron nemɔ, bakakyi ɛserɛ, Sion akakyi ɛserɛ, yeɛ Yerusalem akakyi kurofoen.

Yeremia 12:10

Neafoɛ pee basɛkye me bobe boo ne, bahwi bafa me bue deɛ so, me bue deɛ nyemenenyemene ne, basɛkye ye pasaa.

Yeremia 13:22

Na sɛ ɛkã ye wɔ wɔ ti anu kyɛ, ‘Nzu ati yeɛ ɛhemɔ atoto me e?’ a, ɔnate w’amumuyɛɛ piri ne ati yeɛ wɔ nwo apa ma wɔ nziaseɛ nwo ala berɛ ɔ, ná baye wɔ gya bagua ase ye.

Yeremia 13:26

Me bɔbɔ ngɔpagya wɔ nziaseɛ ne ngɔfa ngomundu wɔ nyunu, na bekonwu wɔ animguaseɛ ne.

Yeremia 14:3

Ye atitire mɔ bɛsoma bɛ somvoɛ mɔ kyɛ bɛɛpena nzue; bɛbadwu abura nemɔ anwo, nakoso bennya nzue, yiti bɛfa bɛ bua mɔ too besa bɛkɔ. Bɛ nyunu agua ase, bafɛre, na bɛkata bɛ ti so.

Yeremia 17:6

Ɔkɔyɛ kyɛ ɛserɛ so bakaa, na mmerɛ paa ba a, ongonwu ye; ɔkɔtena ɛserɛ so aseɛ katerepee so, ngyee aseɛ bɔ sona biala ɔtte so ɔ so.

Yeremia 2:31

Na ɛmɔ, sɔ aworɛ ndoatoasoɛ he, ɛ́mɔtie AWURADE dwirɛ ne! Aso makakyi ɛserɛ so mama Yisrael, anaa makakyi aseɛ bɔ so te awosii kabii ɔ? Na nzu ati yeɛ me maen kã kyɛ, ‘Yɛle yɛ nwo, yɛngɔwa wɔ berɛ ko’ ɔ?

Yeremia 2:6

Bammisa kyɛ, ‘AWURADE wɔ nisua? Ye bɔ ɔyele yɛ fili Misraim aseɛ so wale ne, bɔ olili yɛ nyunu fale yɛ fale ɛserɛ so, aseɛ pralaa ne ngumaa aseɛ so, wɔ aseɛ bɔ esue ndɔ wɔ so, bɔ so te awosii kabii ne, aseɛ bɔ ebiala mbɛ nu wɔ so, bɔ ebiala ɔtte so ne.’

Yeremia 22:6

Ofikyɛ bɔ AWURADE ɔkã fa Yuda hene awuro ama nwo ɛhe, “ ‘Ɛte kyɛ Gileade ma me, ɔne Lebanon ti afia; nakoso amba ngɔmaa ɛkɔkakyi aseɛ pralaa ne nguro bɔ sona nne so ɔ.

Yeremia 4:26

Ndole me nye nneane, na yieee, né aseɛ bɔ ɔkye aleɛ ne wakakyi ɛserɛ, na ye nguro amukoraa bakakyi kurofoen wɔ AWURADE nyunu, wɔ ye ɛyaa piri ne anyunu.

Yeremia 51:43

Ye nguro mɔ akakyi kurofoen, aseɛ katerepee ne ɛserɛ, aseɛ bɔ sona fee ɔtte so ɔ, bɔ dasaniɛ biala ɔmva so ɔ.

Yeremia 51:5

Ofikyɛ Yisrael ne Yuda bɛ Nyameɛ Asafo AWURADE ne, ɔppole bɛ, ɔwɔ nu kyɛ bɛ bɔne bɔ bayɔ batia Yisrael Krongronniɛ ne, wayi b’aseɛ ne aso to de.

Hesekiel 16:22

Na w’akyiwadeɛ yɔleɛ ne wɔ gyandera amukoraa nu ne, angaye mmerɛ bɔ né ɛte abaayaa, bɔ né wɔ nwo la so kwaterekwa, bɔ né ɛla wɔ mogya nu ɛbenzebenze wɔ nu ne.

Hesekiel 19:13

Afei de, batu baalua ye wɔ ɛserɛ so, wɔ aseɛ wosee bɔ nzuhɔen ku ye ɔ so.

Hosea 13:15

Ɔwɔ nu kyɛ okonya ngɔsoɛ wɔ oliɛma mɔ nu, nakoso eyia afiteleɛ mvrama bɔ ɔte AWURADE mvrama ne, okotu kofi ɛserɛ so dɔ kɔwa, ye asue ti kɔwewe, yeɛ ye mbombonzue kɔwewe, na mvrama ne kɔsesa nningyein nyɔboɛ serɛ biala kofi nekaa bɔ osie ye nningyein ɔ.

Hosea 2:10

Na afei ngɔla ye nyanzoen bra ne ali wɔ ye kurofoɛ nemɔ nyunu, na ebiala ngɔpepɛ ngole ye ngofi me sa nu.

Nyekyire 17:16

Na mmɛen buru bɔ enwuni bɛ ne, bɛ ne kaka ne bɛkɔpɔ adwamanbɔlɛniɛ ne; bɛkɔyɛ ye pasapasa ná baye ye nwo bato so, bekoli ye naen, ná bafa see bayera ye.

Maenbulɛfoɛ 15:18

Sɔ mmerɛ ne, né nzuhɔen ku Samson paa, yiti osũ frɛle AWURADE kyɛ, “Ɛnate w’akoaa so ali ngonim kandinga he. Aso nzuhɔen baahu me, maa mmenia bɔ bɛmbɛ bɛ bienzua nemɔ bɛ sa ka me anaa?”