Hosea 2:23 - AHYERƐLƐ KRONGRON

²³ Ngolua ye ngɔma me nwo wɔ aseɛ ne aso. Ngonwu bɔ mannwu ye anwumvoin ne anwumvoin, na ngose bɔ ɔtte me maen ne kyɛ, ‘Ɛte me maen,’ na bɛ koso bɛkɔhã kyɛ, ‘Ɛte me Nyameɛ.’ ”

Hosea 2:23 Iomraidhean Croise

Edwein 118:28

Wɔ yeɛ ɛte me Nyameɛ ɔ, ngɔye wɔ ayɛ; wɔ yeɛ ɛte me Nyameɛ, ngɔpagya wɔ.

Edwein 22:27

Ofi aseɛ ti kɔka ye ti, bɛkɔkaye, ná basa bawa AWURADE berɛ; na maen maen mɔ so mmusua amukoraa, bɛkɔkoto wɔ ye nyunu.

Edwein 68:31

Atitire kofi Misraim kɔwa; Yitiopia kɔyɛ ndɛndɛ kɔma ye sa so kohyire Nyameɛ.

Edwein 72:16

Ma aleɛ obu so wɔ aseɛ ne aso, maa aleɛ ɔhye wɔ mmokaa nemɔ aso po, ma ye aleɛ ɔyɛ kyɛ Lebanon; na ma mmenia benyi frɔmfrɔm wɔ nguro nemɔ aso kyɛ aseɛ so ndire.

Edwein Nu Dwein 2:16

Me kurofoɛ ne, ɔte me deɛ, yeɛ me wora nde ye deɛ, ɔfa ye mmoaen kɔ adidie wɔ sukooko mɔ nu.

Yesaya 44:5

Sona ko kɔhã kyɛ, ‘Nde AWURADE deɛ,’ né ko wora wafa Yakob dumaa wato ye nwo; yeɛ ko koso kɔhyerɛ ye sa nwo kyɛ, ‘AWURADE deɛ ɔ,’ na ɔkɔfa Yisrael dumaa kɔsɔ ye dumaa so.”

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yeremia 30:22

Ɛmɔkɔyɛ me maen, ná me koso mayɛ ɛmɔ Nyameɛ.”

Yeremia 31:27

“Tie, mmerɛ bie ɔ́ba bɔ Yisrael awuro ama ne Yuda awuro ama mɔ, ngɔfa mmenia bosofoɛ ne ngaka bosofoɛ yeɛ ngolua ɔ, AWURADE noa dwirɛ ɛne.

Yeremia 32:38

Bɛkɔyɛ me maen, ná me koso mayɛ bɛ Nyameɛ.

Yeremia 33:26

ahaa ye de ngɔpo Yakob ne me somvoɛ Dawide bɛ boso ama, bɔ mengɔneanea nu mengɔye ye boso ama nemɔ anu ko maa ongoli hene wɔ Abraham, Yisake ne Yakob bɛ boso ama so ɔ. Ofikyɛ ngosa ngɔfa bɛ ngofi nnurehyelɛ nu ngɔwa, na ngonwu bɛ anwumvoin.”

Hesekiel 36:29

Ngɔpepɛ ngole ɛmɔ ngofi ɛmɔ nwo bɔ ɔnde ne amukoraa nu; ngɔfrɛ aleɛ ngɔwa maa okobu, na mengɔma ɛhɔen biala ngɔwa ɛmɔ so.

Hosea 1:6

Osa nwonzɛle, na ɔwole baa brasua. Na AWURADE sele Hosea kyɛ, “To ye dumaa Lo Ruhama, ofikyɛ mengonwu Yisrael awuro ama anwumvoin ko bɔ ɔkɔmaa ngɔfa bɛ bɔne ngɔhyɛ bɛ bieku ɔ.

Hosea 8:2

Bekosu bɛkɔfrɛ me kyɛ, ‘Me Nyameɛ, yɛ Yisraelfoɛ, yɛse wɔ.’

Sakaria 10:9

Ngolualua bɛ wɔ maen maen mɔ so, na bɛkɔkaye me wɔ maen maen mɔ so dedeede dɔ, na bɛ ne bɛ mma mɔ bekonya ngoa ná basa bawa.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Sakaria 14:16

Na ɔkɔwa kyɛ, maen maen amukoraa bɔ bɛfale koɛ bɛɛtoale Yerusalem ne, bɛ nu ama bɔ bekonya bɛ ti bekodidi nu ne, afoɛnoa biala bɛkɔɔsɔne Ɛhene Asafo AWURADE, ná bali Asese aluolue ne.

Sakaria 14:9

AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Romanfoɛ 3:29

Anaa Nyameɛ te Yudafoɛ ngome bɛ Nyameɛ? Aso ɔtte Amaenmaensofoɛ koso bɛ Nyameɛ? Ɔte bɛ koso bɛ Nyameɛ.

Yakobo 1:1

Yakobo bɔ nde Nyameɛ ne Awurade Yesu Kristo akoaa, mefa mebrɛ abusua kure buru ne nyɔ bɔ babɔ aya bahɔ maen maen so ne. Mebisa ɛmɔ bisabisa.