Hosea 2:22 - AHYERƐLƐ KRONGRON

²² Na aseɛ kɔfa mmuayɛɛ kɔma aburoo, nzaa ne ngoo, na bɛ koso bɛkɔfa mmuayɛɛ bɛkɔma Yesreel.

Hosea 2:22 Iomraidhean Croise

Yesaya 62:4

Bɛngɔfrɛ wɔ “Bɔ bapo ye ɔ” ko, yeɛ bɛngɔfrɛ w’aseɛ ne “Kurofoen” ko; na mmom bɛkɔfrɛ wɔ Hefesiba, yeɛ w’aseɛ ne koso bɛkɔfrɛ ye Bewela; ofikyɛ ɛla AWURADE ahone nwo, na okogya w’aseɛ ne.

Yeremia 24:7

Na ngɔma bɛ nimdeɛ bɔ ɔkɔmaa bekonwu me kyɛ me ole AWURADE ɔ. Bɛkɔyɛ me maen, ná me wora mayɛ bɛ Nyameɛ, ofikyɛ bɛkɔfa b’ahone amukoraa bekosa bɛkɔwa me berɛ.

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Hosea 1:11

Yudafoɛ ne Yisraelfoɛ bɛkɔbɔ nu bekoyia, ná bɛkɔye panyi ko maa okotua bɛ noa. Na bekofi aseɛ ne aso bɛkɔwa, ofikyɛ Yesreel kyẽa ne kɔyɛ kyẽa piri.

Hosea 1:4

Na AWURADE sele Hosea kyɛ, “To ye dumaa Yesreel; ofikyɛ ɔngɔhyɛ biala, ngɔtɔ Yehu awuro ama so wereɛ wɔ Yesreel mogya nwo, na ngɔma Yisrael awuro ama ahennie so kɔpɛ.”

Hosea 14:7

Bɛ bɔ bɛte ye fɔnwoo ne abo ne, bekosa bɛkɔwa, bekosa bekonyi puronn kyɛ aburoo, bɛkɔfefɛ kyɛ bobe, na bɛ nwo fona kɔyɛ kyɛ Lebanon bobe nzaa.

Yoel 2:19

Amba, AWURADE buale ye maen sele ye kyɛ, “Ɛ́mɔtie, ngɔbrɛ ɛmɔ aburoo, nzaa ne ngoo, na bɛkɔma ɛmɔ ko koyi; mengɔma ɛmɔngɔyɛ nikyee bɔ bebu ye animtia wɔ maen maen mɔ nu ɔ ko,

Sakaria 8:8

na ngɔfa bɛ ngɔwa maa bɛkɔɔtena Yerusalem; bɛkɔyɛ me maen, na me koso mayɛ bɛ Nyameɛ, wɔ nahorɛ ne tenenee nu.”