Hosea 2:2 - AHYERƐLƐ KRONGRON

² Ɛ́mɔdwudwo behyire ɛmɔ ani, ɛ́mɔdwudwo behyire ye, ofikyɛ nna me ye ɔ, yeɛ ye koso nna ohu ole me. Odi kyɛ ɔye ye gyanderabɔlɛ ne fi ye nye so, na ɔye ye agyaasɛkyelɛ ne fi ye nyɔfone mɔ b’afia.

Hosea 2:2 Iomraidhean Croise

Yesaya 11:12

Ɔkɔfa frangaa kɔpena berɛ kɔma maen maen mɔ, bɛ bɔ bapɛ b’asue bafi Yisrael ne, ɔkɔboaboa bɛ noa, yeɛ bɛ bɔ babɔ aya bafi Yuda ne, ɔkɔboaboa bɛ noa kofi aseɛ ndweasoɛ nna ne aso.

Yesaya 50:1

AWURADE nwa nyoo: “Ɛmɔ maame agyaayiralɛ krataa bɔ mva nyirale ye ne, ɔwɔ nisua? Anaa, nwa yeɛ mema ye kerɛ bɔ yiti mayɛ ɛmɔ atɔen mama ye ɔ? Ɛ́mɔtie, ɛmɔ amumuyɛɛ ti yeɛ nyɛle ɛmɔ atɔen ɔ, ɛmɔ mmeraatolɛ ti yeɛ nyirale ɛmɔ maame ɔ.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 19:3

Kã kyɛ, ‘Ao Yuda ahemvo ne Yerusalemfoɛ, ɛ́mɔtie AWURADE dwirɛ. Bɔ Asafo AWURADE Yisrael Nyameɛ kã ɛhe: Tie, ngɔprapra musue ngogua ɛwa sɔa, bɔ ebiala bɔ ɔkɔte ne, ye kunu kɔte ye ɔ.

Yeremia 2:2

“Kɔ ná kɔbɔ ye dawure kyire Yerusalem kyɛ, AWURADE nwa nyoo: Mekaye wɔ ndaluwa nu anwofama ne, w’atɔmvorɛ mmerɛ nu ehurolɛ ne, mmerɛ bɔ elili me si wɔ ɛserɛ so, wɔ aseɛ bɔ né belluale so hwee ne aso ne.

Yeremia 3:1

Mebisa ɛmɔ kyɛ, “Sɛ bienzua bie yira ɔye, ná braa ne fi ye berɛ kɔ, ná sɛ biaa foforɛ gya ye a, aso biaa ne kosa koogya ye bieku? Aso sɔ aseɛ ne nwo ngogua fiɛ petee? Ayɛ gyanderaniɛ ɛne wɔ kurofoɛ pee babɔ adwaman, nakoso ɛpena kyɛ esa ba me berɛ? AWURADE noa dwirɛ ɛne.

Yeremia 3:13

Wɔ de, de w’amumuyɛɛ to nu, kyɛ ayɛ AWURADE wɔ Nyameɛ nwo lɔen, afa wɔ ɔdɔ ama ɛwɔfoɛ mɔ wɔ bakaa monɛ biala abo, na ɛmɔandie me noa dwirɛ, AWURADE noa dwirɛ ɛne.

Yeremia 3:18

Sɔ mmerɛ ne anu, Yuda awuro ama kɔboka Yisrael awuro ama nemɔ aso, na aseɛ bɔ mva mane ɛmɔ nana mɔ maa ɔyɛle b’agyapadeɛ ne, bɛkɔbɔ nu bekofi sorɔ dɔ aseɛ ne aso bɛkɔwa so.

Hesekiel 16:20

Na wɔ mma mmienzua ne wɔ mma mmrasua bɔ ɛwole bɛ mane me ne, ɛfale bɛ bobɔle afɔleɛ mane mmosoen nemɔ kyɛ beli. Wɔ gyandera ne, aso ɔte nikyee kaaba,

Hesekiel 16:25

Borɔnoɛ biala ngwandaa, esili wɔ bosoen asɔneyɛɛ wɔ berɛ, eguale w’anwonyemene nwo fiɛ, ebukyele wɔ gya nu mane ebiala bɔ ɔpɛ nu kɔ ɔ, na ɛbɔle gyandera pee.

Hesekiel 20:4

Ekobua bɛ ndɛen anaa, Sona awa? Ekobua bɛ ndɛen anaa? Nzaade maa benwu bɛ nana mɔ b’akyiwadeɛ bra bɔ bɛbɔle ɔ;

Hesekiel 23:43

“Yeɛ ngane kyɛ, sɔ braa he bɔ wabɔ adwaman watete ne, aso mmienzua ne ye bɛbaabɔ adwaman anaa?

Hesekiel 23:45

Nakoso mmienzua bɔ bɛtengyɛ ne, bekobua Ohola ne Oholiba ndɛen, kyɛbɔ bebua agyaasɛkyelɛ mmrasua bɔ bɛkã mogya begua ɔ ndɛen ɔ; ofikyɛ bɛsɛkye agyaa, na bahã mogya bagua.

Hosea 1:2

Mmerɛ bɔ AWURADE hyɛle ye bo fale Hosea so dwudwole ne, AWURADE sele Hosea kyɛ, “Kɔ ná kogya braa gyanderaniɛ, ná ɛne ye bɛwo gyanderafoɛ mmaa, ofikyɛ aseɛ ne wabɔ adwaman kandinga paa, na wali AWURADE nwo makyebu.”

Hosea 2:1

Ɛmɔhã behyire ɛmɔ aliɛma mmienzua mɔ kyɛ, “Ami” yeɛ ɛmɔ aliɛma mmrasua mɔ kyɛ, “Ruhama.”

Hosea 2:5

Ofikyɛ bɛ maame abɔ gyandera; bɔ ɔnwonzɛle bɛ ne wabɔ nyanzoen bra, ofikyɛ ɔnwa, ‘Me kurofoɛ mɔ bɔ bɛma me me noa aleɛ, me nzue, me boaen nwiaa ne me gyese, me ngoo ne me nzaa ne, ngogu bɛ so.’

Hosea 4:5

Yiti ekosoti eyia, na ngɔmhyɛlɛniɛ ne koso ɔne wɔ bekosoti kɔngɔen, na ngonua wɔ maame boso.

Mika 2:13

Bɔ odwiri ɛwaen gua ne, ɔkɔfo koli bɛ nyunu moa; bele amirika yiridididi bɛkɔfa pambim ne anu, bɛkɔfa nu bekofite bɛkɔhɔ. Bɛ hene ne, ɔkɔsẽ koli bɛ nyunu, na AWURADE yeɛ okotua bɛ noa ɔ.

2 Korintofoɛ 5:16

Yiti ofi ɛnɛ bɔ ɔkɔ ɔ, yɛmva dasaniɛ adwene yɛnzusu kyɛbɔ sona si te ɔ, na sɛ sɔ yeɛ daa ne yɛfa yɛsusuli Yesu a, ɛnɛ de yɛnyɔ ye sɔ ko.