Hosea 2:13 - AHYERƐLƐ KRONGRON

¹³ Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Hosea 2:13 Iomraidhean Croise

2 Ahemvo 1:2

Ahasia ahemvie bɔ ɔwɔ Samaria ne, né Ahasia wafi ye aborɔsaen ne mboma nu wate watɔ. Opurale, yiti otuli ɛbɔfoɛ mɔ kyɛ, “Ɛmɔhɔ Ekron bosoen Baal Sebubo so na ɛmɔɔbisa sɛ me puralɛ bɔ mapura ye ngɔte apɔ a?”

2 Ahemvo 10:28

Yiti Yehu tuli Baal sɔnenɛ bo fili Yisrael.

2 Ahemvo 21:3

Ofikyɛ bosoen asɔneyɛɛ mɔ bɔ ye baba Hesekia obubuli bɛ ne, Manase sa sili. Osisili Baal afɔleɛ mmokyea, na ogyinane Asera dosii, kyɛbɔ Yisrael hene Ahabo yɔle ne ala. Ɔsɔnene ewienu abɔdeɛ amukoraa ná ɔsole bɛ.

YOB NWOMAA NE 8:13

Ebiala bɔ ɔma ye wora fi Nyameɛ ne, sɔ yeɛ oyie ye ɔ, na sona bɔ onzuro Nyameɛ ne, ye anyelasoɛ tu mini.

Edwein 106:13

Nakoso wangyɛ yeɛ bɛ wora fili ye nnwumaa ɔ, na banwondɛ bandie ye ahyɛdeɛ.

Edwein 106:21

Bɛ wora fili Nyameɛ bɔ ɔte bɛ Defoɛ ne, bɔ ɔyɔle nningyein mbiri mbiri wɔ Misraim ne,

Edwein 78:11

Bɛmane bɛ wora fili bɔ wayɔ ɔ, ɔne anwanwadeɛ mɔ bɔ wala ye ali wahyire bɛ ɔ.

Ɛksadɔso 32:34

Nakoso kɔ, ná kɔfa mmenia ne kɔ nekaa bɔ mahã ye nwo dwirɛ mahyire wɔ ne. Tie, m’abɔfo koli wɔ nyunu moa, nakoso kyẽa bie kɔwa bɔ ngɔmaa bekonya bɛ bɔne nwo akatuaa ɔ.”

Yesaya 17:10

Ofikyɛ wɔ ngoalelɛ Nyameɛ ne, wɔ wora afi ye, na angaye Nyɔbotaen bɔ ɔbɔ wɔ nwo waen ne. Ye sɔ ne ati, ɔwɔ nu kyɛ edua nningyein paa paa de, edua nningyein bɔ ofi maen bie aso de,

Yesaya 65:7

Ngɔhã ɛmɔ amumuyɛɛ ne ɛmɔ nana mɔ amumuyɛɛ ngɔbɔ nu ngotua so kerɛ, AWURADE noa dwirɛ ɛne. Na ɔnate kyɛ bɛyerale ɛyɛɛ wɔ mmokaa so, bɛgorole me nwo wɔ pambaa nemɔ aso ti, ngosusu bɛ yɔleɛ bɔ bayɔ ne, na ngotua so kerɛ.”

Yeremia 11:13

Ofikyɛ Yuda, wɔ nyameɛ mɔ basone pee kyɛ wɔ nguro mɔ; afɔleɛ mmokyea bɔ ɛmɔasi bafa bagua ɛmɔ nyunu ase, bɔ ɛmɔyera ɛyɛɛ wɔ so bɛma Baal ne, bɛ somaa te kyɛ Yerusalem mmorɔnoɛ mɔ.

Yeremia 18:15

Nakoso me maen de, ye wora afi me, bɛyera ɛyɛɛ mɔ bɛma mmosoen mbaen mbaen mɔ; bamaa basoti wɔ b’atee mɔ so, bafi atimbire daa nemɔ aso, bafa makyebu atee mɔ so, bɔ nna atimbire ahɔ ɔ.

Yeremia 2:32

Aso taluwa, ye wora kofi ye mbembenanneɛ, anaa atɔmvorɛ braa, ye wora kofi ye ataadeɛ? Nakoso me maen de, ye wora afi me, mmerɛ tendenn bɔ bɛka a bennwu ye noa ɔ.

Yeremia 23:2

Yiti bɔ AWURADE Yisrael Nyameɛ kã fa me maen so neafoɛ nemɔ nwo ɛhe, “Ɛmɔabɔ me mmoaen kure ne basande, ɛmɔafoa bɛ maa bahɔ, na ɛmɔannea bɛ so. Yiti ngotu me nye ngosie ɛmɔ so, ɔnate ɛmɔ bɔne yɔleɛ ne ati, AWURADE noa dwirɛ ɛne.

Yeremia 7:34

Na Yuda nguro nemɔ anu ne Yerusalem dwaa nemɔ aso, ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga, ngotu bɛ bo, ofikyɛ aseɛ ne kɔyɛ kurofoen.

Yeremia 7:9

Aso ɛmɔkowua, ɛmɔkoli awue, ɛmɔkɔsɛkye agyaa, ɛmɔkɔta ngondombo ndaen, ɛmɔkɔyera ɛyɛɛ bɛkɔma Baal, ɛmɔkoli nyameɛ foforɛ mɔ bɔ ɛmɔnze bɛ ɔ bɛ si,

Awuye 1:4

Sion atimbire nemɔ bedi aworabɔlɛ, ofikyɛ sona biala mma aluolue nemɔ abo, ye pambim amukoraa bɛlela berɛ too, ye asɔfo mɔ bedi yealɛ, ye mmabunu mɔ bayɛ anwumvoin anwumvoin, na ye bɔbɔ wora onwu amaneɛ paa.

Awuye 5:14

Nworowaa mɔ bayakyi kuro berɛ pambim ne anu hɔlɛ, na mmerandeɛ bayakyi bɛ dweintolɛ ne.

Hesekiel 16:12

Mvale kaa nwurale wɔ bonyi anu, mvale asomade koso nwurale wɔ, na mvale abotire nyemenenyemene mmɔle wɔ.

Hesekiel 16:17

Me sikaa kɔkorɛ mbembenanneɛ ne me dwetɛ mbembenanneɛ bɔ mva mane wɔ ne koso, ɛfa yɔle wɔ mmosoen mmienzua, na ɛfale wɔ nwo mane bɛ bɔle gyandera.

Hesekiel 22:12

Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Hesekiel 23:35

Yiti AWURADE Nyameɛ nwa nyoo: Ɔnate kyɛ ama wɔ wora afi me, ná apo me ne ati, wɔ koso ekonya wɔ nyanzoen bra ne wɔ gyandera nwo asohwenɛ.”

Hosea 11:2

Na ngu so bɔ mefrɛ bɛ ne, né me nwo ala yeɛ befi bɛkɔ ɔ. Bɛbobɔle afɔleɛ mɔ bɛmane Baal mɔ, na bɛyerale ɛyɛɛ bɛmane amoen mɔ.

Hosea 13:1

Sɛ né Efraim odwudwo a, mmenia nwo wosowoso bɛ; ɔmane ye nwo so wɔ Yisrael, na ɔnate kyɛ ɔsɔnene Baal ne ati, ɔyɔle bɔne, na owuli.

Hosea 13:6

Ndire bɔ belili ne, kyɛbɔ né ye paa si te nen, sɔ ala yeɛ bɛ ko yili ɔ; bɛ ko yili, na bɛyɛle anwomasoɛ, yiti bɛ wora fili me.

Hosea 2:5

Ofikyɛ bɛ maame abɔ gyandera; bɔ ɔnwonzɛle bɛ ne wabɔ nyanzoen bra, ofikyɛ ɔnwa, ‘Me kurofoɛ mɔ bɔ bɛma me me noa aleɛ, me nzue, me boaen nwiaa ne me gyese, me ngoo ne me nzaa ne, ngogu bɛ so.’

Hosea 2:7

Ɔkɔpo ye kurofoɛ nemɔ aso, nakoso ɔngɔto bɛ; ɔkɔpena bɛ, nakoso ongonwu bɛ. Na ɔkɔhã kyɛ, ‘Ngosa ngɔhɔ ngoogya me hu daa ne, ofikyɛ né nningyein kɔ so yé ma me tra ɛnɛ.’

Hosea 4:13

Bɛbobɔ afɔleɛ wɔ mmokaa ti afia, bɛyera ɛyɛɛ wɔ pambaa mɔ so, yeɛ eluii, tanure ne ɛmee mɔ abo, ofikyɛ bɛ bo te fɔnwoo. Yiti ɛmɔ mma mmrasua mɔ kɔbɔ gyandera, na ɛmɔ aye mɔ kɔsɛkye agyaa.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Hosea 8:14

Ofikyɛ Yisrael wora afi (Nyameɛ) bɔ ɔbɔle ye ɔ, wasisi asɔneyɛɛ sua mɔ; Yuda akyekye nguro pee bɔ bato bɛ nwo fasue ɔ, nakoso ngɔtɔ see ngogua ye nguro nemɔ aso, na ɔkɔyera ye anwoserɛ afealeɛ nemɔ.

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Amose 8:10

Ngɔkakyi ɛmɔ poentolɛ nemɔ aworabɔlɛlilɛ, yeɛ ɛmɔ dwein amukoraa awuyebɔlɛ; ngɔma ebiala kɔhera ɛsɛen tena, ná mama ebiala abɔ tikwa. Ngɔmaa ɔkɔyɛ kyɛ bahorɛ wue nwo aworabɔlɛlilɛ, ayieleɛ ne kɔyɛ kyɛ aworabɔlɛ kyẽa.

Deuteronomi 32:18

Nyɔbotaen bɔ ɔfale wɔ wale wiase ne de, andwene ye nwo, na wɔ wora fili Nyameɛ bɔ ɔwole wɔ ne.

Deuteronomi 6:12

nea yé né wɔ wora amvi AWURADE bɔ ɔyele wɔ fili Misraim aseɛ so, fili ngoaasolɛ nu ne.

Maenbulɛfoɛ 10:6

Yisraelfoɛ sa yɔle bɔ ɔte bɔne wɔ AWURADE nyunu ɔ. Bɛsɔnene Baal ne Astarote mɔ, Siria nyameɛ mɔ, Sidon nyameɛ mɔ, Moabo nyameɛ mɔ, Amonfoɛ nyameɛ mɔ, yeɛ Filistifoɛ nyameɛ mɔ. Yiti bɛyakyili AWURADE si lilɛ, na banzɔne ye.

Maenbulɛfoɛ 3:7

Yisraelfoɛ yɔle bɔ ɔte bɔne wɔ AWURADE nyunu ɔ. Bɛmane bɛ wora fili AWURADE bɛ Nyameɛ, na bɛsɔnene Baal mɔ ne Asera mɔ.

1 Samuel 12:9

Nakoso bɛmane bɛ wora fili AWURADE bɛ Nyameɛ; yiti ɔfale bɛ wurale Hasɔ safohene Sisera sa, Filistifoɛ sa, ɔne Moabo hene sa, na sɔ mmenia nemɔ ne bɛ hone koɛ.