Hosea 2:12 - AHYERƐLƐ KRONGRON

¹² Ngɔsɛkye ye bobe ne ye borɔdoma mmakaa nemɔ, bɔ wahã wafa bɛ nwo kyɛ, ‘M’akatuaa bɔ me kurofoɛ mɔ bafa bama me ne, ye ɛhe’ ne; ngɔkakyi bɛ ɛhɔayeɛ, na eburo ngaka koli.

Hosea 2:12 Iomraidhean Croise

Edwein 80:12

Na nzu ati yeɛ abubu ye nwo fasue mɔ agua ye maa ebiala bɔ ɔpɛ nu kɔ ne, ɔtete ye mma ne bie e?

Yesaya 29:17

Aso nna mmerɛ kãa bie yeɛ waha ɔ bɔ Lebanon kɔkakyi aseɛ bɔ ɔkye aleɛ ɔ, bɔ bekobu aseɛ bɔ ɔkye aleɛ koso kyɛ ɛhɔayeɛ ɔ?

Yesaya 5:5

Afei de, bɔ ngɔfa ngɔyɔ me bobe boo ne, mebaahã mekyire ɛmɔ. Ngotutu ye nwo waen ne maa ngaka kooli; ngodwiri ye nwo fasue ne ngogua maa bekotiatia bobe ne aso.

Yesaya 7:23

“Sɔ mmerɛ ne, nekaa biala bɔ bobe mmakaa apee ko wɔ, bɔ ye nyɔboɛ te ɛdwetɛ apee ko ne, ɔkɔkakyi agurɛ ne mmowue.

Yeremia 13:26

Me bɔbɔ ngɔpagya wɔ nziaseɛ ne ngɔfa ngomundu wɔ nyunu, na bekonwu wɔ animguaseɛ ne.

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Yeremia 5:17

Bekoli wɔ fieso aleɛ ne w’aleɛ; bekohũhũ wɔ mma mmienzua ne wɔ mma mmrasua; bekohũhũ wɔ mmoaen ne wɔ nandwie mɔ bekoli, bekobubu wɔ bobe ne borɔdoma mmakaa bekogua; wɔ nguro bɔ ato bɛ nwo fasue, bɔ afa wɔ wora awura bɛ nu ne, bɛkɔfa ngrandɛ bɛkɔsɛkye bɛ.

Yeremia 8:13

Ngonua bɛ boso amba, AWURADE noa dwirɛ ɛne. Bengonwu bobe mmaa wɔ bobe bakaa so, yeɛ bengonwu borɔdoma wɔ borɔdoma bakaa so. Bɛ nyaa mɔ po kɔkese, na bɔ mva mane bɛ ne, okofi bɛ sa.

Hosea 13:8

Ngɔto ngɔhye bɛ kyɛ kwabrafo bɔ basesa ye mma mɔ bahɔ ɔ, na ngɔtete bɛ hue bɔ obutu b’ahone so ne anu; berɛ yeɛ ngohũhũ bɛ kyɛ gyata, kyɛbɔ kaka aboyaa kɔtete bɛ nu ɔ.

Hosea 2:5

Ofikyɛ bɛ maame abɔ gyandera; bɔ ɔnwonzɛle bɛ ne wabɔ nyanzoen bra, ofikyɛ ɔnwa, ‘Me kurofoɛ mɔ bɔ bɛma me me noa aleɛ, me nzue, me boaen nwiaa ne me gyese, me ngoo ne me nzaa ne, ngogu bɛ so.’

Hosea 5:14

Ofikyɛ ngɔyɛ kyɛ gyata ngɔma Efraim, yeɛ ngɔyɛ kyɛ gyata ba ngɔma Yuda awuro ama. Me, me yeɛ ngɔtete bɛ nu pasapasa ngɔhɔ ɔ; ngɔfa ngɔhɔ, na ebiala ngɔpepɛ ngole ye.

Hosea 9:1

Ao Yisrael, nnɛdi ahurusi! Nnɛma wɔ nye gye kyɛ maen maen nemɔ, ofikyɛ afi wɔ Nyameɛ si aabɔ gyandera. Ahuro gyanderaniɛ akatuaa, wɔ nekaa amukoraa bɔ bɛboro aburoo ɔ.

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.