Hosea 2:10 - AHYERƐLƐ KRONGRON

¹⁰ Na afei ngɔla ye nyanzoen bra ne ali wɔ ye kurofoɛ nemɔ nyunu, na ebiala ngɔpepɛ ngole ye ngofi me sa nu.

Hosea 2:10 Iomraidhean Croise

2 Aberɛso Dwirɛ 24:7

Né braa busueniɛ Atalia ye boso ama mɔ, baabɔ bawura Nyameɛ awuro berɛ basesa berɛ nningyein, na nningyein bɔ batu basie berɛ bama AWURADE ne po, bafa ye mukoraati basɔne Baal mɔ.

Edwein 50:22

“Ɛmɔ bɔ ɛmɔ wora ofi Nyameɛ ne, ɛ́mɔdwene ɛhe anwo, ná mandete ɛmɔ nu pasapasa bɔ ɛmɔngonya defoɛ ɔ.

Anyandera 11:21

Nahorɛ nu, bɔnefoɛ ngɔfa ye nwo ngoli tɔtorɔtɔɔ, nakoso teneneefoɛ de, bɛ bosofoɛ konya bɛ ti bekodidi nu.

Yesaya 3:17

AWURADE kɔma Sion mma mmrasua bɛ ti so kotutu ngena, na AWURADE kɔpa bɛ nwo.

Yeremia 13:22

Na sɛ ɛkã ye wɔ wɔ ti anu kyɛ, ‘Nzu ati yeɛ ɛhemɔ atoto me e?’ a, ɔnate w’amumuyɛɛ piri ne ati yeɛ wɔ nwo apa ma wɔ nziaseɛ nwo ala berɛ ɔ, ná baye wɔ gya bagua ase ye.

Yeremia 13:26

Me bɔbɔ ngɔpagya wɔ nziaseɛ ne ngɔfa ngomundu wɔ nyunu, na bekonwu wɔ animguaseɛ ne.

Hesekiel 16:16

Wɔ tena ne, ɛfale bie yɛle nzaasaa, na ɛfa yɔle wɔ mmosoen asɔneyɛɛ bɔ berɛ yeɛ ɛbɔle gyandera ɔ; bɔ sɔ nikyee ne ebie ossili le, bɔ ebie koso ngosi le ɔ.

Hesekiel 16:19

M’aleɛ bɔ mva mane wɔ kyɛ eli ne, bɔ ɔte esam paa ne ngoo ne woɛ ne, yeɛ ɛfa bɔle afɔleɛ fonafona mane bɛ ɔ. Bɔ osili hɔ ɛne, AWURADE Nyameɛ noa dwirɛ ɛne.

Hesekiel 23:29

Bɛkɔfa ɛpɔen so yeɛ bɛ ne wɔ koli ɔ, bɔ afɛ anya ye ne, bɛkɔfa ye mukoraa bɛkɔhɔ, bɛkɔyakyi wɔ berɛ kwaterekwa bɔ wɔ nwo la so ɔ, na wɔ gyandera adagya ne nwo kɔla so, wɔ nyanzoen ne wɔ gyandera ne.

Hosea 10:1

Yisrael te bobe paa bɔ osu ye mma ɔ; kyɛbɔ ye mma begu so bɛsone ne, sɔ ala yeɛ ye afɔleɛ mmokyea begu so bɛsone ɔ; kyɛbɔ ye aseɛ ne osi yɛ nyemene ne, sɔ ala yeɛ bɛyɛle b’amoen mɔ nyemenenyemene ɔ.

Hosea 13:1

Sɛ né Efraim odwudwo a, mmenia nwo wosowoso bɛ; ɔmane ye nwo so wɔ Yisrael, na ɔnate kyɛ ɔsɔnene Baal ne ati, ɔyɔle bɔne, na owuli.

Hosea 2:3

Wamma ye sɔ a, ngɔpa ye nwo maa ye nwo kɔla so kyɛ kyẽa bɔ bɛwole ye ɔ; ngɔmaa ɔkɔyɛ kyɛ aseɛ pralaa so, ná wayɛ kyɛ aseɛ katerepee, na ngɔmaa nzuhɔen kohũ ye maa okowu.

Hosea 6:9

Kyɛbɔ awerɔm awuefoɛ kure bɛtetɛ sona ne, sɔ ala yeɛ asɔfo kure bɛbɔ porɛ bedi awue ɔ. Bedi awue wɔ Sɛkem atee so, amba, bɛbɔ musue.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.