Hosea 14:9 - AHYERƐLƐ KRONGRON

⁹ Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Hosea 14:9 Iomraidhean Croise

Gyenesise 18:25

Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?”

YOB NWOMAA NE 17:9

Nakoso sona bɔ ɔtengyɛ de, ye atee so yeɛ ɔnate ɔ, yeɛ bɛ bɔ bɛ bra te sannwuu ne, bɛkɔ so benya anwoserɛ.

Edwein 107:43

Ebiala bɔ ɔse nworɛ ne, odi kyɛ ɔdwene sɔ edwirɛ hemɔ anwo, odi kyɛ ɔdwene AWURADE ɔdɔ bɔ onni ngasi ne anwo yee.

Edwein 119:128

Yiti megyina wɔ dwirɛ so yeɛ mebɔ me bra ɔ; na mekyi ngondombo atee biala.

Edwein 119:75

Ao AWURADE, mese kyɛ wɔ ndɛenbualɛ te turoloo, na ɛnate nahorɛlilɛ so ahwe me so.

Edwein 84:5

Bɛ bɔ wɔ nu yeɛ b’anwoserɛ wɔ ne, benya saleɛ, na Sion atimbire wɔ b’ahone nu.

Edwein 84:7

Bɛnate a, befi anwoserɛ nu bɛkɔ anwoserɛ nu, na bɛ nu biala bafite Nyameɛ nyunu wɔ Sion.

Anyandera 10:29

AWURADE atee te anwoserɛ afealeɛ ma bɛ bɔ bɛ bra te sannwuu ɔ, nakoso bɔnefoɛ de, bɛkɔ sɛkyelɛ nu.

Anyandera 16:21

Sona bɔ ɔyɔ ye nningyein nworɛ nu ne, bɛfrɛ ye badwemma, yeɛ sɛ sona noa dwirɛ yɛ fɛ a, ɔma mmenia nya nikyeesualɛ nu ngɔsoɛ.

Anyandera 4:18

Nakoso teneneefoɛ de, b’atee te kyɛ ngyerɛmɔ yia bɔ wapukye ɔ, na ɔbɔ toonn kodwu eyia ketee.

Yesaya 1:28

Nakoso mmeraatolɛfoɛ ne bɔnefoɛ de, ngohũ bɛ ngɔbɔ nu, na bɛ bɔ bɛpo AWURADE ne wora, ngohũhũ bɛ.

Yesaya 17:8

Ɔngɔfa ye nwo ngɔto afɔleɛ mmokyea bɔ ɔte ye sa noa adwuma ne aso. Yeɛ Asera dosii anaa ɛyɛɛ afɔleɛ mmokyea bɔ wafa ye sa mmaa wayɔ ne koso, ɔngɔfa ye nye ngɔto so.

Yesaya 26:7

Teneneeniɛ atee tengyɛ, ɛma teneneeniɛ atimbire da so yɔɔ.

Yeremia 29:12

Afei ɛmɔkosu bɛkɔfrɛ me, ɛmɔkɔwa bɛkɔɔbɔ mbaeɛ bekohyire me, na ngotie ɛmɔ.

Yeremia 9:12

“Nwa yeɛ ɔte nworɛniɛ bɔ ɔkɔte ɛhe abo ɔ? Na nwa yeɛ AWURADE noa wadwudwo wahyire ye bɔ odi kyɛ ɔbɔ ye dawure ɔ? Nzu ati yeɛ aseɛ ne ayɛ pralaa kyɛ ɛserɛ so, maa ɔnate so ebiala mva so ye?

Hesekiel 11:18

Na bɛkɔwa berɛ, na bɛkɔye so nningyein tɛɛ mukoraa ne akyiwadeɛ mukoraa bekofi so.

Hesekiel 18:25

“Nakoso ɛmɔnwa: ‘AWURADE atee ndengyɛ.’ O Yisrael awuro ama, nzaade ɛ́mɔtie e: Aso m’atee ndengyɛ anaa? Aso nna ɛmɔ atee mmom yeɛ ɔndengyɛ ɔ?

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Daniel 12:10

Bɛkɔte mmeni pee nwo bɛkɔyɛ bɛ nwo fitaa kɔma bɛ nwo kɔyɛ sannwuu; nakoso bɔnefoɛ de, bɔ ɔtte mayee yeɛ bɛkɔyɔ ɔ, na bɔnefoɛ nemɔ anu biala ngɔte ye bo; nakoso badwemmafoɛ de, bɛkɔte ye bo.

Sefania 3:5

AWURADE bɔ ɔwɔ ye nu de, ɔte teneneeniɛ, ɔnyɔ bɔ ɔtte mayee ɔ, ngyerɛmɔ biala ɔda ye pɛpɛɛpɛyɛlɛ ali, bɔ ɔnyakyi ye yɔlɛ koraa ɔ; nakoso bɔnefoɛ mɔ de, bɛnze nyanzoen.

Sakaria 10:6

“Ngɔma Yuda awuro ama b’ahone kɔyɛ se, na ngɔpepɛ ngole Yosef awuro ama. Ngosa ngɔfa bɛ ngɔwa ngɔɔbɔ bɛ atenaseɛ, ofikyɛ manwu bɛ anwumvoin, ngɔyɛ bɛ kyɛ nna bɛ yeɛ mbole bɛ ne, ofikyɛ me ole AWURADE bɛ Nyameɛ, na ngotie bɛ sufrɛ.

Mateo 11:19

Na Sona Awa ne wale ne, odidi, yeɛ ɔno, na bɛnwa: ‘Ɛ́mɔnea, adifuu ne akɔnomnzaniɛ, ɛtoɔdidelɛfoɛ ne bɔnefoɛ adamvo!’ Nakoso nworɛ nate ye nnwumaa so di be.”

Luka 2:34

Na Simeon yirayirale bɛ, na osele oni Maria kyɛ, “Nea, akwadaa he yeɛ bafa ye basie berɛ bama mmenia pee b’asefinɛ ne bɛ dwɔsolɛ wɔ Yisrael ɔ, ɔne sɛngyerɛnneɛ bɔ mmenia bekodwudwo bekotia

Luka 7:23

Na sona bɔ nnde sundidua memma ye ne, wanya saleɛ.”

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 8:47

Ebiala bɔ ofi Nyameɛ nu ne, otie Nyameɛ dwirɛ. Na nikyee ti bɔ ɔmaa ɛmɔndie ne ole kyɛ, nna Nyameɛ nu yeɛ ɛmɔfi ɔ.”

Yohane 9:39

Na Yesu hane kyɛ, “Ndɛenbualɛ ti yeɛ mmale wiase ɔ, amaa ɔnate so bɛ bɔ bennwu nikyee ne banwu nikye; ná bɛ bɔ benwu nikyee ne koso bakakyi anyesiniwaafoɛ.”

Asomafoɛ 13:10

na osele ye kyɛ, “Ɛte abɔnzam sona! Ɛte tenenee mukoraa pɔfoɛ, nnakannaka ne amumuyɛɛ ayi wɔ ti anu tɛkyɛ, aso ɛngɔyakyi kyɛ ɛkɔhyea Awurade tenenee atee ne ɔ?

Romanfoɛ 7:12

Yiti mmeraa ne te krongron, na ahyɛdeɛ ne koso te krongron, ɔte tenenee, na ɔte paa.

Deuteronomi 32:4

Nyɔbotaen ne, ye adwuma te pɛpɛɛpɛ, na ye atee mukoraa tengyɛ. Ɔte nahorɛ Nyameɛ, bɔ nnakannaka nne ye nu ɔ, ɔte pɛpɛɛpɛ, na ɔtengyɛ.

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.