Hosea 13:9 - AHYERƐLƐ KRONGRON

⁹ Ao Yisrael, afrɛfrɛ w’asefinɛ ama wɔ nwo, nakoso me nu yeɛ wɔ mmokalɛ wɔ ɔ.

Hosea 13:9 Iomraidhean Croise

2 Aberɛso Dwirɛ 28:23

Ofikyɛ Damasko bɔ wali ye Ahase so ngonim ne, Ahase bɔle afɔleɛ mane bɛ mmosoen. Na ɔhane kyɛ, “Ɔnate kyɛ Siria ahemvo bɛ mmosoen mɔ aboka bɛ ne ati, ngɔbɔ afɔleɛ ngɔma bɛ amaa ɔnate so baboka me.” Nakoso ɔnate bɛ so yeɛ AWURADE brɛle ye ne Yisrael amukoraa ase ɔ.

Edwein 146:5

Sona bɔ ye bokafoɛ ole Yakob Nyameɛ, bɔ ye wora wura AWURADE ye Nyameɛ nu ne, onya saleɛ.

Edwein 33:20

Yɛ kra nye la AWURADE so; ɔte yɛ bokafoɛ ne y’akokyɛm.

Edwein 46:1

Nyameɛ te yɛ nwo ɛwaenbɔlɛ ne y’anwoserɛ, bokafoɛ paa bɔ opingye yɛ wɔ amaneɛnwunɛ mmerɛ nu ɔ.

Anyandera 6:32

Nakoso bienzua bɔ ɔne ebie aye bɛda ne de, adwene nne ye ti anu, sona bɔ ɔyɔ sɔ ne, ɔfa sɛkye ye bɔbɔ ye kra.

Anyandera 8:36

nakoso bɔ ɔkɔyɔ bɔne kotia me ne de, ɔyɛ ye bɔbɔ ye kra aborɛ, ebiala bɔ ɔpɔ me ne, né ewue yeɛ okuro ɔ.”

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Yesaya 3:9

Kyɛbɔ basi bayɛ bɛ nyunu ne, odi adanzeɛ tia bɛ, bɛbɔ bɛ bɔne nwo dawure kyɛ Sodom, bɛmva bɛmvea. Bɛ kra yaakɔ! Ofikyɛ bahwehwe musue babrɛ bɛ nwo.

Yeremia 2:17

Aso nna wɔ bɔbɔ deinn yeɛ ɔnate kyɛ apo AWURADE wɔ Nyameɛ ne ati, afrɛfrɛ ɛhe ama wɔ nwo, wɔ mmerɛ bɔ olili wɔ nyunu fale wɔ pɛle atee ne?

Yeremia 2:19

Wɔ bɔbɔ wɔ bɔne kɔbɔ wɔ ti so, na Nyameɛ si lilɛ bɔ ayakyi ne, sɔ suban ne kobua wɔ foɛ. Nwu ye ná kaye kyɛ ɔte aworabɔlɛ dwirɛ kyɛ ɛkɔpo AWURADE wɔ Nyameɛ ɔ; na me nwo suronyi ɔnne wɔ nu. AWURADE, Asafo Nyameɛ noa dwirɛ ɛne.

Yeremia 4:18

W’atee bɔ ɛnate so, ɔne wɔ yɔleɛ yeɛ wama edwirɛ he ato wɔ ye. W’asefinɛ ɛne! Nea ye yealɛ! Ye yealɛ ne wahã w’ahone.”

Yeremia 5:25

Ɛmɔ amumuyɛɛ ama sɔ nhyehyɛleɛ nemɔ asesã, na ɛmɔ bɔne ama nningyein paa abɔ ɛmɔ.

Hosea 13:4

Nakoso ofi Misraim aseɛ so, me ole AWURADE wɔ Nyameɛ; onni kyɛ ɛso nyameɛ biala, sana me, na defoɛ biala nne berɛ, sana me.

Hosea 14:1

Ao Yisrael, sa bra AWURADE wɔ Nyameɛ berɛ, ofikyɛ w’amumuyɛɛ amaa afi ase.

Hosea 7:14

Bemvi b’ahone nu benzu bɛmvrɛ me, na mmom bɛbɔ awuye wɔ bɛ bɛen so; bɛpepɛ bɛ nwo naen bɛpena aburoo ne nzaa, na bɛyɛ me nwo lɔen.

Hosea 7:15

Ɔwɔ nu kyɛ me yeɛ mama bɛ ndeteyɛɛ, yeɛ mamaa banya anwoserɛ ɔ, nakoso bɛbɔ me nwo porɛ.

Malaki 1:12

Nakoso ɛmɔ de, ɛmɔagua ye nwo fiɛ, bɔ ɛmɔnwa: AWURADE poen ne anwo agua efiɛ, ɛkora bu so nningyein ne so aleɛ po animtia.

Malaki 1:13

Ɛmɔsa bɛkã kyɛ, Eh, nzikyɛ ɛfɛɛ ɛhe? Na ɛmɔsobi bɛ noa begua so, Asafo AWURADE noa dwirɛ ɛne. Kaka bɔ ɛmɔali aminɛ banya ye, anaa kaka bɔ wabubu, anaa bɔ ɔnde apɔ ɔ yeɛ ɛmɔfa bɛbabɔ afɔleɛ ɔ. Aso odi kyɛ mede ɛhe mefi ɛmɔ berɛ anaa? Asafo AWURADE noa dwirɛ ɛne.

Malaki 1:9

Nzaade, mesrɛ ɛmɔ, ɛ́mɔsrɛ Nyameɛ ma ɔlo yɛ e! Na sɛ akyɛdeɛ bɔ otira ɛmɔ sa nu hɔ ɛne a, ye de ɔkɔyɛ sɛɛ né walo ɛmɔ? Asafo AWURADE noa dwirɛ ɛne.

Deuteronomi 33:26

“Yesurun Nyameɛ ne, nyameɛ biala nne berɛ bɔ ɔte kyɛ ye ɔ, ye yeɛ ɔnate ye tumi piri so fa munungum nu, ná ɔfa ewienu baboka wɔ ɔ.

Deuteronomi 33:29

O Yisrael, anya saleɛ! Nwa yeɛ ɔne wɔ bɛte pɛ ɔ? Mmenia bɔ AWURADE ale bɛ ɔ, ɔte w’akokyɛm bɔ ɔbɔ wɔ nwo waen ɔ, ɔne wɔ ngonim ngrandɛ! Wɔ pɔfoɛ mɔ kɔbrɛ bɛ nwo ase wɔ wɔ nyunu, nakoso wɔ de, ekotiatia b’asɔneyɛɛ nemɔ aso.”