Hosea 13:8 - AHYERƐLƐ KRONGRON

⁸ Ngɔto ngɔhye bɛ kyɛ kwabrafo bɔ basesa ye mma mɔ bahɔ ɔ, na ngɔtete bɛ hue bɔ obutu b’ahone so ne anu; berɛ yeɛ ngohũhũ bɛ kyɛ gyata, kyɛbɔ kaka aboyaa kɔtete bɛ nu ɔ.

Hosea 13:8 Iomraidhean Croise

2 Samuel 17:8

Na Husae toale so sele kyɛ, “Ɛse kyɛ wɔ baba ne ye mmenia nemɔ bɛte koɛhonɛfoɛ, na bɛ nye aboro kyɛ kwabrafo bɔ ebie ahye ye mma wɔ eburo ɔ. Asa koso, wɔ baba se koɛ ko paa, na ɔne koɛhonɛfoɛ nemɔ bɛngɔla neka horɛ kɔngɔen.

Edwein 50:22

“Ɛmɔ bɔ ɛmɔ wora ofi Nyameɛ ne, ɛ́mɔdwene ɛhe anwo, ná mandete ɛmɔ nu pasapasa bɔ ɛmɔngonya defoɛ ɔ.

Edwein 80:13

Ɛhɔayeɛ nu kɔkɔte tiatia so, na eburo ngaka amukoraa bɛtete bedi.

Anyandera 17:12

Ɔte paa kyɛ ɛne kwabrafo bɔ bahye ye mma ɔ bɛkɔbɔ numbunumbu tra kyɛ ɛne kwaseaa bɔ ye gyiminɛ awa ɔ kɔbɔ numbunumbu ɔ.

Yesaya 5:29

Kyɛbɔ besi bɛbobɔ nu ne, ɔte kyɛ gyata deɛ, na bepo kyɛ gyata akrɔngrɔma mɔ, bɛyɛ bɛ komvi hooo bɛkye bɛ naen, na bɛfa bɛkɔ bɔ ebiala ngora nnne mvi bɛ sa nu ɔ.

Yesaya 56:9

Eburo ngaka amukoraa, ɛmɔbra bɛɛtete nu pasapasa beli, yoo, ɛhɔayeɛ nu ngaka amukoraa.

Yeremia 12:9

M’agyapadeɛ ne, ɔte kyɛ akorɔma anwo kyerekyerɛɛ ma me. Akorɔma mɔ bapɛ ye nwo bayia. Ɛmɔhɔ bɛɛboaboa ngaka aboyaa amukoraa noa maa bɛbra bɛɛhye ye beli.

Yeremia 25:38

Wafi ye dabea kyɛ gyata; ofikyɛ bɛ maen ne akakyi kurofoen ɔnate pɔfoɛ ngrandɛ ne, ɔne ye ɛyaafɛlɛ piri ne ati.”

Hosea 2:12

Ngɔsɛkye ye bobe ne ye borɔdoma mmakaa nemɔ, bɔ wahã wafa bɛ nwo kyɛ, ‘M’akatuaa bɔ me kurofoɛ mɔ bafa bama me ne, ye ɛhe’ ne; ngɔkakyi bɛ ɛhɔayeɛ, na eburo ngaka koli.

Hosea 5:14

Ofikyɛ ngɔyɛ kyɛ gyata ngɔma Efraim, yeɛ ngɔyɛ kyɛ gyata ba ngɔma Yuda awuro ama. Me, me yeɛ ngɔtete bɛ nu pasapasa ngɔhɔ ɔ; ngɔfa ngɔhɔ, na ebiala ngɔpepɛ ngole ye.