Hosea 13:6 - AHYERƐLƐ KRONGRON

⁶ Ndire bɔ belili ne, kyɛbɔ né ye paa si te nen, sɔ ala yeɛ bɛ ko yili ɔ; bɛ ko yili, na bɛyɛle anwomasoɛ, yiti bɛ wora fili me.

Hosea 13:6 Iomraidhean Croise

Nehemia 9:35

Mmerɛ bɔ né bɛ bɔbɔ bɛ hene mɔ di bɛ so ne po, ɔwɔ nu kyɛ ehyirele ɔdɔ kandinga hyirele bɛ, na ɛmane bɛ aseɛ kandinga bɔ ɔkye aleɛ de, nakoso banzo wɔ, yeɛ banyakyi bɛ bɔne bɔ bɛyɔ ne koso.

Edwein 10:4

Bɔnefoɛ ye anwomasoɛ maa ɔmbena Nyameɛ si atee; ye adwene amukoraa ole kyɛ, “Nyameɛ biala nne berɛ.”

Anyandera 30:9

amaa ɔnate so mannya me nwo tam, ná mambo wɔ manga kyɛ, “Nwa ole AWURADE?” Afei koso, ná wanhia me ma manwua, ná mamva fiɛ manga me Nyameɛ dumaa.

Yesaya 17:10

Ofikyɛ wɔ ngoalelɛ Nyameɛ ne, wɔ wora afi ye, na angaye Nyɔbotaen bɔ ɔbɔ wɔ nwo waen ne. Ye sɔ ne ati, ɔwɔ nu kyɛ edua nningyein paa paa de, edua nningyein bɔ ofi maen bie aso de,

Yeremia 5:7

“Ɛhe de, ɔkɔyɛ sɛɛ né mafa wɔ bɔne mahyɛ wɔ? Wɔ mma mɔ bapo me, na bafa bɛ bɔ nna nyameɛ mɔ ahɔ ɔ bata ndaen. Mmane bɛ ko yili ne, bɛbɔle adwaman, na betuli bi bɛhɔle gyanderafoɛ awuro.

Hesekiel 23:35

Yiti AWURADE Nyameɛ nwa nyoo: Ɔnate kyɛ ama wɔ wora afi me, ná apo me ne ati, wɔ koso ekonya wɔ nyanzoen bra ne wɔ gyandera nwo asohwenɛ.”

Hesekiel 28:5

Wɔ dwaalilɛ nu nworɛ piri ne, ɛnate so ama w’anwonya asone pee, na w’anwonya ne ama anwomasoɛ awa wɔ nu.

Hosea 10:1

Yisrael te bobe paa bɔ osu ye mma ɔ; kyɛbɔ ye mma begu so bɛsone ne, sɔ ala yeɛ ye afɔleɛ mmokyea begu so bɛsone ɔ; kyɛbɔ ye aseɛ ne osi yɛ nyemene ne, sɔ ala yeɛ bɛyɛle b’amoen mɔ nyemenenyemene ɔ.

Hosea 12:8

Efraim nwa, “Aa, manya me nwo, manya anwonyadeɛ.” M’adwumayɔlɛ amukoraa nu, bannwu amumuyɛɛ biala wɔ me nu, bɔ ɔte bɔne ɔ.

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Hosea 2:7

Ɔkɔpo ye kurofoɛ nemɔ aso, nakoso ɔngɔto bɛ; ɔkɔpena bɛ, nakoso ongonwu bɛ. Na ɔkɔhã kyɛ, ‘Ngosa ngɔhɔ ngoogya me hu daa ne, ofikyɛ né nningyein kɔ so yé ma me tra ɛnɛ.’

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Hosea 4:7

Kyɛbɔ bɛhɔle so bɛsonene ne, sɔ alaa yeɛ bɛhɔle so bɛyɔle bɔne betiale me ɔ; yiti b’animnyam ne, ngɔkakyi ye animguaseɛ.

Hosea 5:14

Ofikyɛ ngɔyɛ kyɛ gyata ngɔma Efraim, yeɛ ngɔyɛ kyɛ gyata ba ngɔma Yuda awuro ama. Me, me yeɛ ngɔtete bɛ nu pasapasa ngɔhɔ ɔ; ngɔfa ngɔhɔ, na ebiala ngɔpepɛ ngole ye.

Hosea 7:14

Bemvi b’ahone nu benzu bɛmvrɛ me, na mmom bɛbɔ awuye wɔ bɛ bɛen so; bɛpepɛ bɛ nwo naen bɛpena aburoo ne nzaa, na bɛyɛ me nwo lɔen.

Hosea 8:14

Ofikyɛ Yisrael wora afi (Nyameɛ) bɔ ɔbɔle ye ɔ, wasisi asɔneyɛɛ sua mɔ; Yuda akyekye nguro pee bɔ bato bɛ nwo fasue ɔ, nakoso ngɔtɔ see ngogua ye nguro nemɔ aso, na ɔkɔyera ye anwoserɛ afealeɛ nemɔ.

Hosea 8:4

Basisi ahemvo bɔ nna me yeɛ nzili ɔ, babobɔ mbanyi bɔ menze ye nwo hwee ɔ; bafa b’ɛdwetɛ ne esikaa kɔkorɛ bayɔ mmosoen bama bɛ nwo, bɔ ɔnate so ɔngɔma ongoyie bɛ yé ɔ.

Deuteronomi 32:18

Nyɔbotaen bɔ ɔfale wɔ wale wiase ne de, andwene ye nwo, na wɔ wora fili Nyameɛ bɔ ɔwole wɔ ne.