Hosea 13:3 - AHYERƐLƐ KRONGRON

³ Yiti bɛkɔyɛ kyɛ ngyerɛmɔ munungum, kyɛ bosue bɔ ɔpɛ nu kɔ ndɛndɛ ɔ, kyɛ afafu bɔ mvrama bɔ ɔpɛ ye nwo ɔ, ɔbɔ ye fi nekaa bɔ bɛboro aburoo ɔ, kyɛ nwosina bɔ otu fa mboma nu kɔ ɔ.

Hosea 13:3 Iomraidhean Croise

YOB NWOMAA NE 21:18

Pɛen nyɛɛ yeɛ mvrama ɔbɔ bɛ kɔ kyɛ ɛserɛ ɔ? Pɛen nyɛɛ yeɛ mvrama piri ɔbɔ bɛ kɔ kyɛ afafu ɔ?

YOB NWOMAA NE 30:15

Ahunundetelɛ atɔ me so, bama m’anidie abɔ me kyɛ nikyee bɔ mvrama ɔbɔ ye kɔ ɔ, na m’anwonya atu amini kyɛ munungum.

Edwein 1:4

Nakoso amumuyɛɛfoɛ de, nna sɔ yeɛ bɛte ɔ, na mmom bɛte kyɛ afafu bɔ mvrama hu ye kɔ ɔ.

Edwein 68:2

Kyɛbɔ mvrama bɔ nwosina kɔ ne, sɔ ala yeɛ foa bɛ maa bɛhɔ ɔ; ao Nyameɛ, kyɛbɔ sakyeɛ huro wɔ see nu ne, sɔ ala yeɛ maa bɔnefoɛ bewuwu wɔ wɔ nyunu ɔ.

Yesaya 17:13

Maen maen mɔ bɛyɛ dede kyɛ asue mɔ bɔ bɛse wuruwuru ɔ, nakoso Nyameɛ twi bɛ nyunu, na bɛnwati bɛkɔ dede, ɔfoa bɛ kyɛ afafu bɔ mvrama bɔ ye fi bokaa so ɔ, kyɛ mvuture bɔ ɔpɛ ye nwo wɔ mvrama piri nu ɔ.

Daniel 2:35

Afei buralɛ ne, ɛfaa ne, kɔɔbere ne, ɛdwetɛ ne ne sikaa kɔkorɛ ne, bɛ nu bubuli nyokonyoko komapɛ, na bɛyɛle kyɛ ahuhuro mmerɛ nu afafu bɔ ɔwɔ nekaa bɔ bɛboro aburoo ɔ; na mvrama bɔle bɛ hɔle bɔ bɛ boso minini ɔ. Nakoso nyɔboɛ bɔ ɔɔbɔle sonaluwaa ne de, ɔyɛle bokaa kandinga, na oyili aseɛ so tɛkyɛ.

Hosea 6:4

Ao Efraim, nzikyɛ yeɛ mva nyɔ wɔ ɔ? Ao Yuda, nzikyɛ yeɛ mva nyɔ wɔ ɔ? Ɛmɔ nahorɛlilɛ te kyɛ ngyerɛmɔ munungum, na ɔte kyɛ bosue bɔ ɔpɛ nu kɔ ndɛndɛ ɔ.

Sefania 2:2

Nnɛma ɛmɔtena berɛ maa ɔhyehyɛ sɔ koraka, kyẽa bɔ ɔsẽ kɔ kyɛ afafu bɔ mvrama bɔ ye kɔ ne, nnɛmɔma ɔba koraka, nnɛmɔma AWURADE ɛyaafɛlɛ piri ne ɔba ɛmɔ so koraka, nnɛmɔma AWURADE ahonehulɛ kyẽa ne ɔba ɛmɔ so koraka.

Sakaria 8:12

Ofikyɛ nningyein lualɛ kɔyɛ asomdwee nu, bobe kosu ye mma, aseɛ kɔhye aleɛ, anwuro kɔtɔ ye bosue, na maen he mmenia bɔ baha ne, ngɔmaa bekonya ɛhemɔ amukoraa.