Hosea 13:2 - AHYERƐLƐ KRONGRON

² Afei de, bɛkɔ so bɛyɔ bɔne, na behuro bɛ dwetɛ bɛfa bɛyɔ amoen bɛma bɛ nwo, amoen mɔ bɔ bɛ bɔbɔ bafa ɛdwetɛ bali adwii bayɔ, bɔ ye mukoraa te dwumvoɛ sa noa adwuma ɔ. Bɛkã bɛfa bɛ nwo kyɛ, “Bɛ bɔ bɛbɔ afɔleɛ ne, odi kyɛ bɛfe nandwie nyii akrɔngrɔma nemɔ noa.”

Hosea 13:2 Iomraidhean Croise

1 Ahemvo 19:18

Nakoso ngɔyakyi mmenia apee nzoo maa bekonya bɛ ti bekodidi nu wɔ Yisrael, bɔ bɛ nu biala ɔffale ye nangoroma ɔkkotole Baal le, bɔ ɔffele Baal noa le ɔ.”

2 Aberɛso Dwirɛ 28:13

maa yiti besele bɛ kyɛ, “Nnɛma ɛmɔfa mmenia bɔ ɛmɔahye bɛ nnure ne bɛba wa, ofikyɛ ɛmɔpena kyɛ ɛmɔfa AWURADE nyunu foɛlilɛ bɛfoa yɛ bɔne bɔ yayɔ ne yɛ foɛ bɔ yali ne aso. Ofikyɛ yɛ foɛlilɛ ne, ɔte piri dada, na AWURADE afɛ Yisrael so yaa piri paa.”

2 Aberɛso Dwirɛ 33:23

Wammrɛ ye nwo ase wamma AWURADE kyɛbɔ ye baba Manase de ɔbrɛle ye nwo ase ne, na mmom Amon yɔle bɔne pee.

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Yesaya 1:5

Nzu ati yeɛ ɛmɔkuro kyɛ mekɔ so mebo ɛmɔ ɔ? Nzu ati yeɛ ɛmɔtɛyɛ lɔen ye? Tire ne amukoraa nde apɔ, yeɛ ahone ne amukoraa ayɛ hodwoo.

Yesaya 30:1

AWURADE nwa nyoo, “Mmaa bɔ bayɛ lɔen, bɛ yaakɔ, bɛbɔ porɛ bɔ nna me nhyehyɛleɛ ahɔ ɔ, bɛyɛ apam bɔ me sunzum mvoa so ɔ, bɛyɔ bɔne bɛtoatoa bɔne so.

Yesaya 44:11

Tie! Bɛ bɔ bɛsɔne ye ne amukoraa bɛ nyunu kogua ase, ofikyɛ bɛ bɔ belili adwii bɛyɔle ne, bɛte mmenia. Ma bɛ mukoraa beyia, maa beegyina berɛ, ɛserɛ kɔtɔ bɛ so, na bɛ nyunu kogua ase kɔbɔ nu.

Yesaya 45:20

“Amaen maen mɔ nu ama bɔ ɛmɔanya ɛmɔ ti badidi nu ɔ, ɛ́mɔboaboa ɛmɔ noa bɛ́bra, ɛ́mɔbɔ nu bépingye wa! Bɛ mmakaa amoen nemɔ, mmenia bɔ bɛsoa bɛnate, bɔ bɛtɛbɔ mbaeɛ bekyire mmosoen bɔ bɛngora ngoa de ne, nimdeɛ biala nne bɛ ti anu.

Yesaya 46:6

Mmenia fura sikaa kɔkorɛ befi bɛ bɔtɔ nu, bɛkari ɛdwetɛ wɔ tonyi so, bɛbɔ sikaa kɔkorɛ dwumvoɛ paa maa ɔfa yɔ bosoen, na bebutu berɛ bɛsɔne ye.

Yesaya 46:8

“Odi kyɛ ɛmɔkaye ɛhe ná ɛmɔdwene ye nwo, ɛmɔ mmeraatolɛfoɛ, odi kyɛ ɛmɔkaye!

Yeremia 10:4

Bɛfa ɛdwetɛ ne esikaa kɔkorɛ bɛboro ye nwo; bɛfa bɔsobaka ne nnadowaa bɛbobɔ nu, amaa wandutu wangua.

Yeremia 10:8

Bɛ mukoraa bagyimi, yeɛ bɛte ngwaseafoɛ; mmosoen mɔ ngyerɛkyerɛ te mbaen.

Yeremia 8:5

Na nzu ati yeɛ sɔ Yerusalemfoɛ ye, bafa asefinɛ bayɛ nnaa ye? Batira nnakannaka nu serɛserɛ, na bayɛ b’adwene kyɛ bengosa bɛ si.

Hosea 10:1

Yisrael te bobe paa bɔ osu ye mma ɔ; kyɛbɔ ye mma begu so bɛsone ne, sɔ ala yeɛ ye afɔleɛ mmokyea begu so bɛsone ɔ; kyɛbɔ ye aseɛ ne osi yɛ nyemene ne, sɔ ala yeɛ bɛyɛle b’amoen mɔ nyemenenyemene ɔ.

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 11:2

Na ngu so bɔ mefrɛ bɛ ne, né me nwo ala yeɛ befi bɛkɔ ɔ. Bɛbobɔle afɔleɛ mɔ bɛmane Baal mɔ, na bɛyerale ɛyɛɛ bɛmane amoen mɔ.

Hosea 11:6

Ɔnate b’agyirɛ bɔ batu ne ati, ngrandɛ kohũhũ mmenia wɔ ye nguro nemɔ aso, na okobubu mmuralɛ bɔ ɔbrambram ye anoa nemɔ asi ne.

Hosea 14:3

Asiria ngɔpepɛ ngole yɛ, yɛngɔtenatena mbɔngɔ so, yeɛ yɛngɔhã ngohyire yɛ sa noa nnwumaa ko kyɛ, ‘Ɛmɔte yɛ nyameɛ mɔ’, ofikyɛ wɔ nu yeɛ ayisiaaniɛ onya anwumvoinnwunɛ ɔ.

Hosea 2:8

Hmmm, né ɔnze kyɛ me yeɛ mane ye aburoo ne nzaa ne ngoo, kyɛ me yeɛ mmaa onyane ɛdwetɛ ne esikaa kɔkorɛ pee, bɔ bɛfa bɛbɔle afɔleɛ bɛmane Baal ne ɔ.

Hosea 4:17

Efraim afa ye nwo wabɔ mmosoen, yiti po ye bra ma ye.

Hosea 8:4

Basisi ahemvo bɔ nna me yeɛ nzili ɔ, babobɔ mbanyi bɔ menze ye nwo hwee ɔ; bafa b’ɛdwetɛ ne esikaa kɔkorɛ bayɔ mmosoen bama bɛ nwo, bɔ ɔnate so ɔngɔma ongoyie bɛ yé ɔ.

Hosea 8:5

Ao Samaria, wapo wɔ nandwie ba ne, m’ahone ahu bɛ so; ɔkwaadwu kyinzu yeɛ bɛngɔbɔ anwotelɛ bra ɔ?

Hosea 8:6

Ofikyɛ ye koso ofi Yisrael: dwumvoɛ yeɛ ɔyɔle ɔ, yiti nna Nyameɛ ɔ. Samaria nandwie ba ne, bekobubu ye nu pasapasa.

Numeri 32:14

Afei ɛmɔ, bɔnefoɛ boso ama, ɛmɔasi ɛmɔ nana mɔ gya nu, ɛmɔahɔ so bahu AWURADE ahone maa wafɛ Yisrael so yaa piri paa.

Romanfoɛ 11:4

Na Nyameɛ buale ye sɛ? “Mafa mmenia apee nzoo masie bɔ bɛte me deɛ ɔ, bɔ bɛkkoto bɛssɔnene bosoen Baal le ɔ.”

Romanfoɛ 2:5

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe: