Hosea 13:16 - AHYERƐLƐ KRONGRON

¹⁶ Samaria kɔsoa ye foɛlilɛ, ofikyɛ wayɛ ye Nyameɛ nwo lɔen. Bɛkɔtotɔ ngrandɛ noa, bɛkɔtete bɛ mma nnɔma mɔ ti bɛkɔbobɔ berɛ, na bɛkɔpakyepakye bɛ pemvoɛ mɔ kunu.

Hosea 13:16 Iomraidhean Croise

2 Ahemvo 15:16

Sɔ mmerɛ ne, Menahem sɛkyele Tifesa. Ohuhuni nu mmenia amukoraa, ɔne mmenia bɔ bɛwɔ ye mbɔtam fite Tisa bɔ ɔkɔ ɔ. Ɔnate kyɛ bammukye kuro berɛ pambim bamma ye ne ati, ohuhuni nu mmenia. Ɔpakyepakyele kuro ne anu pemvoɛ amukoraa bɛ kunu.

2 Ahemvo 17:18

Yiti AWURADE fɛle Yisrael so yaa paa, na ɔfoane bɛ fili ye nyunu; mmusua kure nemɔ anu biala wanga, sana Yuda angome.

2 Ahemvo 17:5

Asiria hene fale koɛ ɔɔtetale Yisrael amukoraa, na oodwuli Samaria. Otuale kuro ne afoɛ nza.

2 Ahemvo 17:6

Hosea lili hene ne, afoɛ bɔ ɔtɔ so ngona ne anu, Asiria hene ho fale Samaria. Ɔsesale Yisraelfoɛ hɔle Asiria. Ɔfale bɛ ooguale Hala, asue Habo bɔ ɔla Gosan ne anoa, ɔne Medese nguro nemɔ aso.

2 Ahemvo 8:12

Na Hasael bisale kyɛ, “Me mene, nzu ati yeɛ esu ye?” Na Elisa buale kyɛ, “Ofikyɛ mese bɔne bɔ ɛkɔfa koli Yisraelfoɛ ɔ. Bɛ nguro bɔ babɔ ye nwo waen nemɔ, ɛkɔto bɛ nu see, ɛkɔfa ngrandɛ kohũhũ bɛ mmerandeɛ mɔ, ɛkɔte bɛ mma mmaa mmaa mɔ ti kɔbɔ nikyee nu kohũ bɛ, ná bɛ pemvoɛ mɔ koso, ɛkɔpakyepakye bɛ kunu.”

Yesaya 13:16

Bɛkɔtete bɛ mma mmaa mmaa mɔ nu pasapasa bɔ bɛ nye tua ɔ. Bɛkɔfẽ b’awuro nningyein, na bɛkɔhyɛ bɛ ye mɔ bɛkɔto bɛ mmɔnaa.

Yesaya 17:3

Bɛkɔsɛkye Efraim abandenden ne, bɛkɔbɔ Damasko ahennie ne tɔɔ, na Siriafoɛ bɔ bɛkɔha ne, b’animnyam kɔhɔ ase kyɛ Yisraelfoɛ deɛ ne ala, Asafo AWURADE noa dwirɛ ɛne.

Yesaya 8:4

ofikyɛ, anzana akwadaa ne konwu ‘Baba anaa Mooni’ kã ne, né Asiria hene wasoa Damasko anwonya ne Samaria koɛ nu nzesadeɛ wahɔ.”

Hosea 10:2

B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Hosea 11:6

Ɔnate b’agyirɛ bɔ batu ne ati, ngrandɛ kohũhũ mmenia wɔ ye nguro nemɔ aso, na okobubu mmuralɛ bɔ ɔbrambram ye anoa nemɔ asi ne.

Hosea 7:14

Bemvi b’ahone nu benzu bɛmvrɛ me, na mmom bɛbɔ awuye wɔ bɛ bɛen so; bɛpepɛ bɛ nwo naen bɛpena aburoo ne nzaa, na bɛyɛ me nwo lɔen.

Amose 1:13

AWURADE nwa nyoo, “Ɔnate Amonfoɛ b’amumuyɛɛ nza, eh, ɔne nna ne ati, mengɔhwe bɛ so hwenɛ ne mengosa; ofikyɛ mmerɛ bɔ bɛko bɛtrɛtrɛ bɛ wɛen nu ne, bɛpakyepakyele Gileade pemvoɛ mɔ kunu.

Amose 3:9

Ɛ́mɔbɔ ye dawure wɔ Asedɔde anwoserɛ afealeɛ nemɔ anu, yeɛ Misraim aseɛ so anwoserɛ afealeɛ nemɔ anu, ná ɛmɔhã kyɛ, “Ɛ́mɔboaboa ɛmɔ noa wɔ Samaria mmokaa nemɔ aso, ɛ́mɔnea basabasa mbiri mbiri bɔ ɔkɔ so wɔ nu ɔ, ɔne nhyɛsoɛ bɔ ɔkɔ so wɔ nu ɔ.”

Amose 9:1

Nwuni AWURADE kyɛ ogyi afɔleɛ bokyea ne aso, na ɔhane kyɛ, “Bonima abotire ne, fa nikyee bɔ so maa aponnwaa nemɔ bɛwoso, ná dwiri gua bɛ mukoraa bɛ ti so, na ngɔfa ngrandɛ ngohũhũ bɛ bɔ baha ne’. Bɔ ɔkɔyɛ kyɛ ɔnwati biala, ɔngɔhora nwati, yeɛ bɔ okofi nu kofite biala, ongonya ye ti ngodidi nu.

Mika 1:4

Mmokaa nemɔ kohuro wɔ ye gya bo, na bɔnza nemɔ nu kodwudwa kyɛ amena bɔ ɔla see nye ɔ, kyɛ nzue bɔ bahwie bagua nekaa bɔ ɔtorotoro ɔ.

Mika 6:16

Ofikyɛ edi Omri ahyɛdeɛ so, ɔne Ahabo boso ama yɔleɛ amukoraa so, yeɛ ɛmɔdi bɛ foɛtulɛ so. Ɔnate so ngɔmaa ɛkɔyɛ pasapasa, na ngɔma wɔ nu ama bɛkɔkakyi ngorohoɛ nikye. Yiti ɛmɔkɔsoa me maen animguaseɛ.

Nahum 3:10

Nakoso bɛhyele ye nnure bɛhɔle, na ɔhɔle ngoaasolɛ nu; ye ngwadaa mɔ koso, bɛtele bɛ ti bɛbɔle mane bɛ nu tetele nzɔkanzɔka wɔ borɔnoɛ biala ngwandaa; beguale serewa bɛfa bɛhyɛle ye animnyamfoɛ nemɔ bɛfale, na beguale ye atitirefoɛ nemɔ amukoraa ngɔnzɔngɔnzɔ.