Hosea 13:14 - AHYERƐLƐ KRONGRON

¹⁴ Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Hosea 13:14 Iomraidhean Croise

YOB NWOMAA NE 33:24

onwu sɔ sona ne anwumvoin ɔka kyɛ, ‘De ye ngoa, nnɛmaa ɔkɔ ɛborɔ kumaa nu, ofikyɛ manya bɔ mefa meyɛ ye ti nyɔboɛ mede ye ngoa ɔ;

YOB NWOMAA NE 41:22

Anwoserɛ wɔ ye kɔme bakaa nu, na nikyee bɔ ɔyɛ suro ne, ɔnyɛ ye suro.

Edwein 16:10

Ofikyɛ ɛngɔma me kra ngɔha ɛborɔ, yeɛ ɛngɔma w’anwoteeniɛ ne ngɔporɔ ɛborɔ kumaa nu.

Edwein 30:3

Ao AWURADE, aye me kra afi ɛborɔ kumaa nu, na amaa mafi ɛborɔ kumaa nu masa mawa ngoa nu.

Edwein 49:15

Nakoso Nyameɛ kɔpɔ me kra kofi ɛborɔ sa nu, ofikyɛ okole me. Sela

Edwein 49:16

Sɛ ebie yɛ sikaniɛ, sɛ onya ye nwo tam a, nnɛmaa ɔyɛ wɔ anyeboro.

Edwein 71:20

Wɔ bɔ amaa manwu amaneɛ pee ye, ekosa kɔmaa ngonya ngoa; na ekosa kɔye me kofi aseɛ bo dɔ kɔwa.

Edwein 86:13

Ofikyɛ wɔ ɔdɔ bɔ onni ngasi bɔ ɛye ye ali kyire me ne, ɔte piri, na apepɛ ale me kra afi ɛborɔ kumaa nu.

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Yeremia 15:6

Apo me, AWURADE noa dwirɛ ɛne. Asa wɔ si, yiti matengyɛ me sa wɔ wɔ so, na masɛkye wɔ’; manwu wɔ anwumvoin mafɛ.

Yeremia 20:16

Sɔ sona ne, maa ɔ́yɛ kyɛ nguro bɔ AWURADE sɛkyele bɛ bɔ wannwu bɛ anwumvoin ne; maa ɔte esuɛ ngyerɛmɔ, ná ɔte awuye eyiagyina,

Yeremia 31:35

AWURADE bɔ ɔfale eyia tuale berɛ kyɛ ɔta alehyeleɛ nu, ná ɔyɛle nhyehyɛleɛ mane ɛsraen ne nzramaa mɔ kyɛ bɛta alesaleɛ nu, ye bɔ ɔkã ɛpo nu maa ye asorɔkye bɔ, bɔ ye dumaa ole Asafo AWURADE ne, ye noa dwirɛ ɛhe:

Hesekiel 37:9

Yeɛ osele me kyɛ, “Hyɛ ngɔm frɛ nwomeɛ ne, Sona awa, hyɛ ngɔm, ná se nwomeɛ ne kyɛ, ‘AWURADE Nyameɛ nwa nyoo: Nwomeɛ ee, fi mvrama nna nemɔ anu bra oo, ná baale nwomeɛ gua mmenia hemɔ bɔ bahũhũ bɛ ne aso ma benya ngoa oo!”

Hosea 6:2

Elenyɔ asi, ɔkɔmaa yɛkosa yɛkonya ngoa, yoo, ye ɛlɛsa ne aso, ɔkɔpagya yɛ, na yɛkɔtena ngoa nu wɔ ye nyunu.

Hosea 7:10

Yisrael anwomasoɛ di adanzeɛ tia ye, nakoso benza bɛmma AWURADE bɛ Nyameɛ berɛ, yeɛ ɛhe amukoraa si ne, bɛmbena ye si ate.

Malaki 3:6

“Ofikyɛ me, AWURADE, menzesã; yiti ɛmɔ, Yakob boso ama, ɛmɔ boso ngonua.

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Romanfoɛ 11:15

Na sɛ ɔnate bɛ polɛ bɔ Nyameɛ pole bɛ ne ati Nyameɛ ne adasa mmaa benyane ngabonu a, nzaade sɛ besa bɛba Nyameɛ berɛ a, ɔkɔyɛ sɛɛ koraa? Ɔkɔyɛ daa ngoa bɔ ofi awufoɛ nu ɔ!

Romanfoɛ 11:29

ofikyɛ Nyameɛ adom akyɛdeɛ ne ye frɛlɛ ne, ɔnzesã ye adwene wɔ ye nwo.

2 Korintofoɛ 5:4

Ofikyɛ mmerɛ bɔ yɛwɔ ɛtena sua he anu ye de, yɛpene. Nna kyɛ ebiaa yɛpena kyɛ bepuro befi yɛ nwo ɔ, na mmom yɛpena kyɛ bɛfa nyameɛso deɛ ne bepuro so, amaa ngoa abungam bɔ owu so bɔkɔɔ.

Filipifoɛ 3:21

na tumi bɔ ɔkora maa ɔfa nnningyein amukoraa wura ye bo ne, ɔkɔfa kɔsakyera yɛ awiɛmvoɛ nipadua ne maa ɔkɔyɛ kyɛ ye animnyam nipadua ne.

1 Tɛsalonikafoɛ 4:14

Na sɛ yɛde yɛdi kyɛ Yesu wuli ná osa tingyele de a, nzaade Nyameɛ kɔfa bɛ bɔ balela nemɔ kɔfa Yesu so kɔboka ye so kɔwa.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Nyekyire 20:13

Na ɛpo yele awufoɛ bɔ bɛwɔ ye nu ne wale. Ewue ne Ɛborɔ yeyele awufoɛ bɔ bɛwɔ bɛ nu ne bɛwale. Na bebuale bɛ nu biala ndɛen kyɛbɔ bɛ nnwumaa te ɔ.

Nyekyire 21:4

Okokyikyi bɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.

Nyekyire 6:8

Nneane, na nwuni pɔngɔ hoyaa bie; na bɔ ɔte ye so ne dumaa li Ewue, na Ɛborɔ li ye si. Na bɛmane bɛ tumi wɔ aseɛ ngyɛmuɛ nna nu ko so, kyɛ bɛfa ngrandɛ, ɛhɔen, anwonyerɛ ne aseɛ so ngaka aboyaa behũhũ bɛ.

1 Samuel 15:29

Asa koso, Yisrael Animnyam ne, ɔtte nnakannakaniɛ, yeɛ ɔnzesã ye adwene, ofikyɛ ɔtte kuro sona ná wasesã ye adwene.”