Hosea 13:13 - AHYERƐLƐ KRONGRON

¹³ Yealɛ bɔ brasua fo aworɛ so a onwu ye ne, ebie kɔto ye, nakoso ɔte baa bienzua bɔ ɔnze nworɛ ɔ; ofikyɛ odwu mmerɛ bɔ odi kyɛ bɛwo ye a, ɔmva ye ti ndua awodeɛ ne anoa.

Hosea 13:13 Iomraidhean Croise

2 Ahemvo 19:3

Besele ye kyɛ, “Hesekia nwa: Ɛnɛ kyẽa ye te aworabɔlɛ, asohwenɛ ne animguaseɛ kyẽa. Mmrasua nemɔ afo aworɛ so, nakoso bennya anwoserɛ bɛmva bɛndwe bɛ nwo.

Edwein 48:6

Bɛ nwo wosowosole bɛ wɔ berɛ, na bɛfale yealɛ nu kyɛ brasua bɔ aworɛ ahã ye ɔ.

Anyandera 22:3

Badwemma nwu musue bɔ ɔkɔwa ɔ, na ɔtwe ye nwo kɔfea, nakoso bɛ bɔ b’adwene te nganga de, bɛfa bɛ ti bekowura nu benwu amaneɛ.

Yesaya 13:8

na bɛ nwo kodwiri bɛ. Yealɛ ne aworabɔlɛ kotira bɛ, na bɛkɔte yealɛ kyɛ brasua bɔ wafo aworɛ so ɔ. Ebiala kɔfa anwodwiri kɔnea obiɛngo nyunu, na bɛ nyunu kɔyɛ bosabosaa.

Yesaya 21:3

Yiti mete yealɛ wɔ me sisia nu, na ɔyɛ me yea te kyɛ brasua bɔ wafo aworɛ so ɔ. Edwirɛ bɔ ndele ne, ɔhale me, bɔ nwuni ye ne mane me nwo dwirili me.

Yesaya 26:17

Kyɛbɔ brasua ɔnwonzɛ, ɔfo aworɛ so, ná ye ko ka ye maa osũ ne, O AWURADE, sɔ ala yeɛ yɛte wɔ wɔ nyunu ɔ.

Yesaya 37:3

Na besele ye kyɛ, “Hesekia nwa: ‘Ɛnɛ te aworabɔlɛ kyẽa, asohwenɛ ne animguaseɛ kyẽa. Mmrasua afo aworɛ so, nakoso bennya anwoserɛ bɛmva bɛndwe bɛ nwo.

Yesaya 66:9

Baa ne, aso memaa ɔfa ye ti batɛ, bɔ memma bɛnwo ye ɔ? AWURADE noa dwirɛ ɛne. Me bɔ memaa bɛwo ne, aso ngotua awodeɛ noa ate anaa? Wɔ Nyameɛ noa dwirɛ ɛne.

Yeremia 13:21

Sɛ ɔtwe wɔ so a, nzikyɛ dwirɛ yeɛ ɛkɔhã ɔ? Ofikyɛ atete bɛ maa bayɛ safohene mɔ ɔne wɔ so panyi. Aso ɛngɔte yealɛ kyɛ brasua bɔ wafo aworɛ so ɔ?

Yeremia 22:23

Ao, wɔ bɔ ɛte Lebanon bɔ anwo wɔ saen wɔ sida mmakaa nu ɔ, sɛ aworɛ nu yealɛ ba wɔ so kyɛbɔ aworɛ nu yealɛ kã brasua a, kyɛbɔ ekosi kɔbɔ awuye ɔ!”

Yeremia 30:6

Afei, ɛ́mɔbisa ná ɛmɔnwu ye e, sɛ aso bienzua kɔhora kɔfo aworɛ so anaa? Nakoso ɔwale ye sɛ bɔ menwu kyɛ bienzua katakyie biala wasɔ ye sisia kyɛ brasua bɔ wafo aworɛ so ye, bɔ bɛ mukoraa bɛ nyunu ayɛ hoyaa ye?

Yeremia 4:31

Ofikyɛ mate esuɛ bie bɔ ɔte kyɛ brasua bɔ wafo aworɛ so ɔ deɛ, ɔne ɛpenenɛ bɔ ɔte kyɛ brasua bɔ ɔwo ye bamuɛbaa ɔ, ye deɛ. Sion awa brasua ɔtee so, bɔ watrɛtrɛ ye sa nu ɔbɔ awuye kyɛ, “Edwirɛ ato me oo! Ɔnate awudifoɛ ti, me kra aboto!”

Yeremia 49:24

Damasko ayɛ hodwoo, wakakyi ye nwo kyɛ ɔnwati, ahunundetelɛ atɔ ye so, yealɛ ne aworabɔlɛ ato ye kyɛ brasua bɔ wafo aworɛ so ɔ.

Hosea 5:4

Bɛ yɔleɛ mma bɛ ate mma benza bɛmma bɛ Nyameɛ berɛ; ofikyɛ gyanderabɔlɛ sunzum wɔ bɛ nu, na bɛnze AWURADE.

Yohane 16:21

Sɛ aworɛ kã brasua a, onwu yealɛ, ɔnate kyɛ ye mmerɛ adwu; nakoso sɛ ɔwo baa ne pɛ a, ɔngaye yealɛ ne ko, ɔnate anigye bɔ wanya ye kyɛ wawo sona wawa wiase ne ati.

Yohane 5:4

Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.]

Asomafoɛ 24:25

Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.”

2 Korintofoɛ 6:2

Ɔnate kyɛ ɔnwa: “Mmerɛ bɔ ɔsɛ ɔ nu ndiele wɔ, na mmokale wɔ wɔ ngoalelɛ kyẽa ne. Menwa ɛnɛ te adom mmerɛ, ɛnɛ te ngoalelɛ kyẽa.”

Deuteronomi 32:6

Yiti akatuaa bɔ ɛfa ma AWURADE hɔ ɛne? Ngwaseafoɛ bɔ nworɛ nne bɛ ti anu ɔ! Aso nna wɔ baba bɔ ɔbɔle wɔ hɔ ɛne? Ye bɔ ɔyɔle wɔ, bɔ ɔmaa enyane nyinasoɛ ne!

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.