Hosea 13:10 - AHYERƐLƐ KRONGRON

¹⁰ Me yeɛ ngɔyɛ wɔ hene ɔ, na ebie bieku bɔ ɔkɔpepɛ kole wɔ wɔ wɔ nguro nemɔ amukoraa so ne, ɔwɔ nisua? Yeɛ wɔ maenbulɛfoɛ bɔ ɛhã fale bɛ nwo kyɛ, “Si ɛhene ne mbanyi ma me” ne, bɛwɔ nisua?

Hosea 13:10 Iomraidhean Croise

1 Ahemvo 12:20

Yisrael amukoraa tele kyɛ Yeroboam asa awa ne, bɛsomane maa bɛɛfrɛle ye bɛwale dwaa bɔ babɔ ne abo. Na bɛfale ye besili Yisrael amukoraa so hene. Dawide ahennie bia ne, ebiala wanne wando nu, sana Yuda abusua kure ngome.

2 Ahemvo 17:4

Nakoso Asiria hene nwuni kyɛ Hosea ɔpena yɛ lɔen, ofikyɛ né Hosea watu ɛbɔfoɛ mɔ maa bahɔ Misraim hene bɔ bafrɛ ye Soo berɛ, yeɛ afei afoɛnoa afoɛnoa toɔ bɔ otua ma Asiria hene ne koso, wamva wangɔ. Yiti Asiria hene hyele Hosea tole kuku nu.

Edwein 10:16

AWURADE te hene afebɔɔ, na maen maen mɔ bɛ boso konua kofi ye aseɛ so.

Edwein 149:2

Odi kyɛ Yisrael nye gye, ɔnate (Nyameɛ) bɔ yeɛ ɔbɔle ye ne ati, odi kyɛ Sion mma bɛ nye gye, ɔnate bɛ Hene ne ati.

Edwein 44:4

Ao Nyameɛ, wɔ yeɛ ɛte me Hene ɔ; wɔ yeɛ ɛma Yakob di ngonim ɔ.

Edwein 74:12

Nakoso Nyameɛ, ɛte me hene fi tete bɔ ede ngoa wɔ aseɛ ye aso ɔ.

Edwein 89:18

Ofikyɛ AWURADE yeɛ ɔte y’akokyɛm ɔ, Yisrael Krongronniɛ ne yeɛ ɔte yɛ Hene ɔ.

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Yesaya 43:15

Me ole AWURADE, ɛmɔ Krongronniɛ ne, ɛmɔ Hene ne, bɔ ɔbɔle Yisrael ne.”

Yeremia 2:28

Nakoso wɔ mmosoen bɔ agyinagyina ama wɔ bɔbɔ wɔ nwo ne, bɛwɔ nisua? Sɛ bɛkɔhora bɛkɔpepɛ bekole wɔ wɔ w’amaneɛ mmerɛ nu a, maa bedwɔso e! Ao Yuda, kyɛbɔ wɔ nguro nemɔ bɛ somaa te ne, sɔ ala yeɛ wɔ mmosoen nemɔ bɛ somaa te ɔ.

Yeremia 8:19

Tie, me maen awa brasua ye sufrɛ fi aseɛ ne ti kɔkã ye ti kyɛ, ‘Aso AWURADE nne Sion anaa? Aso ye Hene ne, ɔnne kuro ne anu anaa?’ “Nzu ati yeɛ bafa b’amoen nemɔ ne amaenmaenso mmosoen bawura me apue ye?”

Awuye 4:20

Yɛ ngoa nwomeɛ, bɔ yeɛ ole bɔ AWURADE apopa ye ngoo ne, bɛhyele ye wɔ bɛ kumaa nemɔ anu. Ye yeɛ yɛhã yɛfale ye nwo kyɛ, “Ye fɔnwoo ne abo, yeɛ yɛkɔtena wɔ Amaenmaensofoɛ nemɔ anu ɔ.”

Hosea 10:3

Na afei de, bɛkɔhã kyɛ, “Yɛlle hene biala, ofikyɛ yanzuro AWURADE, na ɛhene de, nzikyɛ yeɛ ɔkɔhora kɔyɔ kɔma yɛ ɔ?”

Hosea 13:4

Nakoso ofi Misraim aseɛ so, me ole AWURADE wɔ Nyameɛ; onni kyɛ ɛso nyameɛ biala, sana me, na defoɛ biala nne berɛ, sana me.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Hosea 7:7

Bɛ mukoraa bayɛ hye kyɛ foonoo, bekũkũ bɛ maenbulɛfoɛ mɔ; b’ahemvo amukoraa batotɔ, na bɛ nu biala nne berɛ bɔ osũ frɛ me ɔ.

Hosea 8:4

Basisi ahemvo bɔ nna me yeɛ nzili ɔ, babobɔ mbanyi bɔ menze ye nwo hwee ɔ; bafa b’ɛdwetɛ ne esikaa kɔkorɛ bayɔ mmosoen bama bɛ nwo, bɔ ɔnate so ɔngɔma ongoyie bɛ yé ɔ.

Sakaria 14:9

AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

1 Samuel 8:7

na AWURADE buale Samuel kyɛ, “Edwirɛ biala bɔ maen ne fa to wɔ nyunu ne, de to nu, ofikyɛ nna wɔ yeɛ bapo wɔ ɔ, na mmom me yeɛ bapo me kyɛ nnde bɛ so hene ko ɔ.