Hosea 13:1 - AHYERƐLƐ KRONGRON

¹ Sɛ né Efraim odwudwo a, mmenia nwo wosowoso bɛ; ɔmane ye nwo so wɔ Yisrael, na ɔnate kyɛ ɔsɔnene Baal ne ati, ɔyɔle bɔne, na owuli.

Hosea 13:1 Iomraidhean Croise

Gyenesise 2:17

nakoso paa ne bɔne nwo nimdeɛ bakaa ne de, nnɛdi bie, ofikyɛ kyẽa bɔ ekoli bie ne, ewue yeɛ ekowu ɔ.”

1 Ahemvo 12:25

Sɛkem bɔ ɔwɔ Efraim mmokaa aseɛ ne aso ne, Yeroboam tole fasue fale ye nwo tenane berɛ. Ofili berɛ yeɛ ɔɔtole fasue fale Penuel nwo ɔ.

YOB NWOMAA NE 29:21

“Mmenia nwondɛle betiele me noa dwirɛ, na bɛyɛle konn betiele me foɛtulɛ ne.

YOB NWOMAA NE 29:22

Sɛ né medwudwo meyie a, bendwudwo ko, ofikyɛ né me dwirɛ ne ɔtɔ bɛ so anu.

Anyandera 18:12

Anwomasoɛ mma onyie sona yé, na anwobrɛaseɛ ne animnyam yeɛ bɛnate ɔ.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Yesaya 7:8

Ofikyɛ Siria ahenguro ole Damasko, yeɛ Resin yeɛ ɔla Damasko noa ɔ. (Na toonn bɔ ɔkwaadwu afoɛ aburasia ne nnu ne, Efraim kɔbɔ bɔkɔɔ bɔ ɔngɔyɛ maen ko ɔ.)

Hosea 11:2

Na ngu so bɔ mefrɛ bɛ ne, né me nwo ala yeɛ befi bɛkɔ ɔ. Bɛbobɔle afɔleɛ mɔ bɛmane Baal mɔ, na bɛyerale ɛyɛɛ bɛmane amoen mɔ.

Hosea 2:10

Na afei ngɔla ye nyanzoen bra ne ali wɔ ye kurofoɛ nemɔ nyunu, na ebiala ngɔpepɛ ngole ye ngofi me sa nu.

Hosea 2:8

Hmmm, né ɔnze kyɛ me yeɛ mane ye aburoo ne nzaa ne ngoo, kyɛ me yeɛ mmaa onyane ɛdwetɛ ne esikaa kɔkorɛ pee, bɔ bɛfa bɛbɔle afɔleɛ bɛmane Baal ne ɔ.

Hosea 8:4

Basisi ahemvo bɔ nna me yeɛ nzili ɔ, babobɔ mbanyi bɔ menze ye nwo hwee ɔ; bafa b’ɛdwetɛ ne esikaa kɔkorɛ bayɔ mmosoen bama bɛ nwo, bɔ ɔnate so ɔngɔma ongoyie bɛ yé ɔ.

Numeri 10:22

Afei, Efraim asikyeleɛ ne anu ama bɛfale bɛ frangaa betuli bɛ bo kure kure, na Amihude awa Elisama yeɛ né otua Efraim ɛlɔen ne amukoraa bɛ noa ɔ.

Numeri 13:16

Mmienzua bɔ Mose somane bɛ kyɛ bɛɛtetɛ maen ne, bɛ dumaa mɔ ɛne. Na Mose sesane Nun awa Hosea ye dumaa yɛle ye Yosua.

Numeri 13:8

Efraim abusua kure nu deɛ ole Nun awa Hosea;

Luka 14:11

Ofikyɛ ebiala bɔ ɔma ye nwo so ne, bɛkɔbrɛ ye ase; na bɔ ɔbrɛ ye nwo ase ne, bɛkɔma ye so.”

Romanfoɛ 5:12

Yiti kyɛbɔ bɔne nate sona ko so wale wiase, na ye bɔne fale ewue wale nen, sɔ ala yeɛ ewue to petene mmenia mukoraa so ɔ, ofikyɛ kuro sona biala ayɔ bɔne.

2 Korintofoɛ 5:14

Na Kristo dɔ ne di yɛ so, ofikyɛ yɛde yɛto nu kyɛ sɛ sona ko wu mane mmenia mukoraa a, nzaade mmenia mukoraa bawu.

Yosua 3:7

AWURADE sele Yosua kyɛ, “Ɛnɛ kyẽa ye, ngɔhyɛ ye bo ngɔyɛ wɔ sona bɔ odi mu wɔ Yisraelfoɛ mukoraati bɛ nyunu, amaa ɔnate so banwu ye kyɛ, kyɛbɔ ngyinane Mose si nen, sɔ ala yeɛ ngogyina wɔ si ɔ.

Maenbulɛfoɛ 12:1

Efraimfoɛ frɛfrɛle bɛ koɛhonɛfoɛ, na bɛpɛle nu bɛhɔle Safon beesele Yɛfeta kyɛ, “Nzu ati yeɛ ɛpɛle nu ɛne Amonfoɛ bɛɛhone, ná amvrɛ yɛ maa yɛne wɔ angɔ ɔ? Yɛkɔyera wɔ sua ne yɛkɔfra wɔ!”

Maenbulɛfoɛ 8:1

Afei Efraimfoɛ sele Gideon kyɛ, “Nzikyɛ dwirɛ yeɛ afa ali yɛ ye? Nzu ati yeɛ ɛne Midianfoɛ bɛkwaaho ne, amvrɛ yɛ ɔ?” Na behwili ye nyunu ɛyaa so.

1 Samuel 15:17

Na Samuel sele kyɛ, “Ɔwɔ nu kyɛ ebu wɔ nwo kyɛ ɛte kwahweabaa bie de, nakoso aso nna wɔ yeɛ ɛla Yisrael mmusua kure nemɔ noa ɔ? AWURADE popale wɔ ngoo fale wɔ lili Yisrael so hene;