Hosea 12:9 - AHYERƐLƐ KRONGRON

⁹ Ofi Misraim aseɛ so, me ole AWURADE wɔ Nyameɛ. Ngɔmaa ekosa kɔtena ɛtena sua mɔ nu, kyɛ aluolue ngyẽa bɔ mahyehyɛ mato berɛ ne ala.

Hosea 12:9 Iomraidhean Croise

Gyenesise 25:27

Ngwadaa nemɔ nyini. Yisɔ yɛle bɔfoɛ paa, na né okuro eburo wurawuralɛ. Nakoso Yakob de, né onguro ye nwo dwudwolɛ, na daa né owurawura ɛtena sua nu.

2 Samuel 7:2

Nana Dawide sele Ngɔmhyɛlɛniɛ Natan kyɛ, “Nea, nde awuro bɔ bafa sida basi ɔ nu, nakoso Nyameɛ alaka ne de, ogyi ɛtena sua nu.”

Ɛsra 3:4

Belili Asese aluolue ne, kyɛbɔ bahyerɛ bato berɛ ne. Ngaka somaa bɔ ɛlɛho biala odi kyɛ bɛfa bɛbɔ naen yeralɛ afɔleɛ wɔ aluolue ne anu ne, belili so kyɛbɔ nhyehyɛleɛ ne te ne ala.

Edwein 49:7

Amba, ebiala ngɔhora ngɔpɔ ye nwo; yeɛ ɔngɔhora ngotua ye ngoa ti nyɔboɛ ngɔma Nyameɛ.

Edwein 81:10

Me ole AWURADE wɔ Nyameɛ, bɔ ɔyele wɔ fili Misraim aseɛ so wale ne. Bukye wɔ noa nu hambonnwu, na ngɔfa nningyein ngowura ye tɛkyɛ.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Anyandera 30:12

Mmenia biemɔ wɔ berɛ a, bebu bɛ nwo kyɛ bɛ nwo te, nakoso bɛ bɔne mata bɛ, bɔ yeɛ bɛ nwo nde ɔ.

Yeremia 35:7

onni kyɛ ɛmɔsi sua anaa ɛmɔdua nikyee anaa ɛmɔyɛ bobe boo, yeɛ onni kyɛ ɛmɔnya nu biala, na mmom odi kyɛ ɛmɔtena ɛtena sua nu ɛmɔ ngoa amukoraa, amaa ɔnate so ɛmɔatena ase bahyɛ wɔ aseɛ bɔ ɛmɔayɛ ɛwɔfoɛ wɔ so ne aso.’

Yeremia 5:27

Kyɛbɔ nnomaa ayi kɛndɛngu nu to ne, sɔ ala yeɛ nnakannaka ayi b’awuro mɔ nu to ɔ; yiti bayɛ atitire, yeɛ banya bɛ nwo tam.

Hosea 11:1

Yisrael te akwadaa nen, né mekuro ye dwirɛ, na Misraim yeɛ mvrɛle mma bienzua ne mvili ɔ.

Hosea 13:4

Nakoso ofi Misraim aseɛ so, me ole AWURADE wɔ Nyameɛ; onni kyɛ ɛso nyameɛ biala, sana me, na defoɛ biala nne berɛ, sana me.

Hosea 2:15

Ngɔfa ye bobe boo mɔ ngɔma ye wɔ berɛ, na ngɔma Akɔre bɔnza ne kɔyɛ anyelasoɛ anoa’. Berɛ yeɛ ɔkɔma mmuayɛɛ kyɛ ye ndaluwa nu ɔ, kyɛ mmerɛ bɔ ofi Misraim aseɛ so wale ne.

Lewitikɔso 19:36

Ɛmɔ tonyi, ɛmɔ asusudeɛ nyɔboɛ, graa ɔne galɔn bɔ ɛmɔfa besusu nikyee ne, odi kyɛ ɔyɛ turoloo: Me ole AWURADE ɛmɔ Nyameɛ bɔ nyele ɛmɔ mvili Misraim aseɛ so mmale ne.

Lewitikɔso 26:13

Me ole AWURADE ɛmɔ Nyameɛ bɔ nyele ɛmɔ mvili Misraim aseɛ so kyɛ, mengɔma ɛmɔ ngɔyɛ bɛ nganga ko ne. Mabubu ɛmɔ kɔnnua ná mamaa ɛmɔanate bafa bɛ sa basi bɛ hue.

Mika 6:4

Ofikyɛ nyele wɔ mvili Misraim aseɛ so mmale, mbɔle wɔ mvili ngoaasolɛ nu, na nzomane Mose, Aarɔn ne Miriam maa belili wɔ nyunu.

Sakaria 11:5

Bɛ bɔ bɛtɔ bɛ ne, bekuku bɛ bɛfa bɛ nwo bedi. Yeɛ bɛ bɔ bɛyɛ bɛ atɔen ne koso, bɛkã kyɛ, ‘Animnyam hã AWURADE, ofikyɛ manya me nwo’; yeɛ bɛ bɔbɔ bɛ neafoɛ nemɔ koso bennwu bɛ anwumvoin.

Numeri 15:41

Me ole AWURADE ɛmɔ Nyameɛ bɔ nyele ɛmɔ mvili Misraim aseɛ so mmale ne, bɔ me yeɛ nde ɛmɔ Nyameɛ ɔ: Me ole AWURADE ɛmɔ Nyameɛ.”

Yohane 7:2

Né Yudafoɛ Asese aluolue ne apingye.