Hosea 12:8 - AHYERƐLƐ KRONGRON

⁸ Efraim nwa, “Aa, manya me nwo, manya anwonyadeɛ.” M’adwumayɔlɛ amukoraa nu, bannwu amumuyɛɛ biala wɔ me nu, bɔ ɔte bɔne ɔ.

Hosea 12:8 Iomraidhean Croise

Edwein 49:6

Nzu ati yeɛ nzuro bɛ bɔ bɛfa bɛ nwo bɛto b’anwonyadeɛ so, bɔ bɛfa b’anwonya bɛhoahoa bɛ nwo ɔ?

Edwein 52:7

“Ɛ́mɔnea sona bɔ wamva Nyameɛ wanyɛ ye afealeɛ, na mmom ɔfale ye wora wurale ye anwonya worawora nu, ná ɔfale ye nwo tole ye agyapadeɛ so ne!”

Edwein 62:10

Nnɛma ɛmɔfa ɛmɔ nwo bɛto apoobɔlɛ so, yeɛ nnɛma ɛmɔ nye gye awue nwo; sɛ ɛmɔ anwonyadeɛ sone po a, nnɛma ɛmɔfa bɛ nwo bɛto so.

Anyandera 11:1

Tonyi bɔ bawura nu te AWURADE akyiwadeɛ, nakoso ye nye sɔ asusudeɛ nyɔboɛ bɔ ɔkã nahorɛ ɔ.

Anyandera 30:12

Mmenia biemɔ wɔ berɛ a, bebu bɛ nwo kyɛ bɛ nwo te, nakoso bɛ bɔne mata bɛ, bɔ yeɛ bɛ nwo nde ɔ.

Anyandera 30:20

Brasua bɔ ɔsɛkye agyaa ne, sɔaa yeɛ ye suban te ɔ: odidi, ná afei waprapra ye noa nwo wahã kyɛ, “Nnyɔle bɔne biala.”

Yeremia 2:23

Ɔyɛ sɛɛ ati bɔ ɛkã kyɛ, “Me nwo ogguale fiɛ, mangɔanni Baal mɔ asi” ɔ? Nea w’atee bɔ ɔla bɔnza ne anu ne; nwu nikyee bɔ yeɛ ayɔ ɔ, afupɔngɔ akrɔngrɔma bɔ ye nwo yɛ nyera bɔ ohuru pepe ɔ,

Yeremia 2:35

ɛnwa, ‘Medi be, amba, ɔngɔfɛ me so yaa.’ Afei ɔnate kyɛ ahã kyɛ, ‘Nnyɔle bɔne’ ne ati, mebaabua wɔ ndɛen.

Yeremia 5:27

Kyɛbɔ nnomaa ayi kɛndɛngu nu to ne, sɔ ala yeɛ nnakannaka ayi b’awuro mɔ nu to ɔ; yiti bayɛ atitire, yeɛ banya bɛ nwo tam.

Hesekiel 28:5

Wɔ dwaalilɛ nu nworɛ piri ne, ɛnate so ama w’anwonya asone pee, na w’anwonya ne ama anwomasoɛ awa wɔ nu.

Hosea 13:6

Ndire bɔ belili ne, kyɛbɔ né ye paa si te nen, sɔ ala yeɛ bɛ ko yili ɔ; bɛ ko yili, na bɛyɛle anwomasoɛ, yiti bɛ wora fili me.

Hosea 14:1

Ao Yisrael, sa bra AWURADE wɔ Nyameɛ berɛ, ofikyɛ w’amumuyɛɛ amaa afi ase.

Hosea 4:8

Me maen, bɔne yeɛ ɔte b’aleɛ ɔ, na b’amumuyɛɛ yeɛ wali bɛ ti ɔ.

Amose 8:5

ná ɛmɔkã kyɛ, “Kyinzu yeɛ ɛsraen foforɛ ne kɔpɛ nu maa yɛkɔtɔne aburoo ɔ; yeɛ mmerɛ beni yeɛ afofikyẽa ne kɔpɛ nu kɔhɔ, maa yɛkobukyebukye atokoɔ pata anoa nemɔ ɔ? Yɛkosi olonka ne abo, ná yama sekel ne ayɛ piri, ná yafa tonyi bɔ bawura nu ɔ yasisi mmenia ɔ.

Habakuku 1:16

Yiti bɛbɔ afɔleɛ bɛma b’asawu ne, bɛyera ɛyɛɛ bɛma bɛ tɛen ne; ofikyɛ ɔnate bɛ so yeɛ bɛtena ase wɔ anwotɔ nu ɔ.

Sakaria 11:5

Bɛ bɔ bɛtɔ bɛ ne, bekuku bɛ bɛfa bɛ nwo bedi. Yeɛ bɛ bɔ bɛyɛ bɛ atɔen ne koso, bɛkã kyɛ, ‘Animnyam hã AWURADE, ofikyɛ manya me nwo’; yeɛ bɛ bɔbɔ bɛ neafoɛ nemɔ koso bennwu bɛ anwumvoin.

Malaki 2:17

Ɛmɔfa ɛmɔ dwirɛ bedwane AWURADE so anu. Nakoso ɛmɔnwa, “Atee beni aso yeɛ yadwane ye so anu ɔ?” Bɔ ɛmɔkã ne, ye ɛhe: “Ebiala bɔ ɔyɔ bɔne ne, ɔte paa wɔ AWURADE nyunu, na ode ye to nu.” Yeɛ ɛmɔbisa kyɛ, “Nyameɛ bɔ obua ndɛen ne, ɔwɔ nisua?”

Malaki 3:13

“Ɛmɔkekã edwirɛ yeayea betia me, AWURADE noa dwirɛ ɛne. Nakoso ɛmɔbisa kyɛ, ‘Nzikyɛ dwirɛ yealɛ yeɛ yahã yatia wɔ ɔ?’

Luka 10:29

Nakoso ye de, né ɔpena kyɛ obua ye nwo be ne ati, obisale Yesu kyɛ, “Na nwa yeɛ ɔte mmiɛngo ɔ?”

Luka 12:19

ná afei mahã mahyire me kra kyɛ: Ɛkra, ele nningyein paa pee bɔ bafa basie berɛ bama wɔ bɔ okoli afoɛ pee ɔ; yiti de wɔ nwome, didi ná no, ná gye wɔ nye.’

Luka 16:13

“Akoaa biala ngɔhora ngɔso meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ, anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.”

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Deuteronomi 8:17

Nnɛyɛ w’adwene kyɛ, ‘Ɔnate m’anwoserɛ ne m’abasa nu serɛ so yeɛ manya me nwo ɔ.’

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

1 Timoteo 6:5

manzoenhwenɛ wɔ mmenia bɔ b’adwene awu ɔ nu, bɔ bɛne nahorɛ abɔ nzahoɛ, bɔ besusu kyɛ nyamesom paa ma sona nya ye nwo ɔ.

Nyekyire 3:17

Ofikyɛ ɛnwa, ‘Manya me nwo, nne agyapadeɛ, na menhia nikyee fee.’ Nakoso ɛnze kyɛ ɛyɛ anwumvo, wɔ nwo yɛ aworabɔ, wahia wɔ, wɔ nye asi, ná wɔ nwo la so ɔ.