Hosea 12:4 - AHYERƐLƐ KRONGRON

⁴ Amba, ɔne abɔfo ne bɛtetale so, na olili ngonim, osuni, na ɔkoto srɛle ye. Onwuni Nyameɛ wɔ Betel, na berɛ yeɛ Nyameɛ ne yɛ dwudwole ɔ.

Hosea 12:4 Iomraidhean Croise

Gyenesise 25:26

Ye si ye, oliɛma ne koso wale, na né watira Yisɔ gya ndii nu; yiti bɛtole ye dumaa Yakob Bɛwole bɛ ne, né Yisake ali afoɛ aburasia.

Gyenesise 32:24

Ɔhale Yakob ngome né, biaa bie ne ye besuale ngɔtɔfaen maa aleɛ hyene.

Gyenesise 32:25

Na biaa ne nwuni ye kyɛ ɔngora nni Yakob so ngonim ne, ɔbɔle Yakob taku so, na Yakob dwongu fandili wɔ ngɔtɔfaen ne anu.

Gyenesise 32:26

Na osele kyɛ, “Yakyi me maa ngɔ na aleɛ ɔ́kye.” Nakoso Yakob buale kyɛ, “Mengɔma ɛngɔhɔ, sana eyira me koraka.”

Gyenesise 32:29

Yeɛ Yakob sele ye kyɛ, “Mesrɛ wɔ, bɔ wɔ dumaa kyire me.” Na Biaa ne buale kyɛ, “Nzu ati yeɛ ebisa me dumaa ɔ?” Na oyirale Yakob wɔ berɛ.

Gyenesise 35:15

Na Yakob frɛle nekaa bɔ Nyameɛ ne ye bedwudwole ne Betel.

Gyenesise 48:15

Na oyirale Yosef kyɛ, “Nyameɛ bɔ me mbanyi mɔ Abraham ne Yisake bɛsole ye ne, Nyameɛ bɔ wagyina me si me wiase bɔ mmale maa waadwu ɛne ye,

Edwein 66:6

Ɔmane ɛpo kakyili aseɛ wosee maa bɛnatele bɛ gya kunu bɛpɛle nzue ne. Berɛ yeɛ yɛlili ahurusi wɔ ye nu ɔ,

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

1 Tɛsalonikafoɛ 4:17

na afei yɛ bɔ yɛte ase, bɔ yaha ne, ɔne bɛ koso, bɛkɔfa yɛ munungum nu maa yɛkooyia Awurade wɔ ewienu, na sɔ yeɛ yɛne Awurade kɔtena daa ɔ.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.