Hosea 12:3 - AHYERƐLƐ KRONGRON

³ Ɔsɔle oliɛma gya si wɔ bɛ kunu, na ole ye anwoserɛ ɔne Nyameɛ bɛfa bɛtetale so.

Hosea 12:3 Iomraidhean Croise

Gyenesise 25:26

Ye si ye, oliɛma ne koso wale, na né watira Yisɔ gya ndii nu; yiti bɛtole ye dumaa Yakob Bɛwole bɛ ne, né Yisake ali afoɛ aburasia.

2 Ahemvo 17:18

Yiti AWURADE fɛle Yisrael so yaa paa, na ɔfoane bɛ fili ye nyunu; mmusua kure nemɔ anu biala wanga, sana Yuda angome.

2 Ahemvo 17:20

AWURADE pole Yisrael boso ama amukoraa. Ɔhwene bɛ so fale bɛ wurale apaabɔlɛfoɛ mɔ sa, kɔpem kyɛ ɔfoane bɛ fili ye nyunu ɔ.

2 Ahemvo 17:23

kɔpem kyɛ AWURADE foane bɛ fili ye nyunu, kyɛbɔ ɔnate ye somvoɛ ngɔmhyɛlɛfoɛ amukoraa so ɔhyɛ tole berɛ ne. Yiti bɛsesale Yisraelfoɛ befili bɛ bɔbɔ b’aseɛ so bɛhɔle Asiria, na batena berɛ maa waadwu ɛnɛ.

Yeremia 2:9

“Yiti ngɔhɔ so ngɔbɔ ɛmɔ kwaadu, na ngɔbɔ ɛmɔ boso ama mɔ koso kwaadu, AWURADE noa dwirɛ ɛne.

Hesekiel 7:3

Kekesaala ye de, ayieleɛ yeɛ wato wɔ ɔ, ngɔma me yaafɛlɛ ne kɔwa wɔ so; ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Hesekiel 7:8

Ɔngɔhyɛ biala, ngɔma m’ahone bɔ wahu ne kɔwa wɔ so, ngɔfɛ wɔ so yaa, ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Hosea 4:1

Yisraelfoɛ, ɛ́mɔtie AWURADE noa dwirɛ; ofikyɛ AWURADE ne aseɛ ne aso ama banya dwirɛ, ɔnate kyɛ nahorɛlilɛ, anwumvoinnwunɛ, ɔne Nyameɛ nwo nimdeɛ biala nne aseɛ ne aso.

Hosea 4:9

Na bɔ ɔkɔto maen ne nen, sɔ ala yeɛ ɔkɔto ɔsɔfo ɔ; ngɔhwe bɛ so wɔ bɛ bɔne nwo, na ngotua bɛ kerɛ kyɛbɔ bɛ yɔleɛ te ɔ.

Amose 2:4

AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.

Mika 6:2

Ɛmɔ, mmokaa mɔ, yeɛ aseɛ nyinasoɛ pindinn mɔ, ɛ́mɔtie AWURADE kwaadu bɔ ɔbɔ ne, ofikyɛ AWURADE ne ye maen banya edwudwolɛ, na ɔne Yisrael kɔbɔ nguro.

Romanfoɛ 9:11

Ɔwɔ nu kyɛ né bennya bɛwwole bɛ de, na wawa kyɛ po bɛyɔ paa anaa tɛɛ biala ɔ. Nakoso kyɛbɔ ɔkɔyɛ na Nyameɛ nhyehyɛleɛ, bɔ oggyi nnwumaa so, na mmom ogyi bɛ nu ko frɛlɛ so kɔwa nu ne ati,