Hosea 12:2 - AHYERƐLƐ KRONGRON

² AWURADE le dwirɛ tia Yuda. Ɔkɔhwe Yakob so kyɛbɔ ye yɔleɛ te ɔ, na okotua ye kerɛ kyɛbɔ ye nnwumaa te ɔ.

Hosea 12:2 Iomraidhean Croise

2 Ahemvo 17:4

Nakoso Asiria hene nwuni kyɛ Hosea ɔpena yɛ lɔen, ofikyɛ né Hosea watu ɛbɔfoɛ mɔ maa bahɔ Misraim hene bɔ bafrɛ ye Soo berɛ, yeɛ afei afoɛnoa afoɛnoa toɔ bɔ otua ma Asiria hene ne koso, wamva wangɔ. Yiti Asiria hene hyele Hosea tole kuku nu.

YOB NWOMAA NE 15:2

“Aso ɔsɛ kyɛ nworɛniɛ ɔfa nimdeɛ huuhuu ɔye dwirɛ noa, ná ɔfa edwirɛ bɔ aba nne nu ɔ ɔhoahoa ye nwo?

Edwein 78:36

Nakoso bɛ noa yeɛ bɛfa bɛdɛfɛdɛfɛle ye ɔ, nnakannaka dwirɛ yeɛ bɛkã bekyire ye ɔ.

Nworɛ Dwirɛhanɛniɛ 5:15

Kyɛbɔ ye nwo la so yeɛ ofili oni akunu wale ne, sɔ ala yeɛ okosa kɔhɔ ɔ. Na bɔ wafɛ wanya ye ne, ɔngɔfa nu biala ngotira ye sa nu ngɔhɔ.

Yesaya 10:12

Sɛ AWURADE yɔ ye adwuma mukoraa wɔ Sion bokaa so ne Yerusalem yie a, ɔkɔhwe Asiria hene so wɔ ye anwomasoɛ mvamva ne ye dwɛɛ ne anwo.

Yesaya 10:6

Maen bɔ benzuro Nyameɛ yeɛ masoma ye kyɛ ɔɔhwe bɛ so ɔ, mahyɛ ye kyɛ ɔɔhwe maen bɔ mafɛ ye so yaa piri paa ne so, kyɛ ɔɔfẽ ye nningyein ɔfa yɛ koɛ nu nzesadeɛ, ná otiatia bɛ so te kyɛ dwaaso nnɛterɛ.

Yesaya 24:21

Na ɔkɔwa kyɛ, sɔ kyẽa ne, AWURADE kɔhwe anwuro abɔdeɛ mɔ bɔ bɛwɔ ewienu ɔ bɛ so, yeɛ ɔkɔhwe aseɛ so ahemvo mɔ bɔ bɛwɔ aseɛ so ɔ bɛ so.

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Yesaya 30:6

Ngwaen dɔ aseɛ ne aso ngaka nwo nyekyire ɛhe: Bɛfa amaneɛ ne yealɛ aseɛ so, aseɛ bɔ gyata beleɛ ne gyata nyii wɔ so ɔ, bɔ ɛbɔnaa ne ewoo bɔ otu ɔ wɔ so ɔ, bɛfa b’anwonyadeɛ bɛsoa afunum mɔ, yeɛ bɛfa b’agyapadeɛ bɛteta afupɔngɔ mɔ si akyakya ne aso, kyɛ bɛkwaafa bɛma maen bɔ bengonya ye so mvasoɛ biala ɔ.

Yesaya 59:18

Okotua bɛ kerɛ kyɛbɔ bɛ yɔleɛ te ɔ, ye ahone kohu bɛ bɔ bekyi ye ɔ so, yeɛ okotua ye pɔfoɛ mɔ so kerɛ, yeɛ supɔ mɔ koso, okotua bɛ so kerɛ.

Yeremia 25:31

Dedeyɛlɛ ne kɔtrɛ kɔɔhã aseɛ noa dɔ, ofikyɛ AWURADE abɔ maen maen mɔ kwaadu; okobua anwoɔnaen amukoraa ndɛen, na ɔkɔma bɔnefoɛ mɔ bɛkɔtotɔ ngrandɛ noa, AWURADE noa dwirɛ ɛne.’

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Hosea 4:1

Yisraelfoɛ, ɛ́mɔtie AWURADE noa dwirɛ; ofikyɛ AWURADE ne aseɛ ne aso ama banya dwirɛ, ɔnate kyɛ nahorɛlilɛ, anwumvoinnwunɛ, ɔne Nyameɛ nwo nimdeɛ biala nne aseɛ ne aso.

Hosea 4:9

Na bɔ ɔkɔto maen ne nen, sɔ ala yeɛ ɔkɔto ɔsɔfo ɔ; ngɔhwe bɛ so wɔ bɛ bɔne nwo, na ngotua bɛ kerɛ kyɛbɔ bɛ yɔleɛ te ɔ.

Hosea 7:1

Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Hosea 7:2

Na bɛndwene ye nwo wɔ bɛ ti anu kyɛ mekaye bɛ bɔne yɔleɛ amukoraa ɔ. Afei bɛ bɔbɔ bɛ yɔleɛ apɛ bɛ nwo ayia, na me nye tua.

Hosea 8:10

Amba, ɔwɔ nu kyɛ bɛbɔ abiɛngoɛ mɔ paa wɔ maen maen nemɔ nu de, nakoso ngɔboa bɛ noa; na ahemvo mmaa mmaa mɔ hene ne, ye nhyɛsoɛ ne ati, bekoli aworabɔlɛ kãa.

Hosea 8:13

M’ayɛyelɛ afɔleɛ ne, bɛfa naen bɛbɔ, bedi, nakoso AWURADE onne bɛ ndo nu. Afei ɔkɔkaye b’amumuyɛɛ, ɔkɔhwe bɛ so wɔ bɛ bɔne nwo, na bekosa bɛkɔhɔ Misraim.

Hosea 8:9

Ofikyɛ baapena mmokalɛ wɔ Asiria, eburo afunum bɔ ye ngome okyinikyini ɔ. Efraim abɔ bɛ bɔ bekuro ye ɔ mɔ paa.

Hosea 9:15

Bɛ bɔne yɔleɛ amukoraa wɔ Gilgal, ofikyɛ berɛ yeɛ nhyɛle ye bo mbɔle bɛ ɔ. Ɔnate bɛ bɔne yɔleɛ ne ati, ngɔfoa bɛ ngofi m’awuro, mengohuro bɛ dwirɛ ko; b’atitire amukoraa bɛte ɛlɔenyɛlɛfoɛ.

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Amose 2:4

AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.

Mika 6:2

Ɛmɔ, mmokaa mɔ, yeɛ aseɛ nyinasoɛ pindinn mɔ, ɛ́mɔtie AWURADE kwaadu bɔ ɔbɔ ne, ofikyɛ AWURADE ne ye maen banya edwudwolɛ, na ɔne Yisrael kɔbɔ nguro.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Romanfoɛ 2:6

Ofikyɛ Nyameɛ kotua sona biala nikyee bɔ wayɔ ɔ nwo kerɛ.

Galatiafoɛ 6:7

Nnɛma ɛmɔlakalaka bɛ nwo, na bɛgoro Nyameɛ nwo. Ofikyɛ bɔ sona dua ne ala yeɛ okobu ɔ.