Hosea 12:13 - AHYERƐLƐ KRONGRON

¹³ Na AWURADE nate ngɔmhyɛlɛniɛ so yele Yisrael fili Misraim, na ɔnate ngɔmhyɛlɛniɛ so ɔbɔle ye nwo waen.

Hosea 12:13 Iomraidhean Croise

Gyenesise 28:2

Dwɔso kɔ wɔ maame ase Betuel awuro wɔ Padan Aram na kogya wɔ wɔfa Laban ye mma mmrasua nemɔ nu ko.

Gyenesise 29:20

Rahɛl ti, Yakob sole afoɛ nzoo, na ɔnate ehurolɛ bɔ né okuro ye ne ati, ɔyɛle ye nye so kyɛ ngyẽa kãa bie.

Edwein 77:20

Ɛnate Mose ne Aarɔn so elili wɔ maen nyunu kyɛbɔ bedi mmoaen kure nyunu ɔ.

Ɛksadɔso 13:3

Na Mose sele mmenia ne kyɛ, “Ɛ́mɔkaye sɔ kyẽa he bɔ ɛmɔfili Misraim ɔ, bɔ ɛmɔfili ngoaasolɛ nu ne, ofikyɛ AWURADE nate tumi piri so yeɛ ɔyele ɛmɔ fili Misraim ɔ; yiti nnɛma ɛmɔdi paanoo harewaa biala.

Ɛksadɔso 14:19

Afei Nyameɛ abɔfo bɔ né oli Yisrael ɛlɔen ne nyunu ne, ɔse oolili bɛ si. Na munungum ningɔnn ne fili bɛ nyunu oolili bɛ si,

Hosea 11:1

Yisrael te akwadaa nen, né mekuro ye dwirɛ, na Misraim yeɛ mvrɛle mma bienzua ne mvili ɔ.

Hosea 2:15

Ngɔfa ye bobe boo mɔ ngɔma ye wɔ berɛ, na ngɔma Akɔre bɔnza ne kɔyɛ anyelasoɛ anoa’. Berɛ yeɛ ɔkɔma mmuayɛɛ kyɛ ye ndaluwa nu ɔ, kyɛ mmerɛ bɔ ofi Misraim aseɛ so wale ne.

Mika 6:4

Ofikyɛ nyele wɔ mvili Misraim aseɛ so mmale, mbɔle wɔ mvili ngoaasolɛ nu, na nzomane Mose, Aarɔn ne Miriam maa belili wɔ nyunu.

Numeri 12:8

Ye de megyina ye nyunu me ne ye yɛdwudwo pefee; mendwudwo mengyire ye anyandera nu; na onwu kyɛbɔ AWURADE ye sue te ɔ. Nzu ati yeɛ ɛmɔanzuro kyɛ ɛmɔkodwudwo bekotia me somvoɛ Mose ɔ?”

Deuteronomi 26:5

Na wɔ koso odi kyɛ ɛkã edwirɛ he wɔ AWURADE wɔ Nyameɛ nyunu kyɛ, ‘Né me nana te Aramniɛ bɔ olle amandena ɔ, na otu ɔɔtenane Misraim yɛle berɛ wɔfoɛ. Né ɔne ye nwo ama bɛte mmenia kãa bie, nakoso me nana yɛle maen pirikua bɔ ole tumi, bɔ nu mmenia sone pee ɔ.

1 Samuel 12:8

Mmerɛ bɔ Yakob hɔle Misraim ne, [Misraimfoɛ hyɛle bɛ so] ɛmɔ nana mɔ sũ frɛle AWURADE, na AWURADE somane Mose ne Aarɔn maa bɛɛyele ɛmɔ nana mɔ befili Misraim, na ɔmaa bɛɛtenane wa.