Hosea 12:1 - AHYERƐLƐ KRONGRON

¹ Efraim li mvrama si, na ogu eyia afiteleɛ mvrama so daa biala. Ɔma ye anoanupɛlɛ ne basabasayɔlɛ ɔkɔ so yɛ pee, bɛ ne Asiria bɛyɛ apam, na bɛsoa ngoo bɛkɔ Misraim.

Hosea 12:1 Iomraidhean Croise

Gyenesise 41:6

Mvum nu, onwuni kyɛ aburoo nzoo bɔ bangye na eyia afiteleɛ mvrama akese bɛ ɔ afifi.

2 Ahemvo 15:19

Asiria hene Pulu fale koɛ ɔɔtetale Yisrael maen ne, na Menahem mane Pulu ɛdwetɛ talɛnde apee ko, kyɛ ɔma ɔhɔ so ɔtena bia ne aso.

2 Aberɛso Dwirɛ 21:11

Afei koso, Yehoram sisili asɔneyɛɛ wɔ Yuda mmokaa aseɛ ne aso, na ɔhwehwene Yerusalemfoɛ hɔle mmosoensolɛ nu, na ɔmane Yuda lili Nyameɛ dwirɛ nwo makyebu.

YOB NWOMAA NE 15:2

“Aso ɔsɛ kyɛ nworɛniɛ ɔfa nimdeɛ huuhuu ɔye dwirɛ noa, ná ɔfa edwirɛ bɔ aba nne nu ɔ ɔhoahoa ye nwo?

Edwein 78:36

Nakoso bɛ noa yeɛ bɛfa bɛdɛfɛdɛfɛle ye ɔ, nnakannaka dwirɛ yeɛ bɛkã bekyire ye ɔ.

Yeremia 2:36

Nzu ati yeɛ ɛsẽ faen ná ɛsẽ faen bɔ ɛkakyi w’atee bɔ ɛnate so ye! Misraim kogua wɔ nyunu ase, kyɛbɔ Asiria guale wɔ nyunu ase ne.

Yeremia 22:22

Mvrama kɔsoa wɔ neafoɛ mɔ amukoraa kɔhɔ; na w’adɔfo amukoraa kɔhɔ nnurehyelɛ nu; na ɔnate wɔ bɔne yɔleɛ amukoraa ne ati, amba, ɛkɔfɛre, na wɔ nyunu kogua ase.

Yeremia 7:15

Na ngɔfoa ɛmɔ ngofi me nyunu, kyɛbɔ mvoane ɛmɔ aliɛma mɔ amukoraa, Efraim boso ama amukoraa ne.

Awuye 5:6

Yafa yɛ nwo yawura Misraimfoɛ ne Asiriafoɛ bɛ bo, kyɛbɔ ɔkɔyɛ bɔ yɛkonya aleɛ yɛkoli ɔ.

Hesekiel 17:10

Tie, sɛ betu bɛtɛ a, aso ɔkɔyɛ yee? Sɛ eyia afiteleɛ mvrama bɔ ye a, aso ɔngɔkese ngowu anaa? Ɔkɔkese wɔ ngofie bɔ ofifili so nemɔ aso anaa?”

Hosea 11:12

Efraim afa ngondombo wapɛ me nwo wayia, yeɛ Yisrael awuro ama koso, bafa nnakannaka bapɛ me nwo bayia. Nakoso Yuda de, ɔtɛ ne Nyameɛ nate; na odi nahorɛ ma Krongronniɛ ne.

Hosea 11:9

Me yaafɛlɛ kandinga ne, mengɔye mengofite, mengosa mengɔsɛkye Efraim ko, ofikyɛ nde Nyameɛ, na nnde sona; nde Krongronniɛ bɔ ɔwɔ wɔ nu ɔ, na mengɔwa mengɔsɛkye kuro ne.

Hosea 4:15

Wɔ, Yisrael, ɔwɔ nu kyɛ ɛbɔ gyandera de, nakoso Yuda de, onni kyɛ ɔyɔ sɔ bie. Nnɛma ɛmɔba Gilgal, nnɛma ɛmɔkɔ Bete Awen, yeɛ nnɛma ɛmɔta ndaen kyɛ, “Kyɛ AWURADE te ase ye.”

Hosea 4:19

Mvrama bie amoa ye awura ye ndaa nu, na ɔnate bɛ bosoen sɔnenɛ afɔleɛ nemɔ ati, bɛ nyunu kogua ase.

Hosea 5:13

Mmerɛ bɔ Efraim nwuni ye anwonyerɛ, ná Yuda nwuni ye kena ne yeɛ Efraim hɔle Asiria ɔ, na ɔsomane maa bɛhɔle Nana Yarebo berɛ. Nakoso wangora wanza ɛmɔ anwonyerɛ, yeɛ wangora wamma ɛmɔ kena ne wangɔ.

Hosea 7:1

Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Hosea 8:7

Ofikyɛ bedua mvrama, na mvrama bɔ ɔpɛ ye nwo ɔ yeɛ bɛkɔpɛ ɔ. Aburoo ne wambɛnzɛ, na ɔngɔfa mmaa. Sɛ ɔfa mmaa po a, ɛwɔfoɛ mɔ yeɛ bekoli ɔ.