Hosea 11:9 - AHYERƐLƐ KRONGRON

⁹ Me yaafɛlɛ kandinga ne, mengɔye mengofite, mengosa mengɔsɛkye Efraim ko, ofikyɛ nde Nyameɛ, na nnde sona; nde Krongronniɛ bɔ ɔwɔ wɔ nu ɔ, na mengɔwa mengɔsɛkye kuro ne.

Hosea 11:9 Iomraidhean Croise

2 Samuel 20:10

Nakoso Amasa annwu kyɛ Yoabo tira ngrandɛ ɔ. Yoabo fa wɔle Amasa kunu mane ye nyaa tu guale, na owuli. Wanwɔ ye pɛen nyɔ. Afei Yoabo ne oliɛma Abisae bɛpole Bikri awa Hyeba so.

Edwein 46:5

Nyameɛ wɔ kuro ne afia, yiti bɛngɔhora so ngonim di; Nyameɛ kofi ngyerɛmɔ tutuutu kɔboka ye ndɛndɛ.

Edwein 78:38

Nakoso ɔnate kyɛ ɔse anwumvoin ne ati, ɔfale b’amumuyɛɛ hyɛle bɛ, na wangukũ bɛ. Né ɔtaa ɔtwe ye yaa sa nziɛ, na wamva ye yaa ne amukoraa wangua bɛ so.

Edwein 85:4

Ao yɛ ngoalelɛ Nyameɛ, maa yɛsa yɛbra wɔ berɛ, na ɛyaa bɔ afɛ ye wɔ yɛ so ne, yakyi maa ɔha.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 31:1

Bɛ yaakɔ, bɛ bɔ bɛkɔ Misraim bɛkɔpena mmokalɛ, bɔ bɛfa bɛ nye bɛto mbɔngɔ so, bɔ ɔnate teaseɛnam mɔ bɛ somaa ti bɛfa bɛ wora bewura bɛ nu, bɔ ɔnate pɔngɔhanɛfoɛ mɔ b’anwoserɛ ti bɛfa bɛ wora bewura bɛ nu, nakoso bɛmva bɛ nwo bɛndo Yisrael Krongronniɛ ne so ɔ, anaakyɛ bɛmbena AWURADE si atee ɔ.

Yesaya 41:14

Nnɛsuro, wɔ, esuronyi (pɛkyɛpɛkyɛ) Yakob, ɔne ɛmɔ, Yisraelfoɛ! Ofikyɛ me yeɛ ngɔboka wɔ ɔ. AWURADE noa dwirɛ ɛne; na wɔ Defoɛ ne ole Yisrael Krongronniɛ ne.

Yesaya 41:16

Ekohuhu bɛ so, mvrama kɔbɔ bɛ kɔhɔ, na mvrama bɔ ɔpɛ ye nwo ɔ kɔto bɛ kɔsande. Na afei ekoli ahurusi wɔ AWURADE nu, na ɛkɔhoahoa wɔ nwo wɔ Yisrael Krongronniɛ ne anu.

Yesaya 48:9

“Me dumaa ne ati, mafa me yaafɛlɛ ne makongɔm berɛ, na m’ayɛyelɛ ne ati, manya wɔ nwo aboterɛ, amaa ɔnate so mannua wɔ boso.

Yesaya 5:24

Yiti kyɛbɔ see osi yera ngyɛngyɛma motoo, ɔne kyɛbɔ see wuronyiwuronyi osi yera ndire worowaa ne, sɔ ala yeɛ sɔ mmenia nemɔ bɛ ndii kɔporɔ ɔ, na mvrama kɔporo bɛ nyerɛen kogua kyɛ mvuture, ofikyɛ bapo Asafo AWURADE mmeraa ne, na babu Yisrael Krongronniɛ ne dwirɛ animtia.

Yeremia 26:3

Ebiaa bekotie, ná ebiala wahwe ye nwo wafi ye bɔne atee nwo, amaa ɔnate so amaneɛ bɔ ɔnate bɛ bɔne yɔleɛ ti madwene ye nwo kyɛ ngɔprapra ngogua bɛ so ne, masesã m’adwene wɔ ye nwo.

Yeremia 30:11

Ofikyɛ ngyi wɔ si kyɛ ngɔpepɛ ngole wɔ, AWURADE noa dwirɛ ɛne; na maen maen amukoraa bɔ mabɔ wɔ masande maagua so ne, ngɔbɔ bɛ tɔɔ, nakoso wɔ de, mengɔbɔ wɔ tɔɔ. Na mmom ngɔhwe wɔ so kyɛbɔ ɔfata ɔ, na mengɔma ɛngɔfa wɔ nwo ngoli tɔtorɔtɔɔ.

Hosea 12:1

Efraim li mvrama si, na ogu eyia afiteleɛ mvrama so daa biala. Ɔma ye anoanupɛlɛ ne basabasayɔlɛ ɔkɔ so yɛ pee, bɛ ne Asiria bɛyɛ apam, na bɛsoa ngoo bɛkɔ Misraim.

Hosea 14:4

Ngɔsa bɛ nahorɛ bɔ benni ne anwonyerɛ, ngofia me kunu ngohuro bɛ dwirɛ, ofikyɛ me yaafɛlɛ ne, maye mafi bɛ so.

Malaki 3:6

“Ofikyɛ me, AWURADE, menzesã; yiti ɛmɔ, Yakob boso ama, ɛmɔ boso ngonua.

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

1 Samuel 26:8

Na Abisae sele Dawide kyɛ, “Nyameɛ afa wɔ pɔfoɛ wawura wɔ sa ɛnɛ, yiti maa mva pealɛɛ ne nwɔ ye komapɛ twe ma ɔha aseɛnwo berɛ; mengɔwɔ ye nyɔ koraa.”