Hosea 11:8 - AHYERƐLƐ KRONGRON

⁸ Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Hosea 11:8 Iomraidhean Croise

Gyenesise 14:8

Afei Sodom, Gomora, Adema, Seboyim ne Bela (bɔ besa bɛfrɛ ye Soa) hene mɔ dwɔsole,

2 Samuel 24:16

Na mmerɛ bɔ abɔfo ne tengyɛle ye sa Yerusalem so kyɛ ɔsɛkye kuro ne nen, AWURADE adwene sesane wɔ mmenia hunɛ ne anwo, na osele abɔfo bɔ ogu so oku mmenia ne kyɛ, “Wayɛ yee, yakyi.” Sɔ mmerɛ ne, né AWURADE abɔfo ne adwu Yebusiniɛ Arayuna ye nekaa bɔ bɛboro aburoo ne.

1 Ahemvo 3:26

Nakoso akwadaa bɔ ɔte ase ne maame, ɔnate ɔwa ne ati, ye nyaa wosole ye kunu. Yiti ɔhã hyirele Nana Solomon kyɛ, “Me mene, mesrɛ wɔ, fa akwadaa bɔ ɔte ase ne ma ye, na nnɛku ye!” Nakoso braa ko ne de ɔhane kyɛ, “Kyɛ ye nu; maa akwadaa ne ɔbɔ yɛ munyɔ.”

2 Ahemvo 13:23

Nakoso AWURADE lole bɛ, na onwuni bɛ anwumvoin. Ɔnate ye apam bɔ ɔne Abraham, Yisake ne Yakob yɛle ne ati, ɔpɛnene ye nye neane Yisrael. Na wangukũ bɛ, yeɛ wambɛ bɛ asue wamvi ye nyunu maa waadwu ɛnɛ.

2 Aberɛso Dwirɛ 36:15

AWURADE bɛ nana mɔ Nyameɛ ne, ɔsomane ye ɛbɔfoɛ mɔ mmerɛ pee maa bɛɛbɔle bɛ kɔkɔ, ofikyɛ né ye ahone la ye maen ne ye atenaleɛ ne anwo.

Edwein 106:45

Ɔnate bɛ ti, AWURADE kayele ye apam ne, na onwuni bɛ anwumvoin, kyɛbɔ ye ɔdɔ bɔ onni ngasi ne, ye piri si te ɔ.

Yesaya 16:11

Yiti me kra di Moabo nwo aworabɔlɛ kyɛ aworabɔlɛ dwein bɔ bɛto bɛfa ye nwo ɔ, yeɛ me kunu tete me ma Kire Herese.

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Yeremia 18:8

nakoso sɔ maen ne bɔ mahã ye nwo dwirɛ ne, onu ye nwo fi ye bɔne nwo a, ye de ngɔsesã m’adwene wɔ musue bɔ mayɛ kyɛ ngɔprapra ngogua ye so ne anwo.

Yeremia 3:12

Kɔ sorɔ dɔ, ná kɔbɔ sɔ dwirɛ ne dawure kyɛ, ‘AWURADE nwa nyoo: Sa bra, asoserɛniɛ Yisrael. Mengɔfɛ wɔ so yaa, ofikyɛ mese anwumvoin, yiti mengɔfɛ yaa afebɔɔ, AWURADE noa dwirɛ ɛne.

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Yeremia 42:10

Sɛ ɛmɔkɔhɔ so bɛkɔtena aseɛ he aso a, ye de ngɔma ɛmɔ bo kotimu, na mengodwiri ɛmɔ mengogua ase; ngolua ɛmɔ na mengotutu ɛmɔ bo, ofikyɛ manu me nwo wɔ musue bɔ mbraprale nguale ɛmɔ so ne anwo.

Yeremia 9:6

Nnakannaka nu yeɛ ɔte w’atenaleɛ ɔ! Nnakannaka ti benguro kyɛ bekonwu me ɔ, AWURADE noa dwirɛ ɛne.

Yeremia 9:7

Yiti bɔ Asafo AWURADE kã ɛhe: “Ngɔpɔ bɛ nwo ngoso bɛ ngɔnea, na me maen awa brasua ne ati, nzikyɛ koraa yeɛ nyɔ ɔ?

Awuye 1:20

“Ao AWURADE, nea, na edwirɛ ato me, me kunu tete me; me wora abɔ, ofikyɛ mayɛ ɛlɔen kandinga paa. Ngrandɛ ne kũkũ me mma wɔ dwaaso, yeɛ ewue koso kũkũ bɛ wɔ awuro.

Awuye 3:32

Na sɛ ɔma ebie wora bɔ po a, okonwu ye anwumvoin kyɛbɔ ye anwumvoinnwunɛ ne, ye piri ɔte ne.

Awuye 3:33

Ofikyɛ nna bɔ okuro ole kyɛ ɔkɔprapra amaneɛ kogua sona so, anaakyɛ ɔkɔma adasa mmaa bɛ wora kɔbɔ ɔ.

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Hesekiel 6:9

Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Hosea 6:4

Ao Efraim, nzikyɛ yeɛ mva nyɔ wɔ ɔ? Ao Yuda, nzikyɛ yeɛ mva nyɔ wɔ ɔ? Ɛmɔ nahorɛlilɛ te kyɛ ngyerɛmɔ munungum, na ɔte kyɛ bosue bɔ ɔpɛ nu kɔ ndɛndɛ ɔ.

Hosea 7:1

Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Amose 4:11

“Nnuane ɛmɔ nu biemɔ boso kyɛbɔ me, Nyameɛ, nnuane Sodom ne Gomora bɛ boso ne. Na né ɛmɔte kyɛ gyetia bɔ baye bafi see bɔ ogye nu ɔ, nakoso ɛmɔanza bamma me berɛ,” AWURADE noa dwirɛ ɛne.

Amose 7:3

AWURADE hwe sale, “Ɔngɔwa ye sɔ,” AWURADE noa dwirɛ ɛne.

Amose 7:6

AWURADE hwe sale: “Ɔngɔwa ye sɔ,” AWURADE Nyameɛ noa dwirɛ ɛne.

Mika 5:3

Yiti ɔkɔyakyi bɛ nu kɔɔpem mmerɛ bɔ braa bɔ wafo aworɛ so ne kɔwo ɔ. Na afei oliɛma ngaa nemɔ, bekosa bɛkɔɔboka Yisrael mma nemɔ aso.

Sefania 2:9

Yiti, kyɛbɔ nde ase ye, amba, Moabo kɔkakyi kyɛ Sodom, yeɛ Amonfoɛ bɛkɔkakyi kyɛ Gomora, ndetema ne ngyee ngumaa aseɛ ne aseɛ pralaa afebɔɔ. Na me maen mmaa bɔ bɛkɔha ne, bɛkɔfẽ bɛ bɛkɔfa, yeɛ me maen mmaa bɔ bekonya bɛ ti bekodidi nu ne, bɛkɔfa bɛkɔyɛ bɛ deɛ, Asafo AWURADE, Yisrael Nyameɛ noa dwirɛ ɛne.”

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Deuteronomi 29:22

Na kyẽa bie aworɛ ndoatoasoɛ, bɔ bɛte ɛmɔ boso ama ne, ɔne ɛwɔfoɛ mɔ bɔ bekofi dedeede maen so bɛkɔwa ne, sɛ benwu amaneɛ ne anwonyerɛ worawora bɔ AWURADE ate agua aseɛ ne aso a,

Deuteronomi 29:23

aseɛ bɔ sɔfe ne ngyee ayera ye mukoraati ɔ, bɔ bennua hwee so ɔ, bɔ nikye fee mvifi so ɔ, bɔ bakaa anaa aleɛ biala nyɛ yee wɔ so ɔ, kyɛbɔ AWURADE fɛle ɛyaa piri sɛkyele Sodom, Gomora, Adema ne Seboyim a,

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

2 Petro 2:6

ná sɛ obuale Sodom ne Gomora nguro foɛ ɔbɔle bɛ tɔɔ, ɔsɛkyele bɛ maa bɛyerale bɛtɔle nzoen, ná ɔfa yɛle nhwɛsoɛ mane bɛ bɔ nziɛ ye bɛkɔbɔ amumuyɛɛ bra a;

Yuda 1:7

Na sɔ ala yeɛ Sodom ne Gomora ne nguro bɔ bapɛ bɛ nwo bayia, bɔ bɛyɛle kyɛ ɛhemɔ, bɔ bɛlɔle asukɔ wɔ adwamanbɔlɛ nu, ná bɛbɔle nnaa nu musue ne, bafa bɛ bayɛ see afebɔɔ nwo nhwɛsoɛ bato berɛ ɔ.

Nyekyire 11:8

Na bɛ fuin nemɔ kɔlela kuro piri ne dwaaso, kuro bɔ sunzum nu bɛfrɛ ye Sodom ne Misraim ne, nekaa bɔ bɛbɔle b’Awurade koso mmeamudua nu ne.

Nyekyire 18:18

na benwuni nwosina bɔ ofi ye yeralɛ ne anu nen, bɛteateane nu kyɛ, “Kuro beni yeɛ né ɔne kuro piri he bɛsɛ ɔ?”

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.