Hosea 11:7 - AHYERƐLƐ KRONGRON

⁷ Me maen asi bɛ hue kyɛ bɛtwe bɛ nwo befi me nwo, ɔwɔ nu kyɛ bɛfrɛle bɛ kyɛ bɛhã bɛhɔ Anwuro Anwuroniɛ ne anwo, nakoso bɛ nu biala wangamvo ye.

Hosea 11:7 Iomraidhean Croise

Edwein 81:11

“Nakoso me maen bandie me dwirɛ, Yisrael wammrɛ ye nwo ase wamma me.

Anyandera 14:14

Amumuyɛɛniɛ ye bɔbɔ ye yɔleɛ obu sa ye, yeɛ sona paa wora onya bɔ ɔyɔ ɔ nwo akatuaa.

Yesaya 26:10

Sɛ enwu amumuyɛɛniɛ anwumvoin a, amumuyɛɛniɛ ne nzua kyɛ ɔkɔbɔ bra bɔ ɔtengyɛ ɔ; na aseɛ bɔ pɛpɛɛpɛyɛlɛ wɔ so ne, sɔ sona ne de, amumuyɛɛ yeɛ ɔyɔ ɔ, na onnwu kyɛbɔ AWURADE osi te piri ɔ.

Yeremia 14:7

“Ɔwɔ nu kyɛ y’amumuyɛɛ bua yɛ fɔ de, nakoso AWURADE, wɔ dumaa ti, boka yɛ. Yasa yɛ si paa, na yayɔ bɔne yatia wɔ.

Yeremia 2:19

Wɔ bɔbɔ wɔ bɔne kɔbɔ wɔ ti so, na Nyameɛ si lilɛ bɔ ayakyi ne, sɔ suban ne kobua wɔ foɛ. Nwu ye ná kaye kyɛ ɔte aworabɔlɛ dwirɛ kyɛ ɛkɔpo AWURADE wɔ Nyameɛ ɔ; na me nwo suronyi ɔnne wɔ nu. AWURADE, Asafo Nyameɛ noa dwirɛ ɛne.

Yeremia 3:11

Yeɛ AWURADE sele me kyɛ, “Asoserɛniɛ Yisrael wahyire kyɛ ɔtengyɛ tra ngondomboniɛ Yuda.

Yeremia 7:25

Ofi kyẽa bɔ ɛmɔ nana mɔ befili Misraim aseɛ so bɛwale bɔ ɔbaadwu ɛnɛ ɔ, mahɔ so masoma me somvoɛ ngɔmhyɛlɛfoɛ amukoraa dee wɔ ɛmɔ berɛ,

Yeremia 7:26

nakoso bandie me dwirɛ, yeɛ bandɛ me so, na mmom bɛsoale bɛ kɔme so kyeinn. Bɛyɔle bɔ ɔtte mayee bɛtrale bɛ nana mɔ.

Yeremia 8:5

Na nzu ati yeɛ sɔ Yerusalemfoɛ ye, bafa asefinɛ bayɛ nnaa ye? Batira nnakannaka nu serɛserɛ, na bayɛ b’adwene kyɛ bengosa bɛ si.

Hosea 11:2

Na ngu so bɔ mefrɛ bɛ ne, né me nwo ala yeɛ befi bɛkɔ ɔ. Bɛbobɔle afɔleɛ mɔ bɛmane Baal mɔ, na bɛyerale ɛyɛɛ bɛmane amoen mɔ.

Hosea 14:4

Ngɔsa bɛ nahorɛ bɔ benni ne anwonyerɛ, ngofia me kunu ngohuro bɛ dwirɛ, ofikyɛ me yaafɛlɛ ne, maye mafi bɛ so.

Hosea 4:16

Yisrael so yɛ se kyɛ nandwie beleɛ akrɔngrɔma bɔ ye so yɛ se ɔ. Afei AWURADE kɔma bɛ aleɛ kyɛ boaen ba bɔ ɔwɔ aseɛ tɛtrɛtɛɛ bɔ ndire wɔ so ɔ so.

Hosea 7:16

Besa bɛ si, nakoso bɛmma Anwuro Anwuroniɛ ne berɛ, bayɛ kyɛ nnakannaka agyaen, b’atitirefoɛ mɔ kɔtotɔ ngrandɛ noa; ɔnate bɛ noa dwirɛ mvamva ne ati, mmenia kɔfa ɛhe kɔgoro bɛ nwo wɔ Misraim aseɛ so.