Hosea 11:6 - AHYERƐLƐ KRONGRON

⁶ Ɔnate b’agyirɛ bɔ batu ne ati, ngrandɛ kohũhũ mmenia wɔ ye nguro nemɔ aso, na okobubu mmuralɛ bɔ ɔbrambram ye anoa nemɔ asi ne.

Hosea 11:6 Iomraidhean Croise

Edwein 106:39

Yiti bɛ yɔleɛ mane bɛ nwo guale fiɛ, na bɛ yɔleɛ ne kakyili adwamanbɔlɛ.

Edwein 106:43

AWURADE pepɛ lele bɛ mmerɛ pee, nakoso bɛhyɛle da bɛhɔle so bɛyɛle ye so asoserɛ, na ɔnate b’amumuyɛɛ ti, bɛbrɛle bɛ ase.

Yesaya 18:5

Ofikyɛ, anzana fieso aleɛ falɛ kodwu, mmerɛ bɔ nyerɛen nemɔ baporo bagua, bɔ nyerɛen nemɔ bati bayɛ bobe gyegyerewaa ne, ɔkɔfa asɔsɔaa kɔpepɛ mmaen bɔ wafefɛ ye nwo ne kogua, na okodwaadwaa mmaen nemɔ kogua.

Yesaya 27:10

Ofikyɛ kuro bɔ bato ye nwo fasue ne, ɔkɔkakyi kurofoen, kyɛ kuro bɔ batu bafi so, bɔ bayakyi ye maa wayɛ kyɛ ɛserɛ so ɔ; na berɛ yeɛ nandwie mmaa bekodidi ɔ, berɛ yeɛ bekobutubutu bɛkɔpomba ye mmaen nemɔ bekoli ye nyaa ɔ.

Yesaya 30:1

AWURADE nwa nyoo, “Mmaa bɔ bayɛ lɔen, bɛ yaakɔ, bɛbɔ porɛ bɔ nna me nhyehyɛleɛ ahɔ ɔ, bɛyɛ apam bɔ me sunzum mvoa so ɔ, bɛyɔ bɔne bɛtoatoa bɔne so.

Yesaya 9:14

Yiti AWURADE kɔpɛ Yisrael ye ti ne ye dua, ye ɛberɛ ne elemmire ɛlɛho komapɛ kofi berɛ.

Yeremia 5:17

Bekoli wɔ fieso aleɛ ne w’aleɛ; bekohũhũ wɔ mma mmienzua ne wɔ mma mmrasua; bekohũhũ wɔ mmoaen ne wɔ nandwie mɔ bekoli, bekobubu wɔ bobe ne borɔdoma mmakaa bekogua; wɔ nguro bɔ ato bɛ nwo fasue, bɔ afa wɔ wora awura bɛ nu ne, bɛkɔfa ngrandɛ bɛkɔsɛkye bɛ.

Yeremia 50:35

“Ngrandɛ gyi Kaldeafoɛ so, yeɛ Babilɔnfoɛ ne b’atitire ne bɛ nworɛfoɛ so! AWURADE noa dwirɛ ɛne.

Awuye 2:9

Ye pambim nemɔ bamimi bahɔ ase, wasɛkye mmuralɛ bɔ ɔbrambram ye si nemɔ, na wabubu nu; ye hene ne ye mbanyi mɔ baali maen maensofoɛ mɔ nu. Mmeraa ne, ɔnne berɛ ko. Ye ngɔmhyɛlɛfoɛ koso, bennya nyekyire bemvi AWURADE berɛ.

Hesekiel 20:47

ná se ngwaen dɔ ɛhɔayeɛ ne kyɛ, ‘Tie AWURADE noa dwirɛ. AWURADE Nyameɛ nwa nyoo: Tie, mebaato wɔ nu see, na ɔkɔyera bakaa monɛ ne bakaa wuruwaa biala bɔ ɔwɔ wɔ nu ɔ. Ɔte see bɔ ogye wuronyiwuronyi bɔ ongonua ɔ, na ofi ngwaen bɔ ɔkwaadwu sorɔ ne, ɔkɔyera bɔ ɔwɔ so amukoraa.

Hosea 10:14

Yiti koɛ nu bagyabagya kodwɔso wɔ wɔ maen ne anu, na bɛkɔsɛkye w’anwoserɛ afealeɛ ne amukoraa, kyɛbɔ Salman sɛkyele Bete Arabel wɔ koɛhonɛ kyẽa ne anu ne; bɛtele niɛ mɔ beefini mmaa mɔ so maa niɛ nemɔ anu tetele pasapasa.

Hosea 10:6

Bɛkɔsoa bɛkɔhɔ Asiria bɛkɔɔyɛ akyɛdeɛ bɛkɔma Nana Yarebo; Efraim nyunu kogua ase, na Yisrael kɔfɛre ye bɔbɔ ye agyirɛ bɔ watu ɔ nwo.

Hosea 13:16

Samaria kɔsoa ye foɛlilɛ, ofikyɛ wayɛ ye Nyameɛ nwo lɔen. Bɛkɔtotɔ ngrandɛ noa, bɛkɔtete bɛ mma nnɔma mɔ ti bɛkɔbobɔ berɛ, na bɛkɔpakyepakye bɛ pemvoɛ mɔ kunu.

Hosea 4:16

Yisrael so yɛ se kyɛ nandwie beleɛ akrɔngrɔma bɔ ye so yɛ se ɔ. Afei AWURADE kɔma bɛ aleɛ kyɛ boaen ba bɔ ɔwɔ aseɛ tɛtrɛtɛɛ bɔ ndire wɔ so ɔ so.

Hosea 4:17

Efraim afa ye nwo wabɔ mmosoen, yiti po ye bra ma ye.

Lewitikɔso 26:25

Na ngɔhwe ɛmɔ so ngrandɛ, ná matɔ ɛmɔ so wereɛ, ɔnate apam bɔ ɛmɔabu so ne ati. Na sɛ ɛmɔkɔfeafea ɛmɔ nguro nemɔ anu a, ngɔsoma anwonyerɛ tɛɛ maa ɔkɔbɔ ɛmɔ, na ngɔfa ɛmɔ ngowura ɛmɔ pɔfoɛ mɔ sa.

Lewitikɔso 26:31

Ngɔma ɛmɔ nguro nemɔ kɔbɔ, ná masɛkye ɛmɔ nekaa krongron nemɔ, na me nye ngɔgye ɛmɔ afɔleɛ fonafona nemɔ anwo.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Amose 6:8

AWURADE Nyameɛ wata ye nwo ndaen, (AWURADE, Asafo Nyameɛ nwa), “Yakob ye anwomasoɛ ne yɛ me tɛ, yeɛ mekyi ye anwoserɛ afealeɛ nemɔ; yiti ngɔfa kuro ne, ɔne bɔ ɔwɔ nu amukoraa ngowura pɔfoɛ mɔ sa.

Mika 5:11

Ngɔbɔ w’aseɛ ne aso nguro mɔ, na ngodwiri w’anwoserɛ afealeɛ ne amukoraa ngogua.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Deuteronomi 28:52

Ɔkɔha wɔ komia wɔ wɔ nguro ne amukoraati nu, kɔpem kyɛ wɔ fasue pindinn ndendenn ndendenn, bɔ afa wɔ nye ato so ne kodwiri kogua wɔ w’aseɛ ne amukoraati so ɔ. Ɔkɔha wɔ komia wɔ wɔ nguro ne amukoraati nu, wɔ w’aseɛ amukoraati bɔ AWURADE wɔ Nyameɛ wafa wama wɔ ne aso.

Deuteronomi 32:25

Bɛ mma kɔtotɔ ngrandɛ noa wɔ dwaaso, na ɛserɛ kɔha bɛ wɔ sua nu. Mmerandeɛ ne ndaluwa kowuwu, nnɔma ne mbanyi bɔ bafu gyein koso sɔ ala.