Hosea 11:5 - AHYERƐLƐ KRONGRON

⁵ Ongosa ngɔhɔ Misraim aseɛ so, na mmom Asiria koli ye so hene, ofikyɛ bapo kyɛ bekosa bɛkɔwa me berɛ ɔ.

Hosea 11:5 Iomraidhean Croise

2 Ahemvo 15:19

Asiria hene Pulu fale koɛ ɔɔtetale Yisrael maen ne, na Menahem mane Pulu ɛdwetɛ talɛnde apee ko, kyɛ ɔma ɔhɔ so ɔtena bia ne aso.

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

Hosea 10:6

Bɛkɔsoa bɛkɔhɔ Asiria bɛkɔɔyɛ akyɛdeɛ bɛkɔma Nana Yarebo; Efraim nyunu kogua ase, na Yisrael kɔfɛre ye bɔbɔ ye agyirɛ bɔ watu ɔ nwo.

Hosea 5:13

Mmerɛ bɔ Efraim nwuni ye anwonyerɛ, ná Yuda nwuni ye kena ne yeɛ Efraim hɔle Asiria ɔ, na ɔsomane maa bɛhɔle Nana Yarebo berɛ. Nakoso wangora wanza ɛmɔ anwonyerɛ, yeɛ wangora wamma ɛmɔ kena ne wangɔ.

Hosea 6:1

“Ɛmɔbra, ɛ́mɔma yɛsa yɛhɔ AWURADE berɛ, ofikyɛ ye yeɛ watete yɛ nu pasapasa ɔ, na ɔkɔsa yɛ anwonyerɛ; wapura yɛ, na okosa kɔkyekye yɛ ngena nemɔ aso.

Hosea 7:16

Besa bɛ si, nakoso bɛmma Anwuro Anwuroniɛ ne berɛ, bayɛ kyɛ nnakannaka agyaen, b’atitirefoɛ mɔ kɔtotɔ ngrandɛ noa; ɔnate bɛ noa dwirɛ mvamva ne ati, mmenia kɔfa ɛhe kɔgoro bɛ nwo wɔ Misraim aseɛ so.

Hosea 8:13

M’ayɛyelɛ afɔleɛ ne, bɛfa naen bɛbɔ, bedi, nakoso AWURADE onne bɛ ndo nu. Afei ɔkɔkaye b’amumuyɛɛ, ɔkɔhwe bɛ so wɔ bɛ bɔne nwo, na bekosa bɛkɔhɔ Misraim.

Hosea 9:3

Bɛngɔtena AWURADE aseɛ ne aso, na mmom Efraim kosa kɔhɔ Misraim, na bekoli nningyein bɔ bɛ nwo nde ɔ wɔ Asiria.

Hosea 9:6

Ofikyɛ, tie, ɔnate ehuhunɛ ne ati, mmenia nemɔ banwati bahɔ. Misraim kɔboa bɛ noa, na Memfise kosie bɛ. Ndetema kofifi nekaa bɔ bɛ dwetɛ nningyein paa gua ne, na agurɛ kofifi bɛ tena sua nemɔ anu.

Amose 4:11

“Nnuane ɛmɔ nu biemɔ boso kyɛbɔ me, Nyameɛ, nnuane Sodom ne Gomora bɛ boso ne. Na né ɛmɔte kyɛ gyetia bɔ baye bafi see bɔ ogye nu ɔ, nakoso ɛmɔanza bamma me berɛ,” AWURADE noa dwirɛ ɛne.

Amose 4:6

“Mmane ɛmɔ noa aleɛ bɔle ɛmɔ wɔ ɛmɔ nguro nemɔ amukoraa so, yeɛ ɛhɔen wale ɛmɔ atenaleɛ nemɔ amukoraa nu, nakoso ɛmɔanza bamma me berɛ, AWURADE noa dwirɛ ɛne.

Amose 5:27

Yiti ngɔpɛ ɛmɔ asue ngɔhɔ Damasko si dɔ,” AWURADE bɔ ye dumaa ole Asafo Nyameɛ ne, ye noa dwirɛ ɛne.

Deuteronomi 17:16

Nakoso sona bɔ okoli hene ne de, ɔnzɛ kyɛ ɔma ye mbɔngɔ mɔ sone pee, yeɛ ɔnzɛ kyɛ ɔma mmenia ne sá kɔ Misraim kyɛ ɔkwaapena mbɔngɔ pee, ofikyɛ AWURADE aha ahyire ɛmɔ kyɛ, ‘Ɔnzɛ kyɛ ɛmɔsa bɛ si bɛfa sɔ atee ne aso ko.’