Hosea 11:4 - AHYERƐLƐ KRONGRON

⁴ Mvale anwumvoinnwunɛ nyamaa yeɛ ndwetwene bɛ ɔ, mvale ɔdɔ nyamaa; na nyɛle kyɛ ebie bɔ ɔsangye b’awogyee kɔnnua ɔ mmane bɛ, na ngunduni bɛ nwo berɛ mmane bɛ aleɛ.

Hosea 11:4 Iomraidhean Croise

2 Samuel 7:14

Ngɔyɛ ye baba, ná ye wora wayɛ mma. Sɛ ɔyɔ mvomsoɛ a, ngɔfa bakaa ne mbire ngɔtea ye, kyɛbɔ kuro sona tea ɔwa ɔ.

Edwein 105:40

Bebisale, na ɔfale ayenzii mɔ brɛle bɛ, na ɔmane bɛ aleɛ fili nyameɛso mane bɛ ko yili.

Ɛksadɔso 16:32

Na Mose sele kyɛ, “Edwirɛ bɔ AWURADE aha ato berɛ hɔ ɛhe: ‘Ɔsɛ kyɛ ɛmɔfa mana olonka ko besie berɛ bɛma ɛmɔ si ama mukoraa bɔ bɛkɔwa ɔ, amaa ɔnate so banwu aleɛ bɔ mva mane ɛmɔ lili wɔ ɛserɛ so, mmerɛ bɔ nyele ɛmɔ mvili Misraim aseɛ so ne.’ ”

Edwein Nu Dwein 1:4

Twetwe me bra wɔ nwo, ma yɛ nwo ɔyɛ nyera. Ao, ɛhene ne afa me awa ye pumbu nu. Yɛ nye kɔhã, ná yali wɔ nwo ahurusi, wɔ hurolɛ ne, yɛkɔkamvo ye yɛkɔtra bobe nzaa. Ɔnyɛ nwanwa kyɛ bekuro wɔ ɔ.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Hosea 2:8

Hmmm, né ɔnze kyɛ me yeɛ mane ye aburoo ne nzaa ne ngoo, kyɛ me yeɛ mmaa onyane ɛdwetɛ ne esikaa kɔkorɛ pee, bɔ bɛfa bɛbɔle afɔleɛ bɛmane Baal ne ɔ.

Lewitikɔso 26:13

Me ole AWURADE ɛmɔ Nyameɛ bɔ nyele ɛmɔ mvili Misraim aseɛ so kyɛ, mengɔma ɛmɔ ngɔyɛ bɛ nganga ko ne. Mabubu ɛmɔ kɔnnua ná mamaa ɛmɔanate bafa bɛ sa basi bɛ hue.

Yohane 12:32

Na me de, sɛ bɛma me so befi aseɛ ye aso a, ngɔhwe mmenia mukoraa ngɔwa me nwo.”

2 Korintofoɛ 5:14

Na Kristo dɔ ne di yɛ so, ofikyɛ yɛde yɛto nu kyɛ sɛ sona ko wu mane mmenia mukoraa a, nzaade mmenia mukoraa bawu.

Deuteronomi 32:12

AWURADE ngome twe yeɛ ohyirele ye atee ɔ; na nyameɛ foforɛ biala wammoka ye so.

Deuteronomi 32:14

ɔmane ye nandwie nyɔfonesue nye loe, ɔne boaen nyɔfonesue, mmoaen bɔ balɔ ɔ, Basan mmoaen nyii ne mbɔngye; ɔne atokoɔ paa, na ɛnone bobe mmaa nzaa bɔ bahwi ye gyengɔgyengɔ ɔ.