Hosea 11:2 - AHYERƐLƐ KRONGRON

² Na ngu so bɔ mefrɛ bɛ ne, né me nwo ala yeɛ befi bɛkɔ ɔ. Bɛbobɔle afɔleɛ mɔ bɛmane Baal mɔ, na bɛyerale ɛyɛɛ bɛmane amoen mɔ.

Hosea 11:2 Iomraidhean Croise

1 Ahemvo 12:33

Bosome mmɔtwɛ bɔ ɔte bosome bɔ wali ye bɔbɔ ye ti piri waye wasie berɛ ne, ye kyẽa bɔ ɔtɔ so buru ne nnu ne, sɛ odwu a, né ɔkɔ afɔleɛ bokyea bɔ wasi wasie Betel ne aso. Ɔhyehyɛle aluolue mane Yisrael maen, na né ɔfo kɔ afɔleɛ bokyea ne aso ɔkɔyera ɛyɛɛ.

1 Ahemvo 18:19

Afei, ma Yisrael amukoraati bɛbɔ dwaa beyia me wɔ Kamɛl bokaa so. Baal ahɔmeɛ ɛyaa nna ne aburannu nemɔ, bɛ ne bosoen Asera ahɔmeɛ ɛyaa nna nemɔ, bɔ Yesebɛl yeɛ ɔma bɛ aleɛ ne, maa bɛbra berɛ bie.”

Nehemia 9:30

Afoɛ pee yeɛ enyane bɛ nwo aboterɛ ɔ, na ɛnate wɔ Sunzum so fale wɔ ngɔmhyɛlɛfoɛ so bɔle bɛ kɔkɔ; nakoso bandie. Yiti ɛfale bɛ wurale aseɛ nemɔ aso ama bɛ sa.

Yesaya 65:7

Ngɔhã ɛmɔ amumuyɛɛ ne ɛmɔ nana mɔ amumuyɛɛ ngɔbɔ nu ngotua so kerɛ, AWURADE noa dwirɛ ɛne. Na ɔnate kyɛ bɛyerale ɛyɛɛ wɔ mmokaa so, bɛgorole me nwo wɔ pambaa nemɔ aso ti, ngosusu bɛ yɔleɛ bɔ bayɔ ne, na ngotua so kerɛ.”

Yeremia 18:15

Nakoso me maen de, ye wora afi me, bɛyera ɛyɛɛ mɔ bɛma mmosoen mbaen mbaen mɔ; bamaa basoti wɔ b’atee mɔ so, bafi atimbire daa nemɔ aso, bafa makyebu atee mɔ so, bɔ nna atimbire ahɔ ɔ.

Yeremia 35:13

“Asafo AWURADE, Yisrael Nyameɛ nwa nyoo: Kɔhã kyire Yudafoɛ ne Yerusalemfoɛ kyɛ, Aso ɛmɔngole foɛtulɛ bɛngɔto nu ná ɛmɔngotie me dwirɛ anaa? AWURADE noa dwirɛ ɛne.

Yeremia 44:5

Nakoso bandie, yeɛ banyɛ asoɛ bamma me kyɛ bɛkɔsakyera b’adwene bekofi bɛ bɔne nwo, ɔne kyɛ bɛngɔyera ɛyɛɛ bɛngɔma nyameɛ foforɛ mɔ ɔ.

Hosea 11:7

Me maen asi bɛ hue kyɛ bɛtwe bɛ nwo befi me nwo, ɔwɔ nu kyɛ bɛfrɛle bɛ kyɛ bɛhã bɛhɔ Anwuro Anwuroniɛ ne anwo, nakoso bɛ nu biala wangamvo ye.

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Hosea 4:13

Bɛbobɔ afɔleɛ wɔ mmokaa ti afia, bɛyera ɛyɛɛ wɔ pambaa mɔ so, yeɛ eluii, tanure ne ɛmee mɔ abo, ofikyɛ bɛ bo te fɔnwoo. Yiti ɛmɔ mma mmrasua mɔ kɔbɔ gyandera, na ɛmɔ aye mɔ kɔsɛkye agyaa.

Hosea 4:17

Efraim afa ye nwo wabɔ mmosoen, yiti po ye bra ma ye.

Sakaria 1:4

Nnɛma ɛmɔyɛ kyɛ ɛmɔ nana mɔ, bɔ ngɔmhyɛlɛfoɛ bɔ belili moa nemɔ bɔle edwirɛ ne dawure behyirele bɛ kyɛ, ‘Asafo AWURADE nwa nyoo: Ɛmɔhwe ɛmɔ nwo befi ɛmɔ bɔne atee ne ɛmɔ bɔne yɔleɛ nwo,’ ne. Nakoso bandie, yeɛ bandɛ me so, AWURADE noa dwirɛ ɛne.

Sakaria 7:11

Nakoso bɛpole kyɛ bekotie ɔ, bɛpemone b’awaen, yeɛ betuatuale bɛ so, kyɛbɔ bɛngɔte ɔ.

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Yohane 3:19

Na ɛhe yeɛ ɔte ndɛenbualɛ ɔ, kyɛ kanea ne awa wiase, nakoso mmenia hurole awosii trale kanea ne; ofikyɛ bɛ yɔleɛ te bɔne.

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Maenbulɛfoɛ 10:6

Yisraelfoɛ sa yɔle bɔ ɔte bɔne wɔ AWURADE nyunu ɔ. Bɛsɔnene Baal ne Astarote mɔ, Siria nyameɛ mɔ, Sidon nyameɛ mɔ, Moabo nyameɛ mɔ, Amonfoɛ nyameɛ mɔ, yeɛ Filistifoɛ nyameɛ mɔ. Yiti bɛyakyili AWURADE si lilɛ, na banzɔne ye.

Maenbulɛfoɛ 2:13

Bɛyakyili AWURADE si lilɛ, na bɛsole Baal ne Astarote.

Maenbulɛfoɛ 3:7

Yisraelfoɛ yɔle bɔ ɔte bɔne wɔ AWURADE nyunu ɔ. Bɛmane bɛ wora fili AWURADE bɛ Nyameɛ, na bɛsɔnene Baal mɔ ne Asera mɔ.