Hosea 11:11 - AHYERƐLƐ KRONGRON

¹¹ Bekofi Misraim bɛkɔwa bɔ bɛ nwo wosowoso bɛ kyɛ anomaa ɔ, ɔne Asiria aseɛ so bɛkɔwa bɔ bɛ nwo wosowoso bɛ kyɛ abubure ɔ, na ngɔfa bɛ ngɔtena b’awuro mɔ nu, AWURADE noa dwirɛ ɛne.

Hosea 11:11 Iomraidhean Croise

Yesaya 11:11

Na ɔkɔwa kyɛ, sɔ kyẽa ne, AWURADE kɔtengyɛ ye sa ye pɛen nyɔ so kole ye mmenia bɔ baha ne kofi Asiria, Misraim, Patrose, Yitiopia, Elam, Sinari, Hamate nu, yeɛ mboanoa supɔ mɔ so.

Yesaya 60:8

Nwa mɔ ole ɛhemɔ bɔ betu kyɛ munungum e, bɔ betu kyɛ mmubure bɔ bɛkwaawura bɛ saen nu e?

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Hesekiel 34:27

Eburo mmakaa bekosu bɛ mma, yeɛ aseɛ kɔhye aleɛ, na bɛ so anu kɔtɔ bɛ wɔ b’aseɛ so. Na mmerɛ bɔ ngobubu bɛ kɔnnua nu, ná ngole bɛ ngofi bɛ bɔ bafa bɛ bayɛ nganga nemɔ bɛ sa nu ne, yeɛ bekonwu kyɛ me ole AWURADE ɔ.

Hesekiel 34:28

Bɛngɔyɛ nikyee bɔ maen maen mɔ bɛfẽ bɛfa ɔ ko, yeɛ aseɛ so ngaka ngɔhye bɛ ko, na mmom bɛkɔtena ase asomdwee nu bɔ ebiala ngonwunanwuna bɛ ɔ.

Hesekiel 37:21

ná se bɛ kyɛ, AWURADE Nyameɛ nwa nyoo: Ɛ́mɔtie, ngɔɔfa Yisraelfoɛ ngofi maen maen mɔ bɔ bahɔ so ne aso, ngɔboa bɛ noa ngofi nekaa biala, na ngɔfa bɛ ngɔwa bɛ bɔbɔ b’aseɛ so.

Hesekiel 37:25

Bɛkɔtena aseɛ bɔ mva mane me somvoɛ Yakob, bɔ ɛmɔ nana mɔ tenane so ne aso; na bɛ ne bɛ mma mɔ ne bɛ nnomaa mɔ bɛkɔtena berɛ daa, na me somvoɛ Dawide koli bɛ so panyi daa.

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Obadia 1:17

Nakoso Sion bokaa so yeɛ bɛ bɔ banya bɛ ti badidi nu ne bɛkɔtena ɔ; berɛ kɔyɛ krongron, na Yakob boso ama bɛ sa kɔhã b’agyapadeɛ.

Sakaria 10:10

Ngosa ngɔye bɛ ngofi Misraim aseɛ so ngɔwa, yeɛ ngɔboaboa bɛ noa ngofi Asiria; na ngɔfa bɛ ngɔwa Gileade ne Lebanon aseɛ so, na berɛ aseɛ po, ɔkɔyɛ kãa kɔma bɛ.

Sakaria 8:7

Asafo AWURADE nwa nyoo: Tie, ngɔpepɛ ngole me maen ngofi eyia afiteleɛ maen ne sa nu, ɔne eyia atɔleɛ maen ne sa nu;

Sakaria 8:8

na ngɔfa bɛ ngɔwa maa bɛkɔɔtena Yerusalem; bɛkɔyɛ me maen, na me koso mayɛ bɛ Nyameɛ, wɔ nahorɛ ne tenenee nu.”