Hosea 11:1 - AHYERƐLƐ KRONGRON

¹ Yisrael te akwadaa nen, né mekuro ye dwirɛ, na Misraim yeɛ mvrɛle mma bienzua ne mvili ɔ.

Hosea 11:1 Iomraidhean Croise

Edwein 129:1

“Ofi me ngwadaa nu, mmerɛ pee yeɛ bafa koɛ baateta me ɔ, afei, Yisrael kã e:

Ɛksadɔso 19:4

Ɛmɔ bɔbɔ ɛmɔanwu bɔ mva nyɔle Misraimfoɛ ɔ, ɔne kyɛbɔ nnodole ɛmɔ wɔ kɔleɛ ndaa so, ná mvale ɛmɔ mmale me berɛ ɔ.

Ɛksadɔso 4:22

Afei ka kyire Faro kyɛ, ‘AWURADE nwa: Yisrael te me bamuɛbaa bienzua.

Ɛksadɔso 4:23

Na mekã mekyire wɔ kyɛ, “Ma mma ne ɔhɔ ɔɔsɔne me.” Na sɛ amma ye ate ma wangɔ a, ngohũ wɔ bamuɛbaa bienzua.’ ”

Yesaya 43:4

Na ɔnate kyɛ wɔ nwo le mvasoɛ wɔ me nyunu, mapagya wɔ dibea, ná mekuro wɔ dwirɛ ne ati, mafa mmenia masesã wɔ, na mafa maen maen mɔ masi wɔ gya nu male wɔ ngoa.

Yeremia 12:7

“M’awuro ne, mapo ye; m’agyapadeɛ ne, mayakyi ye si lilɛ. Me kra ye dɔfo ne, mafa ye mawura ye pɔfoɛ mɔ sa.

Yeremia 2:2

“Kɔ ná kɔbɔ ye dawure kyire Yerusalem kyɛ, AWURADE nwa nyoo: Mekaye wɔ ndaluwa nu anwofama ne, w’atɔmvorɛ mmerɛ nu ehurolɛ ne, mmerɛ bɔ elili me si wɔ ɛserɛ so, wɔ aseɛ bɔ né belluale so hwee ne aso ne.

Hesekiel 16:22

Na w’akyiwadeɛ yɔleɛ ne wɔ gyandera amukoraa nu ne, angaye mmerɛ bɔ né ɛte abaayaa, bɔ né wɔ nwo la so kwaterekwa, bɔ né ɛla wɔ mogya nu ɛbenzebenze wɔ nu ne.

Hesekiel 16:6

“Na mmerɛ bɔ mebaapɛ nu, ná nwuni wɔ kyɛ ɛbenzebenze wɔ nu ɛla berɛ wɔ wɔ mogya nu ne, nzele wɔ wɔ mmerɛ bɔ né ɛla wɔ mogya nu ne kyɛ, ‘Nya ngoa oo!

Hosea 10:15

Ao Betel, sɔ ala yeɛ bɛkɔfa bekoli ɛmɔ ɔ, ɔnate ɛmɔ bɔne kandinga ne ati. Ngyerɛmɔ tutuutu yeɛ bɛkɔpɛ Yisrael hene asue koraa ɔ.

Hosea 12:13

Na AWURADE nate ngɔmhyɛlɛniɛ so yele Yisrael fili Misraim, na ɔnate ngɔmhyɛlɛniɛ so ɔbɔle ye nwo waen.

Hosea 12:9

Ofi Misraim aseɛ so, me ole AWURADE wɔ Nyameɛ. Ngɔmaa ekosa kɔtena ɛtena sua mɔ nu, kyɛ aluolue ngyẽa bɔ mahyehyɛ mato berɛ ne ala.

Hosea 13:4

Nakoso ofi Misraim aseɛ so, me ole AWURADE wɔ Nyameɛ; onni kyɛ ɛso nyameɛ biala, sana me, na defoɛ biala nne berɛ, sana me.

Hosea 2:15

Ngɔfa ye bobe boo mɔ ngɔma ye wɔ berɛ, na ngɔma Akɔre bɔnza ne kɔyɛ anyelasoɛ anoa’. Berɛ yeɛ ɔkɔma mmuayɛɛ kyɛ ye ndaluwa nu ɔ, kyɛ mmerɛ bɔ ofi Misraim aseɛ so wale ne.

Malaki 1:2

AWURADE nwa nyoo, “Mahuro ɛmɔ dwirɛ.” Nakoso ɛmɔbisa kyɛ, “Atee beni aso yeɛ ahuro yɛ dwirɛ ɔ?” Yisɔ, aso nna Yakob aliɛma ɔ?” AWURADE noa dwirɛ ɛne. “Nakoso ngurole Yakob dwirɛ,

Mateo 2:15

Ɔtenane dɔ maa oodwuli kyɛ ɛhene Herode wuli ɔ. Na ɛhe mane bɔ Awurade nate ngɔmhyɛlɛniɛ ne so hane ne wale nu kyɛ, “Mafrɛ mma bienzua mafi Misraim.”

Deuteronomi 33:3

Yoo, ohurole ye mmenia dwirɛ, ye anwoteefoɛ amukoraati bewura ye sa; bebutubutu wɔ wɔ gya bo, na bedi wɔ dwirɛ so.

Deuteronomi 7:7

Nna kyɛ ɛmɔsone bɛtra maen biala nu mmenia ti yeɛ ɔmaa AWURADE fale ɛmɔ batale ye nwo ná ɔneaneane nu yele ɛmɔ ɔ, ofikyɛ ɛmɔ yeɛ ɛmɔ te kãa paa wɔ maen maen mukoraati nu ɔ.