Hosea 10:8 - AHYERƐLƐ KRONGRON

⁸ Yisrael bɔne, bɔ ye ole Awen asɔneyɛɛ nemɔ ne, bɛkɔsɛkye bɛ. Mmowue ne ɛfone kofifi b’afɔleɛ mmokyea nemɔ aso; na bekose mmokaa nemɔ kyɛ, “Ɛ́mɔkata yɛ so”, ná base pambaa nemɔ kyɛ, “Ɛ́mɔdwiri begua yɛ so.”

Hosea 10:8 Iomraidhean Croise

Gyenesise 3:8

Na aleɛ dwole ne, bɛtele AWURADE Nyameɛ gya boso kyɛ ɔnatenate turo ne anu, yiti biaa ne ne ɔye ne bɛɛfeale AWURADE Nyameɛ wɔ turo nu berɛ mmakaa ne anu.

1 Ahemvo 13:2

Nyameɛ sona ne teane nu fale AWURADE dwirɛ dwudwo tiale Betel afɔleɛ bokyea ne kyɛ, “Afɔleɛ bokyea, afɔleɛ bokyea, AWURADE nwa nyoo, ‘Bɛkɔwo baa bienzua bie wɔ Dawide awuro ama nu bɔ bɛfrɛ ye Yosia ɔ. Na asɔneyɛɛ so asɔfo mɔ bɔ bɛfa ɛyɛɛ bɛbɔ afɔleɛ wɔ wɔ so ne, wɔ so yeɛ Yosia kɔfa bɛ kɔbɔ afɔleɛ ɔ. Na ɔkɔyera kuro sona mmowue wɔ wɔ so.’ ”

1 Ahemvo 13:34

Sɔ nikyee bɔ Yeroboam yɔle ne, ɔɔyɛle bɔne tɔle ye abusuafoɛ so, maa ɔnate so bɛ boso nuane fili aseɛ ye aso.

1 Ahemvo 14:16

Ɔnate Yeroboam bɔne bɔ wayɔ bɔ wahwe Yisrael maen maa bayɔ bie ne ati, AWURADE kɔye ye sa kofi Yisrael bo.”

2 Ahemvo 23:15

Afei koso, asɔneyɛɛ bɔ ɔwɔ Betel, bɔ Nebate awa Yeroboam sili bɔ ɔnate so ɔfa hwehwene Yisrael hɔle bɔne nu ne, Yosia bubuli sɔ asɔneyɛɛ ne ɔne ye afɔleɛ bokyea ne guale. Ɔyerale asɔneyɛɛ ne, na otini ye muhumuhu. Yeɛ ɔyerale Asera dosii ne koso.

2 Aberɛso Dwirɛ 31:1

Afei belili aluolue ne beyiele ne, Yisraelfoɛ bɔ né bayia berɛ ne amukoraa, bɛhɔle Yuda nguro nemɔ aso beebubuli mmosoen bonima nemɔ beguale, bɛpepɛle Asera dosii nemɔ beguale, na bɛsɛkyele asɔneyɛɛ nemɔ ne afɔleɛ bokyea nemɔ wɔ Yuda ne Benyamin ne Efraim ne Manase amukoraa, kɔpem kyɛ bɛsɛkyele bɛ mukoraa ɔ. Afei Yisraelfoɛ amukoraa besa bɛhɔle bɛ nguro nemɔ aso, na bɛ nu biala hɔle ye aseɛ so.

Yesaya 2:19

Na sɛ AWURADE dwɔso woso aseɛ serɛserɛ a, ɔnate AWURADE nwo suronyi, ɔne ye animnyam totohyia ne ati, mmenia koowurawura nyɔbotaen ndokuro nu, ɔne aseɛnwo ngumaa nu.

Yesaya 2:21

Na sɛ AWURADE dwɔso woso aseɛ serɛserɛ a, bekoowurawura nyɔbotaen ndokuro nu, ɔne mmokaa so bɔen mɔ nu, ɔnate AWURADE nwo suronyi, ɔne ye animnyam totohyia ne ati.

Yesaya 32:13

agurɛ ne mmowue bɔ befifi me maen aseɛ ne aso, yoo, anigye awuro amukoraa bɔ ɔwɔ anigye kuro ne anu ne.

Yesaya 34:13

Mmowue kofifi ye ahemvie nemɔ anu, yeɛ ndetema ne ɛfone kofifi ye abandenden nemɔ anu. Ɛserɛ so ngyea kole aseɛ ne kɔfa, na ɔkɔkakyi soholi mɔ b’atenaleɛ.

Hosea 10:2

B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 10:9

Ao Yisrael, ayɔ bɔne fi Gibea mmerɛ ne; berɛ yeɛ bɛtoale bɔne ne aso ɔ. Aso koɛ ammu amva amumuyɛɛfoɛ nemɔ aso wɔ Gibea?

Hosea 2:6

Yiti, tie, ngɔfa mmowue ngotua w’atee. Ngɔto waen ngɔfa ye nwo, amaa ɔnate so wannwu ye atee nemɔ.

Hosea 4:13

Bɛbobɔ afɔleɛ wɔ mmokaa ti afia, bɛyera ɛyɛɛ wɔ pambaa mɔ so, yeɛ eluii, tanure ne ɛmee mɔ abo, ofikyɛ bɛ bo te fɔnwoo. Yiti ɛmɔ mma mmrasua mɔ kɔbɔ gyandera, na ɛmɔ aye mɔ kɔsɛkye agyaa.

Hosea 4:15

Wɔ, Yisrael, ɔwɔ nu kyɛ ɛbɔ gyandera de, nakoso Yuda de, onni kyɛ ɔyɔ sɔ bie. Nnɛma ɛmɔba Gilgal, nnɛma ɛmɔkɔ Bete Awen, yeɛ nnɛma ɛmɔta ndaen kyɛ, “Kyɛ AWURADE te ase ye.”

Hosea 5:8

Ɛ́mɔhu awɛen wɔ Gibea, yeɛ ɛ́mɔhu totorobɛndo wɔ Rama. Ɛ́mɔbɔ dawure wɔ Bete Awen, yɛli wɔ si, ao Benyamin.

Hosea 8:5

Ao Samaria, wapo wɔ nandwie ba ne, m’ahone ahu bɛ so; ɔkwaadwu kyinzu yeɛ bɛngɔbɔ anwotelɛ bra ɔ?

Hosea 9:6

Ofikyɛ, tie, ɔnate ehuhunɛ ne ati, mmenia nemɔ banwati bahɔ. Misraim kɔboa bɛ noa, na Memfise kosie bɛ. Ndetema kofifi nekaa bɔ bɛ dwetɛ nningyein paa gua ne, na agurɛ kofifi bɛ tena sua nemɔ anu.

Amose 1:5

Ngobubu buralɛ bɔ ɔbrambram Damasko pambim nemɔ asi ne, na bɛ bɔ bɛte Awen bɔnza ne anu ne, ngɔpɛ bɛ asue ngofi berɛ. Bɔ otira hɔtɔ ne, ngotu ye ngofi Bete Eden, na bɛkɔhye Siriafoɛ nnure bɛkɔhɔ Kire,” AWURADE noa dwirɛ ɛne.

Amose 3:14

“Kyẽa bɔ ngɔhwe Yisrael so wɔ ye mmeraatolɛ nwo ne, ngɔhwe Betel afɔleɛ mmokyea nemɔ koso bɛ so, na bɛkɔpepɛ afɔleɛ mmokyea mmɛen nemɔ maa bekogua ase.

Amose 7:9

Yisake asɔneyɛɛ nemɔ kɔkakyi kurofoen, Yisrael nekaa krongron nemɔ kɔkakyi aseɛ pralaa, na ngɔfa ngrandɛ ngɔho ngotia Yeroboam awuro ama.”

Amose 8:14

Bɛ bɔ bɛfa Samaria mmosoen bɛteta ndaen bɛkã kyɛ, ‘Ao Dan, kyɛ wɔ nyameɛ te ase ye e’, yeɛ ‘Kyɛ Beɛ Seba atee te ase ye’ ne, bekofifi ase bɔ bengodwɔso ko ɔ.”

Mika 1:13

Lakisefoɛ, ɛ́mɔfa teaseɛnam bɛsosɔ kaka anwonyeralɛ ne: ye yeɛ ɔte bɔne bohyɛlɛ ma Sion awa brasua ne ɔ, ofikyɛ wɔ nu yeɛ benwuni Yisrael mmeraatolɛ ɔ.

Mika 1:5

Ɛhe amukoraa ɔnate Yakob mmeraatolɛ ti ɔ, yeɛ Yisrael awuro ama bɛ bɔne ti ɔ. Yakob mmeraatolɛ ole beni? Aso nna Samaria ɔ? Yeɛ Yuda asɔneyɛɛ mɔ ole beni? Aso nna bɛ ole Yerusalem?

Nahum 3:11

Wɔ koso, ɛkɔno nzaa kɔbo, na ɛkɔɔfea, na ɔnate pɔfoɛ ne ati ɛkɔpena afealeɛ.

Luka 23:30

Yeɛ bɛkɔhyɛ ye bo bɛkɔhã bekohyire mmokaa kyɛ, ‘Ɛ́mɔdwiri bégua yɛ so!’ ɔne pambaa mɔ kyɛ, ‘Ɛ́mɔfa yɛ bɛ́fea!’

Deuteronomi 9:21

Afei mvale nandwie ba ne, bɔ ɔte ɛmɔ bɔne bɔ ɛmɔyɔle ne. Mvale see nyerale ye, mmubuli nu, na ndini ye muhumuhu kyɛ mvuture, na ngyili ye mvuture ne nguale asue ba bɔ ɔtengyɛ fi bokaa ne aso ɔba ne anu.

Nyekyire 6:16

Na besele mmokaa ne nyɔbotaen nemɔ kyɛ, “Ɛ́mɔdwiri begua yɛ so, ná ɛ́mɔfa yɛ bɛfea béfi bɔ ɔte ahennie bia ne aso ne nyunu, ɔne Boaen Ba n’ahonehulɛ nu;

Nyekyire 9:6

Na sɔ mmerɛ ne, mmenia kɔpena ewue si atee, nakoso bengonwu ye; bekohuro kyɛ bekowu ɔ, nakoso ewue kɔnwati bɛ.