Hosea 10:6 - AHYERƐLƐ KRONGRON

⁶ Bɛkɔsoa bɛkɔhɔ Asiria bɛkɔɔyɛ akyɛdeɛ bɛkɔma Nana Yarebo; Efraim nyunu kogua ase, na Yisrael kɔfɛre ye bɔbɔ ye agyirɛ bɔ watu ɔ nwo.

Hosea 10:6 Iomraidhean Croise

2 Ahemvo 17:3

Asiria hene Salmanese lili Hosea so ngonim wɔ koɛ nu. Yiti Hosea ɔɔyɛle ye akoaa, na né otua toɔ ma ye.

YOB NWOMAA NE 18:7

Ye natelɛ nu anwoserɛ noa kɔbrɛ ase, na ye bɔbɔ ye porɛ bɔ ɔbɔ ɔ yeɛ ofi ye ase ɔ.

Yesaya 1:29

Na eluii mɔ bɔ ɛmɔsɔne bɛ, bɔ ɛmɔ nye gye ye nwo ne, sɔ nikyee ne kɔyɛ ɛmɔ nya; yeɛ ɔkɔyɛ ɛmɔ fɛre kyɛ ɛmɔaye turo mɔ basie berɛ bɛsɔne (ɛmɔ nyameɛ mɔ wɔ nu) ɔ.

Yesaya 30:3

Nakoso Faro berɛ waenbɔlɛ ne, ɔkɔkakyi ɛmɔ animguaseɛ, yeɛ Misraim fɔnwoo nu wuralɛ ne, ɔkɔkakyi ɛmɔ nyanzoen.

Yesaya 45:16

Bɛ mukoraa bɛkɔfɛre, na bɛ nyunu kogua ase, Bɛ bɔ bɛyɔ amoen ne, animguaseɛ kɔto bɛ kɔbɔ nu.

Yeremia 48:13

Afei Kemose nwo kɔyɛ Moabo nya, kyɛbɔ Betel bɔ ɔte Yisrael awuro ama mɔ b’anyelasoɛ ne, ye nwo yɛle Yisrael awuro ama mɔ nya ne.

Yeremia 7:24

Nakoso bandie me dwirɛ, yeɛ banyɛ asoɛ bamma me. Na mmom, belili bɛ bɔbɔ bɛ ti piri bɛyɔle bɔne bɔ bekuro ɔ. Bɛkakyili bɛ si bɛmane me bɔ bannea me nyunu ɔ.

Hesekiel 16:28

Asiriafoɛ koso, ɛfale wɔ nwo mane bɛ wɔ wɔ gyanderabɔlɛ ne anu, ofikyɛ gyandera bɔ ɛbɔle ne, wanzo wɔ. Amba, ɛfale wɔ nwo mane bɛ wɔ wɔ gyanderabɔlɛ nu, nakoso wanzo wɔ.

Hesekiel 36:31

Na afei ɛmɔkɔkaye ɛmɔ bɔne yɔleɛ ne ɛmɔ yɔleɛ bɔ ɔtte mayee ne. Na ɔnate ɛmɔ amumuyɛɛ ne ɛmɔ akyiwadeɛ bra ne ati, ɛmɔ nwo kɔyɛ ɛmɔ tɛ.

Daniel 11:8

Okosa kɔsesa bɛ mmosoen, b’amoen mɔ bɔ bahuro nikyee bafa bayɔ ɔ, b’ɛdwetɛ ne sikaa kɔkorɛ mbembenanneɛ kɔhɔ Misraim. Na afei afoɛ pee kɔpɛ nu bɔ ɔngɔfa koɛ ngɔtoa sorɔ dɔ hene ne ɔ.

Hosea 4:19

Mvrama bie amoa ye awura ye ndaa nu, na ɔnate bɛ bosoen sɔnenɛ afɔleɛ nemɔ ati, bɛ nyunu kogua ase.

Hosea 4:7

Kyɛbɔ bɛhɔle so bɛsonene ne, sɔ alaa yeɛ bɛhɔle so bɛyɔle bɔne betiale me ɔ; yiti b’animnyam ne, ngɔkakyi ye animguaseɛ.

Hosea 5:13

Mmerɛ bɔ Efraim nwuni ye anwonyerɛ, ná Yuda nwuni ye kena ne yeɛ Efraim hɔle Asiria ɔ, na ɔsomane maa bɛhɔle Nana Yarebo berɛ. Nakoso wangora wanza ɛmɔ anwonyerɛ, yeɛ wangora wamma ɛmɔ kena ne wangɔ.

Hosea 8:6

Ofikyɛ ye koso ofi Yisrael: dwumvoɛ yeɛ ɔyɔle ɔ, yiti nna Nyameɛ ɔ. Samaria nandwie ba ne, bekobubu ye nu pasapasa.

Mika 6:16

Ofikyɛ edi Omri ahyɛdeɛ so, ɔne Ahabo boso ama yɔleɛ amukoraa so, yeɛ ɛmɔdi bɛ foɛtulɛ so. Ɔnate so ngɔmaa ɛkɔyɛ pasapasa, na ngɔma wɔ nu ama bɛkɔkakyi ngorohoɛ nikye. Yiti ɛmɔkɔsoa me maen animguaseɛ.