Hosea 10:4 - AHYERƐLƐ KRONGRON

⁴ Bɛkekã edwirɛ mbaen mbaen; bɛta ndaen mbaen mbaen bɛfa bɛyeyɛ apam; yiti ndɛenbualɛ fifi wɔ bɛ nu kyɛ anafranaku, bɔ ofifi kofie so wɔ fieso ɔ.

Hosea 10:4 Iomraidhean Croise

Yesaya 5:7

Hmmm, Asafo AWURADE bobe boo ne, ye ole Yisrael awuro ama, yeɛ Yudafoɛ wora bɛte ye boo bɔ ɔyɛ ye nyemene ɔ. Ahaa né ɔpena kyɛ onwu ndɛenbualɛ turoloo, nakoso onwu aminɛlilɛ, ahaa né ɔpena kyɛ onwu tenenee, nakoso awuyebɔlɛ yeɛ ɔte ɔ!

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Hosea 6:7

Na mmom babu apam ne aso kyɛ Adam ala, berɛ yeɛ banni nahorɛ bamma me ɔ.

Amose 5:7

Ah, ɛmɔ bɔ ɛmɔkakyi ndɛenbualɛ turoloo maa ɔyɛ kyɛ abɔwee, ná ɛmɔgyi tenenee bɛto ase ɔ!

Amose 6:12

Aso mbɔngɔ betu amirika wɔ nyɔbotaen so anaa? Aso bɛfa nandwie befundam berɛ anaa? Nakoso ɛmɔama ndɛenbualɛ akakyi ɛborɔ, yeɛ tenenee mma bakakyi anafranaku.

Asomafoɛ 8:23

Ofikyɛ manwu kyɛ wɔ nye boro nikyee paa, na ɛte bɔne akoaa.”

Romanfoɛ 1:31

ngwaseasɛm; belle gyidie, atianuserɛ, bɛnze anwumvoin.

Deuteronomi 29:18

Ɛ́mɔnea yé ná ɛmɔ nu biala, bienzua oo, brasua oo, abusua oo, anaa abusua kure oo, wandwe ye nwo ɛnɛ kyẽa ye wamvi AWURADE yɛ Nyameɛ nwo, kyɛ ɔkwaaso sɔ maen maen nemɔ bɛ mmosoen nemɔ. Nnɛma ɛmɔ nu bie yɛ ye nwo bakaa weewee bɔ ye noa le ɛborɔ ɔ.

Deuteronomi 31:16

Na AWURADE sele Mose kyɛ, “Ɔngɔhyɛ biala, ɛkɔtoa wɔ mbanyi mɔ. Nakoso mmenia hemɔ de, Amaenmaensofoɛ nyameɛ mɔ bɔ bɛwɔ aseɛ bɔ bɛ́kɔ so ne aso ne, bɛkɔbɔ adwaman bekooli bɛ si. Bɛkɔpo me, yeɛ bekobu m’apam bɔ me ne bɛ yɛyɛle ne aso.

Deuteronomi 31:17

M’ahone kohu bɛ so sɔ kyẽa ne, ngɔpo bɛ, ngɔye me nye ngofi bɛ so, bɛ pɔfoɛ mɔ kohũhũ bɛ, na musue ne amaneɛ pee kɔtoto bɛ. Na sɔ kyẽa ne yeɛ bɛkɔhã kyɛ, ‘Aso nna yɛ Nyameɛ bɔ ɔnne yɛ nu wa bie ye ati yeɛ amaneɛ hemɔ atoto yɛ ye?’

2 Timoteo 3:3

bengonya sona nwo dɔ, amvamvirifoɛ, ɛsoentolɛfoɛ, bɛ bɔ bɛnhyɛ b’akɔnnɔ so ɔ, bɛ bɔ bɛ ti anu te awosii, bɛ bɔ bɛpo nikye paa biala,

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;