Hosea 10:2 - AHYERƐLƐ KRONGRON

² B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Hosea 10:2 Iomraidhean Croise

1 Ahemvo 18:21

Yeɛ Elia wale mmenia ne amukoraa nwo berɛ, na obisale kyɛ, “Ɛmɔ adwene kɔyɛ ndaa ndaa maa okoodwu kyinzu? Sɛ AWURADE yeɛ ɔte Nyameɛ a, ye de ɛmɔso ye. Nakoso sɛ Baal ahɔ de a, ye de ye yeɛ ɛmɔso ye ɔ.” Na maen ne amma ye mmuayɛɛ.

Ɛksadɔso 23:24

Nnɛbɔ wɔ ti ase ma bɛ mmosoen nemɔ, nnɛsɔne bɛ, yeɛ nnɛyɔ bɛ yɔleɛ ne bie. Na mmom sɛkyesɛkye bɛ bosoen nemɔ bɔkɔɔ, ná bubu bɛ bonima nemɔ nu gɔsɔgɔsɔ.

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Yesaya 44:18

Mmenia sɔ ne, nimdeɛ abɔ bɛ, yeɛ b’adwene te nganga; ofikyɛ wama bɛ nye ne wamata, bɔ bennwu nikye ɔ; yeɛ wato b’adwene nu, bɔ bɛngora bennya ndeaseɛ ɔ.

Yeremia 43:13

Okobubu Bete Semese amoen nemɔ bɔ bɛwɔ Misraim aseɛ so ne, na ɔkɔfa see kɔyera Misraim nyameɛ nemɔ.’ ”

Hesekiel 14:5

Na ɔba ye sɔ a, Yisrael awuro ama amukoraa bɔ ɔnate bɛ mmosoen ti bayakyi me si lilɛ ne, ngɔma b’adwene kɔwa me so.

Hosea 12:11

Aso amumuyɛɛ wɔ Gileade? Amba, bɛte mbaen. Bɛfa nandwie nyii mɔ bɛbobɔ afɔleɛ wɔ Gilgal, amba, b’afɔleɛ mmokyea nemɔ, bɛte kyɛ nyɔboɛ kure bɔ ɔwɔ eburo ngofie mɔ b’afia ɔ.

Hosea 13:16

Samaria kɔsoa ye foɛlilɛ, ofikyɛ wayɛ ye Nyameɛ nwo lɔen. Bɛkɔtotɔ ngrandɛ noa, bɛkɔtete bɛ mma nnɔma mɔ ti bɛkɔbobɔ berɛ, na bɛkɔpakyepakye bɛ pemvoɛ mɔ kunu.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Hosea 7:8

Efraim afa ye nwo wabɔ maen maen mɔ; Efraim te apiti bɔ bangakyi ɔ.

Lewitikɔso 26:30

Ngɔsɛkye ɛmɔ asɔneyɛɛ so nemɔ ná mabubu ɛmɔ ɛyɛɛ afɔleɛ bokyea nemɔ magua. Ngɔboaboa ɛmɔ fuin noa ngogua ɛmɔ mmosoen wuruwaa nemɔ aso. Na ngɔpɔ ɛmɔ.

Mika 5:13

Ngɔsɛkye w’amoen mɔ pasaa, yeɛ ngɔsɛkye w’amoen bɔ agyinagyina nemɔ koso ngofi wɔ nu, na ɛngɔsɔne wɔ sa noa adwuma ko.

Sefania 1:5

yeɛ bɛ bɔ bɛsɔne anwuro abɔdeɛ mɔ wɔ sua ti afia; yeɛ bɛ bɔ bɛsɔne AWURADE bɛfa ye bɛta ndaen, nakoso bɛfa bosoen Milkom bɛta ndaen ɔ;

Sakaria 13:2

“Sɔ kyẽa ne, ngonunu mmosoen dumaa boso ngofi aseɛ ne aso, bɔ ɔnate so bɛngɔkaye bɛ ko ɔ; yeɛ ngotu ngɔmhyɛlɛfoɛ ne sunzum tɛɛ bo ngofi aseɛ ne aso, Asafo AWURADE noa dwirɛ ɛne.

Mateo 6:24

“Sona biala ngora nzo meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ; anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.

Luka 16:13

“Akoaa biala ngɔhora ngɔso meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ, anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.”

Yakobo 1:8

ofikyɛ sona bɔ ye adwene yɛ ye ndaa ndaa ne, ɔngora nzi ye adwene pi wɔ nikyee biala bɔ ɔyɔ nu.

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

1 Yohane 2:15

Nnɛma ɛmɔkuro ewiase anaa nu nningyein dwirɛ. Na sɛ ebie kuro ewiase dwirɛ a, né Baba ne dɔ nne ye nu.

1 Samuel 5:4

Nakoso ye alehyeleɛ nu bieku, ngyerɛmɔ tutututu bɔ bedwɔsole ne, né Dagɔn amunu afi, bɔ ye nyunu butu ase wɔ AWURADE alaka ne nyunu ɔ. Né ebie abu Dagɔn ti ne ye sa nyɔ nemɔ wafi so bɔ bɛlela simbini ne aso ɔ. Né waha ye kundunzii ne angome.