Hosea 10:12 - AHYERƐLƐ KRONGRON

¹² Ɛmɔlua tenenee bɛ́ma ɛmɔ nwo, ɛ́mɔbu ye wɔ anwumvoinnwunɛ nu, ɛ́mɔso ɛmɔ hɔayeɛ too ne. Ofikyɛ mmerɛ aso kyɛ ɛmɔpena AWURADE si atee ɔ, kɔpem kyɛ ɔkɔwa kɔɔtɔ tenenee nzue kogua ɛmɔ so ɔ.

Hosea 10:12 Iomraidhean Croise

Edwein 105:4

Ɛ́mɔpena AWURADE ne ye tumi. Ɛ́mɔpena ye si atee daa biala.

Edwein 72:6

Ɛhene ne, maa ɔyɛ kyɛ esue bɔ ɔtɔ gua ɛserɛ bɔ bapɛ so ɔ so, kyɛ nyenyenzue bɔ ɔdoadoa aseɛ so ɔ.

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Anyandera 18:21

Sona noa dwirɛ maa onya ewue anaa ngoa, na bɔ okuro edwudwolɛ ne, onya ye nwo amaneɛ.

Nworɛ Dwirɛhanɛniɛ 11:6

Dua wɔ fieso nningyein ngyerɛmɔ, yeɛ nnɛte wɔ sa fi ye lualɛ nwo nɔsoa, ofikyɛ ɛnze bɛ nu horɛ bɔ ɔkɔyɛ paa ɔ; kyɛ ɛhe anaa ɛhene, anaakyɛ bɛ munyɔ bɛkɔyɛ paa ɔ.

Yesaya 30:23

Na afei ɔkɔtɔ esue kogua nningyein bɔ edua ye wɔ aseɛ so ɔ so, ɔne aseɛ ne aso aleɛ bɔ ɔkɔwa ɔ so, na bɛkɔyɛ mbiri mbiri ne pee. Sɔ mmerɛ ne, wɔ nyɛmmoa kodidi wɔ aseɛ pirikua bɔ ngaka aleɛ wɔ so ɔ so.

Yesaya 31:1

Bɛ yaakɔ, bɛ bɔ bɛkɔ Misraim bɛkɔpena mmokalɛ, bɔ bɛfa bɛ nye bɛto mbɔngɔ so, bɔ ɔnate teaseɛnam mɔ bɛ somaa ti bɛfa bɛ wora bewura bɛ nu, bɔ ɔnate pɔngɔhanɛfoɛ mɔ b’anwoserɛ ti bɛfa bɛ wora bewura bɛ nu, nakoso bɛmva bɛ nwo bɛndo Yisrael Krongronniɛ ne so ɔ, anaakyɛ bɛmbena AWURADE si atee ɔ.

Yesaya 32:20

ɛmɔ bɔ ɛmɔdua nningyein wɔ nzue mukoraa nwo ne, ɛmɔkonya saleɛ, ɛmɔ bɔ ɛmɔyakyi nandwie ne afunum mɔ maa bɛ bɔbɔ bɛkɔ adidie ne.

Yesaya 44:3

Ofikyɛ ngohwie nzue ngogua aseɛ bɔ nzuhɔen ku ye ne aso, yeɛ ngɔma asue mmaa mmaa kɔwa aseɛ wosee ne aso; ngohwie me Sunzum ngogua wɔ boso ama so, ná mahwie me saleɛ magua wɔ mma so.

Yesaya 45:8

“O anwuro, tɔ gua ase, ma munungum ɔtɔ tenenee gua ase, ma aseɛ nu odwa, ná ngoalelɛ fi nu bra, ma tenenee fifi bra; me AWURADE, me yeɛ mmɔle ye ɔ.

Yesaya 48:18

O, sɛ ahaa ɛyɛle asoɛ tiele me mmeraa dwirɛ a! Ahaa w’asomdwee kɔyɛ kyɛ asue, ahaa wɔ tenenee kɔyɛ kyɛ ɛpo asorɔkye;

Yesaya 5:6

Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.

Yesaya 54:14

Wɔ bo kotindim wɔ tenenee nu, ɛne nhyɛsoɛ b’afia atee kɔwale, ofikyɛ engosuro, yeɛ ɛne ahunundetelɛ b’afia atee kɔwale, ofikyɛ ongopingye wɔ.

Yesaya 55:6

“Ɛ́mɔpena AWURADE si atee, mmerɛ bɔ ɛmɔpena ye a ɛmɔkonwu ye ɔ, ɛ́mɔfa ɛmɔ dwirɛ bɛ́to ye nyunu, mmerɛ bɔ opingye ɛmɔ ɔ.

Yeremia 50:4

“Sɔ ngyẽa nemɔ anu, sɔ mmerɛ ne, Yisraelfoɛ ne Yudafoɛ bele esuɛ bɛkɔbɔ nu bɛkɔwa, na bɛkɔwa bɛkɔɔpena AWURADE bɛ Nyameɛ si atee, AWURADE noa dwirɛ ɛne.

Hesekiel 34:26

Bɛ ne aseɛ bɔ bapɛ me bokaa ne anwo bayia ne, ngɔmaa bɛkɔyɛ saleɛ, na ngɔma esue kɔtɔ wɔ ye mmerɛ nu; ɔkɔyɛ saleɛ esue.

Hosea 12:6

“Yiti sa kɔ wɔ Nyameɛ berɛ, sɔ ɔdɔ ne pɛpɛɛpɛyɛlɛ nu yé, ná fa wɔ wora wura Nyameɛ nu daa.”

Hosea 14:1

Ao Yisrael, sa bra AWURADE wɔ Nyameɛ berɛ, ofikyɛ w’amumuyɛɛ amaa afi ase.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Hosea 8:7

Ofikyɛ bedua mvrama, na mvrama bɔ ɔpɛ ye nwo ɔ yeɛ bɛkɔpɛ ɔ. Aburoo ne wambɛnzɛ, na ɔngɔfa mmaa. Sɛ ɔfa mmaa po a, ɛwɔfoɛ mɔ yeɛ bekoli ɔ.

Amose 5:15

Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Amose 5:4

Ofikyɛ bɔ AWURADE kã kyire Yisrael awuro ama ɛhe, “Ɛ́mɔpena me si ate, na ɛmɔkonya ngoa.

Amose 5:6

“Ɛ́mɔpena AWURADE si ate, na ɛmɔkonya ngoa; wamma ye sɔ a, ɔkɔwa Yosef awuro ama so kyɛ see, na ɔkɔyera ye, bɔ ebiala nne Betel bɔ okonua ye ɔ.

Amose 5:8

Ye bɔ ɔbɔle nzramaa kure ne Akɔtaen-ne-ye-mma, ye bɔ ɔkakyi awosii tunn maa ɔyɛ ngyerɛmɔ, ná ɔma eyia yɛ tunn kyɛ kɔngɔen, ye bɔ ɔfrɛfrɛ ɛpo nu nzue, ná ohwie gua aseɛ nyunu ne, ye dumaa ole AWURADE.

Luka 13:24

“Ɛ́mɔpere béwura anoa bɔtɔfee ne anu! Na mekã mekyire ɛmɔ kyɛ, mmenia pee bɛkɔpena kyɛ bekowura nu ɔ, na bɛngɔhora.

Asomafoɛ 2:18

amba, me ngoaa ne m’afaneɛ mɔ so yeɛ sɔ ngyẽa nemɔ anu ngohwie me Sunzum ngogua ɔ, na bɛkɔhyɛ ngɔm.

2 Korintofoɛ 9:10

Na Nyameɛ bɔ ɔma kuaniɛ bakaammaa maa odua ná ɔma ye aleɛ maa odi ne, ɔkɔma ɛmɔ mmakaammaa mmorosoɛ ná wama ɛmɔ adɔeɛ ne asu mmaa pee.

Yakobo 3:18

Na bɛ bɔ bɛpena asomdwee si atee, bɔ bedua ye asomdwee nu ne, bɛte tenenee mmaa.