Hosea 10:10 - AHYERƐLƐ KRONGRON

¹⁰ Mepena kyɛ metwe bɛ so, na maen maen mɔ bɛkɔboa bɛ noa, bekodwɔso bekotia bɛ, ɔnate b’amumuyɛɛ mmɔhoɛ ne ati.

Hosea 10:10 Iomraidhean Croise

1 Ahemvo 12:28

Yiti Nana Yeroboam fale adwene, na ɔfale esikaa kɔkorɛ yɔle nandwie mmaa nyɔ. Osele maen ne kyɛ, “Ɛmɔahɔ Yerusalem bie a, ɔte paa. Yisrael ee, ɛmɔ nyameɛ mɔ bɔ bɛyele ɛmɔ befili Misraim aseɛ so bɛwale ne, bɛ ɛhe.”

YOB NWOMAA NE 39:10

Ɛkɔhora kɔfa nyamaa kɔsosɔ ye maa okofundam aseɛnwo, anaa okofundam bɔnza nu koli wɔ si?

Yesaya 1:24

Yiti AWURADE, Asafo AWURADE, Yisrael Tuminiɛ ne, ɔnwa nyoo: Aa, bɛ bɔ bekyi me ne, ngɔfɛ bɛ so yaa piri paa, yeɛ ngɔtɔ me pɔfoɛ mɔ bɛ so wereɛ!

Yeremia 15:6

Apo me, AWURADE noa dwirɛ ɛne. Asa wɔ si, yiti matengyɛ me sa wɔ wɔ so, na masɛkye wɔ’; manwu wɔ anwumvoin mafɛ.

Yeremia 16:16

“Tie, ngɔsoma maa bɛkɔɔfrɛ mmenia pee bɔ bɛkye nzue nu naen ɔ bɛkɔwa, AWURADE noa dwirɛ ɛne, na bɛkɔɔhye bɛ. Na afei ngɔsoma maa bɛkɔɔfrɛ bɔfoɛ mɔ pee bɛkɔwa, na bɛkɔhyehye mmenia ne wɔ bokaa biala so ne pambaa biala so ne nyɔbotaen nu ndokuro ngumaa nu.

Yeremia 21:4

‘Bɔ AWURADE Yisrael Nyameɛ kã ɛhe: Tie, akodeɛ bɔ otira ɛmɔ, bɔ ɛmɔfa bɛko betia Babilɔn hene ne Kaldeafoɛ bɔ batua ɛmɔ kuro wɔ fasue nemɔ asi ne, ngɔkakyi ngɔwa ɛmɔ so, na ngɔboa bɛ noa wɔ kuro he afia.

Hesekiel 16:37

yiti tie, bɛ bɔ ekuro bɛ bɔ wɔ nye gye bɛ nwo ne, mebaaboaboa bɛ mukoraa bɛ noa, bɛ bɔ ekuro bɛ dwirɛ ɔne bɛ bɔ ekyi bɛ amukoraa. Ngɔboaboa bɛ noa ngofi nekaa biala maa bekodwɔso bekotia wɔ, na ngɔpa wɔ nwo ngohyire bɛ maa bekonwu wɔ nwo amukoraa.

Hesekiel 16:42

Na m’ahone bɔ wahu wɔ so paa ne, sɔ yeɛ ɔkɔmaa ɔkɔtɔ nzue nu ɔ. Ngɔyakyi wɔ nwo nungunɛhwenɛ ne, na me kunu kodwo bɔ mengɔfɛ yaa ko ɔ.

Hesekiel 23:46

“Na AWURADE Nyameɛ nwa nyoo: Ngɔfa ɛlɔen ngɔhɔ bɛ so, na ngɔmaa bɛkɔteetee bɛ, ná bafẽ bɛ nningyein.

Hesekiel 23:9

Yiti nyele ye nwurale bɛ bɔ okuro bɛ nemɔ sa, Asiriafoɛ bɔ ɔfale ye nwo mane bɛ nemɔ sa.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Hosea 10:9

Ao Yisrael, ayɔ bɔne fi Gibea mmerɛ ne; berɛ yeɛ bɛtoale bɔne ne aso ɔ. Aso koɛ ammu amva amumuyɛɛfoɛ nemɔ aso wɔ Gibea?

Hosea 4:19

Mvrama bie amoa ye awura ye ndaa nu, na ɔnate bɛ bosoen sɔnenɛ afɔleɛ nemɔ ati, bɛ nyunu kogua ase.

Hosea 4:9

Na bɔ ɔkɔto maen ne nen, sɔ ala yeɛ ɔkɔto ɔsɔfo ɔ; ngɔhwe bɛ so wɔ bɛ bɔne nwo, na ngotua bɛ kerɛ kyɛbɔ bɛ yɔleɛ te ɔ.

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Hosea 8:10

Amba, ɔwɔ nu kyɛ bɛbɔ abiɛngoɛ mɔ paa wɔ maen maen nemɔ nu de, nakoso ngɔboa bɛ noa; na ahemvo mmaa mmaa mɔ hene ne, ye nhyɛsoɛ ne ati, bekoli aworabɔlɛ kãa.

Mateo 22:7

Na ɛhene ne tele ne, ye ahone huli, na ɔsomane ye asraafoɛ maa beehuhuni sɔ awudifoɛ nemɔ, na bɛyerale bɛ kuro.

Deuteronomi 28:63

Na kyɛbɔ AWURADE nye gyele kyɛ ɔkɔmaa okosi ɛmɔ yé, ná ɛmɔata pee nen, sɔ ala yeɛ ɔkɔyɛ AWURADE fɛ kyɛ okohũhũ ɛmɔ, ná wama ɛmɔ boso anua ɔ. Na okotu ɛmɔ kofi aseɛ bɔ ɛkwaafa tena so ne aso.