Hosea 10:1 - AHYERƐLƐ KRONGRON

¹ Yisrael te bobe paa bɔ osu ye mma ɔ; kyɛbɔ ye mma begu so bɛsone ne, sɔ ala yeɛ ye afɔleɛ mmokyea begu so bɛsone ɔ; kyɛbɔ ye aseɛ ne osi yɛ nyemene ne, sɔ ala yeɛ bɛyɛle b’amoen mɔ nyemenenyemene ɔ.

Hosea 10:1 Iomraidhean Croise

1 Ahemvo 14:23

Ofikyɛ besa besisili asɔneyɛɛ mɔ, bosoen bonima mɔ ne bosoen Asera dosii mɔ bɛmane bɛ nwo wɔ bokaa biala so, ɔne bakaa monɛ biala abo.

Yeremia 11:13

Ofikyɛ Yuda, wɔ nyameɛ mɔ basone pee kyɛ wɔ nguro mɔ; afɔleɛ mmokyea bɔ ɛmɔasi bafa bagua ɛmɔ nyunu ase, bɔ ɛmɔyera ɛyɛɛ wɔ so bɛma Baal ne, bɛ somaa te kyɛ Yerusalem mmorɔnoɛ mɔ.

Yeremia 11:17

Asafo AWURADE bɔ oluale wɔ ne, wahã musue dwirɛ wagua wɔ so, ɔnate bɔne bɔ Yisrael awuro ama ne Yuda awuro ama bayɔ [batia bɛ nwo], bɔ bayera ɛyɛɛ bama Baal bafa bawura me apue ne ati.

Yeremia 2:28

Nakoso wɔ mmosoen bɔ agyinagyina ama wɔ bɔbɔ wɔ nwo ne, bɛwɔ nisua? Sɛ bɛkɔhora bɛkɔpepɛ bekole wɔ wɔ w’amaneɛ mmerɛ nu a, maa bedwɔso e! Ao Yuda, kyɛbɔ wɔ nguro nemɔ bɛ somaa te ne, sɔ ala yeɛ wɔ mmosoen nemɔ bɛ somaa te ɔ.

Hosea 12:11

Aso amumuyɛɛ wɔ Gileade? Amba, bɛte mbaen. Bɛfa nandwie nyii mɔ bɛbobɔ afɔleɛ wɔ Gilgal, amba, b’afɔleɛ mmokyea nemɔ, bɛte kyɛ nyɔboɛ kure bɔ ɔwɔ eburo ngofie mɔ b’afia ɔ.

Hosea 12:8

Efraim nwa, “Aa, manya me nwo, manya anwonyadeɛ.” M’adwumayɔlɛ amukoraa nu, bannwu amumuyɛɛ biala wɔ me nu, bɔ ɔte bɔne ɔ.

Hosea 13:15

Ɔwɔ nu kyɛ okonya ngɔsoɛ wɔ oliɛma mɔ nu, nakoso eyia afiteleɛ mvrama bɔ ɔte AWURADE mvrama ne, okotu kofi ɛserɛ so dɔ kɔwa, ye asue ti kɔwewe, yeɛ ye mbombonzue kɔwewe, na mvrama ne kɔsesa nningyein nyɔboɛ serɛ biala kofi nekaa bɔ osie ye nningyein ɔ.

Hosea 13:2

Afei de, bɛkɔ so bɛyɔ bɔne, na behuro bɛ dwetɛ bɛfa bɛyɔ amoen bɛma bɛ nwo, amoen mɔ bɔ bɛ bɔbɔ bafa ɛdwetɛ bali adwii bayɔ, bɔ ye mukoraa te dwumvoɛ sa noa adwuma ɔ. Bɛkã bɛfa bɛ nwo kyɛ, “Bɛ bɔ bɛbɔ afɔleɛ ne, odi kyɛ bɛfe nandwie nyii akrɔngrɔma nemɔ noa.”

Hosea 13:6

Ndire bɔ belili ne, kyɛbɔ né ye paa si te nen, sɔ ala yeɛ bɛ ko yili ɔ; bɛ ko yili, na bɛyɛle anwomasoɛ, yiti bɛ wora fili me.

Hosea 2:10

Na afei ngɔla ye nyanzoen bra ne ali wɔ ye kurofoɛ nemɔ nyunu, na ebiala ngɔpepɛ ngole ye ngofi me sa nu.

Hosea 2:8

Hmmm, né ɔnze kyɛ me yeɛ mane ye aburoo ne nzaa ne ngoo, kyɛ me yeɛ mmaa onyane ɛdwetɛ ne esikaa kɔkorɛ pee, bɔ bɛfa bɛbɔle afɔleɛ bɛmane Baal ne ɔ.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Hosea 4:7

Kyɛbɔ bɛhɔle so bɛsonene ne, sɔ alaa yeɛ bɛhɔle so bɛyɔle bɔne betiale me ɔ; yiti b’animnyam ne, ngɔkakyi ye animguaseɛ.

Hosea 8:11

Efraim asisi bɔne nwo afɔleɛ mmokyea pee, nakoso bakakyi ye so bɔneyɔlɛ afɔleɛ mmokyea.

Hosea 8:4

Basisi ahemvo bɔ nna me yeɛ nzili ɔ, babobɔ mbanyi bɔ menze ye nwo hwee ɔ; bafa b’ɛdwetɛ ne esikaa kɔkorɛ bayɔ mmosoen bama bɛ nwo, bɔ ɔnate so ɔngɔma ongoyie bɛ yé ɔ.

Lewitikɔso 26:1

“Nnɛma ɛmɔyɔ mmosoen, yeɛ nnɛma ɛmɔgyina amoen bɔ base anaakyɛ bonima biala bɛma bɛ nwo; nnɛma ɛmɔfa nyɔboɛ bɔ ɛmɔali so adwii bɛpenapena ɛmɔ aseɛ so bɛsɔne bɛ, ofikyɛ me ole AWURADE ɛmɔ Nyameɛ.

Nahum 2:2

(Ofikyɛ AWURADE ɔ́ma Yakob osa onya ye ahennie animnyam kyɛ Yisrael ahennie animnyam ne, ofikyɛ apaabɔlɛfoɛ bafe bɛ nningyein bafa, yeɛ basɛkye bɛ bobe mmaen nemɔ.)

2 Korintofoɛ 5:16

Yiti ofi ɛnɛ bɔ ɔkɔ ɔ, yɛmva dasaniɛ adwene yɛnzusu kyɛbɔ sona si te ɔ, na sɛ sɔ yeɛ daa ne yɛfa yɛsusuli Yesu a, ɛnɛ de yɛnyɔ ye sɔ ko.

Filipifoɛ 2:21

Bɛ mukoraa bɛpena bɛ bɔbɔ bɛ deɛ, na mmom nna bɔ ɔte Yesu Kristo deɛ ɔ.