Hosea 1:4 - AHYERƐLƐ KRONGRON

⁴ Na AWURADE sele Hosea kyɛ, “To ye dumaa Yesreel; ofikyɛ ɔngɔhyɛ biala, ngɔtɔ Yehu awuro ama so wereɛ wɔ Yesreel mogya nwo, na ngɔma Yisrael awuro ama ahennie so kɔpɛ.”

Hosea 1:4 Iomraidhean Croise

2 Ahemvo 10:1

Né Ahabo le mmaa mmienzua aburasoo wɔ Samaria. Yiti Yehu hyerɛle ngrataa, na ɔsomane maa bɛfa bɛhɔle Samaria bɛɛmane Yesreel nnehyeɛ, mbanyi mɔ, bɛ ne mmenia bɔ bɛnea Ahabo mma mmienzua nemɔ aso ne kyɛ,

2 Ahemvo 10:17

Oodwuli Samaria ne, ohuhuni Ahabo nwo ama bɔ baha wɔ Samaria ne amukoraa, kɔpem kyɛ onuane bɛ boso koraa ɔ, kyɛbɔ AWURADE dwirɛ bɔ ɔhã hyirele Elia ne, ɔte ne ala.

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

2 Ahemvo 15:8

Yuda hene Asaria lili bia ne, ye afoɛ bɔ ɔtɔ so aburasa ne mmɔtwɛ ne anu, Yeroboam awa Sakaria lili Yisrael so hene wɔ Samaria. Olili hene bosome nzia.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yesaya 8:3

Afei me ne ngɔmhyɛlɛniɛ braa ne yɛlale, ɔnwonzɛle, na ɔwole bienzua. Na AWURADE sele me kyɛ, “To ye dumaa Maheri Sala Hasibase,

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yeremia 20:3

Na aleɛ hyene ne, Pasure yele Yeremia panwu ne, na Yeremia sele ye kyɛ, “Nna dumaa Pasure yeɛ AWURADE afa ato wɔ ɔ, na mmom Mago Misabibo.

Yeremia 23:2

Yiti bɔ AWURADE Yisrael Nyameɛ kã fa me maen so neafoɛ nemɔ nwo ɛhe, “Ɛmɔabɔ me mmoaen kure ne basande, ɛmɔafoa bɛ maa bahɔ, na ɛmɔannea bɛ so. Yiti ngotu me nye ngosie ɛmɔ so, ɔnate ɛmɔ bɔne yɔleɛ ne ati, AWURADE noa dwirɛ ɛne.

Yeremia 3:8

Onwuni kyɛ ɔnate adwaman bɔ asoserɛniɛ Yisrael ɔbɔle ne ati, nyirale ye mmane ye agyaayiralɛ krataa maa ɔhɔle; nakoso oliɛma brasua ngondomboniɛ Yuda wanzuro, na mmom ye koso ɔhɔle ɔɔbɔle adwaman.

Hesekiel 23:10

Benwuni ye nwo, bɛhyele ye mma mmienzua ne mmrasua; na ye bɔbɔ de, bɛfale ngrandɛ behuni ye. Na bɛhwene ye so nen, mmrasua fale ye dwirɛ ne gorole ye nwo.

Hesekiel 23:31

Eliɛma brasua ne yɔleɛ yeɛ ayɔ bie ɔ, yiti ngɔfa ye kulie ne ngowura wɔ sa nu.

Hosea 1:6

Osa nwonzɛle, na ɔwole baa brasua. Na AWURADE sele Hosea kyɛ, “To ye dumaa Lo Ruhama, ofikyɛ mengonwu Yisrael awuro ama anwumvoin ko bɔ ɔkɔmaa ngɔfa bɛ bɔne ngɔhyɛ bɛ bieku ɔ.

Hosea 1:9

Yeɛ AWURADE sele kyɛ, “To ye dumaa Lo Ami, ofikyɛ nna me maen ole ɛmɔ, yeɛ me wora nnde ɛmɔ Nyameɛ.

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Hosea 2:22

Na aseɛ kɔfa mmuayɛɛ kɔma aburoo, nzaa ne ngoo, na bɛ koso bɛkɔfa mmuayɛɛ bɛkɔma Yesreel.

Hosea 9:17

Me Nyameɛ kɔpo bɛ, ofikyɛ banyɛ sotie bamma ye, na bekohyinihyini maen maen mɔ so.

Amose 9:8

Tie, AWURADE Nyameɛ watu ye nye wasie ahennie bɔ bɔne ali ye ti ne aso, na ngonua ye boso ngofi aseɛ ye aso. Nakoso mengonua Yakob awuro ama boso bɔkɔɔ,” AWURADE noa dwirɛ ɛne.

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Luka 1:13

Nakoso abɔfo ne sele ye kyɛ, “Sakaria, nnɛsuro, ofikyɛ Nyameɛ ate wɔ mbaeɛ ne, na ɛye Elisabɛte kɔwo baa bienzua kɔma wɔ, na ɛkɔto ye dumaa Yohane.

Luka 1:31

Na tie, ɛkɔnwonzɛ, ná awo baa bienzua, ná ato ye dumaa Yesu.

Luka 1:63

Ohyirele kyɛ bɛma ye nikyee bɔ bɛkyerɛ so ɔ, na ɔhyerɛle so kyɛ, “Ye dumaa li Yohane.” Na ɔyɛle bɛ mukoraa nwanwa.

Yohane 1:42

Ɔfale ye hɔle Yesu berɛ, na Yesu neane ye haa sele kyɛ, “Wɔ ole Simɔn, Yohane awa ne. Bɛkɔfrɛ wɔ Kefa.” (Ye bo kyire Petro).

Yosua 19:18

Sɔ nguro hemɔ wɔ b’aseɛ ne aso: Yesreel, Kyesulote, Sunem,