Hosea 1:2 - AHYERƐLƐ KRONGRON

² Mmerɛ bɔ AWURADE hyɛle ye bo fale Hosea so dwudwole ne, AWURADE sele Hosea kyɛ, “Kɔ ná kogya braa gyanderaniɛ, ná ɛne ye bɛwo gyanderafoɛ mmaa, ofikyɛ aseɛ ne wabɔ adwaman kandinga paa, na wali AWURADE nwo makyebu.”

Hosea 1:2 Iomraidhean Croise

2 Aberɛso Dwirɛ 21:13

na mmom afa Yisrael ahemvo mɔ b’atee so, ná ahwehwe Yuda ne Yerusalemfoɛ ahɔ mmosoensolɛ nu, kyɛbɔ Ahabo abusuafoɛ hwehwene Yisrael hɔle mmosoensolɛ nu ne, ná afei ɔnate kyɛ ahũhũ eliɛma mɔ ɔne wɔ baba abusuafoɛ bɔ bɛte titire bɛtra wɔ ne ati,

Edwein 106:39

Yiti bɛ yɔleɛ mane bɛ nwo guale fiɛ, na bɛ yɔleɛ ne kakyili adwamanbɔlɛ.

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Yeremia 2:13

Ofikyɛ me maen abɔ musue nyɔ: bapo me, me bɔ nde ngoa nzue mbombonzue ne, yeɛ baatu bɛ bɔbɔ b’abura mɔ, abura bɔ ye nwo adwudwa, bɔ nzue ngora nu gyina ɔ.

Yeremia 2:20

Ofikyɛ ofi tete yeɛ mmubuli wɔ kɔnnua nu, yeɛ mmubuli wɔ panwu nu ɔ, na ɛhane kyɛ, “Mengɔso wɔ!” Nahorɛ nu, ɛkotole mmosoen ɛbɔle adwaman wɔ bokaa tendenn biala so ne bakaa monɛ biala abo.

Yeremia 2:23

Ɔyɛ sɛɛ ati bɔ ɛkã kyɛ, “Me nwo ogguale fiɛ, mangɔanni Baal mɔ asi” ɔ? Nea w’atee bɔ ɔla bɔnza ne anu ne; nwu nikyee bɔ yeɛ ayɔ ɔ, afupɔngɔ akrɔngrɔma bɔ ye nwo yɛ nyera bɔ ohuru pepe ɔ,

Yeremia 3:9

Ɔnate kyɛ né ommu adwamanbɔlɛ kyɛ ɔtte mayee ne ati, oguale aseɛ ne anwo fiɛ, na ɔne nyɔboɛ mɔ ne mmakaa yeɛ bɛbɔle adwaman ɔ.

Hesekiel 6:9

Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Hosea 2:7

Ɔkɔpo ye kurofoɛ nemɔ aso, nakoso ɔngɔto bɛ; ɔkɔpena bɛ, nakoso ongonwu bɛ. Na ɔkɔhã kyɛ, ‘Ngosa ngɔhɔ ngoogya me hu daa ne, ofikyɛ né nningyein kɔ so yé ma me tra ɛnɛ.’

Hosea 3:1

Yeɛ AWURADE sele me kyɛ, “Sa kohuro braa adwamanbɔlɛniɛ bɔ ɔte agyaasɛkyelɛniɛ ne, kyɛbɔ AWURADE kuro Yisraelfoɛ dwirɛ, nakoso bɛso nyameɛ foforɛ mɔ, ná bekuro borɔdoma bɔ babobɔ ye kunguma ɔ.”

Hosea 5:3

Mese Efraim, na Yisrael koso ɔmvea me; afei, ao Efraim, abɔ gyandera, na Yisrael nwo agua fiɛ.

Marko 1:1

[Nyameɛ Awa] Yesu Kristo nzɛmba ne, ye ahyɛaseɛ;

Deuteronomi 31:16

Na AWURADE sele Mose kyɛ, “Ɔngɔhyɛ biala, ɛkɔtoa wɔ mbanyi mɔ. Nakoso mmenia hemɔ de, Amaenmaensofoɛ nyameɛ mɔ bɔ bɛwɔ aseɛ bɔ bɛ́kɔ so ne aso ne, bɛkɔbɔ adwaman bekooli bɛ si. Bɛkɔpo me, yeɛ bekobu m’apam bɔ me ne bɛ yɛyɛle ne aso.

2 Petro 2:14

Bele agyaasɛkyelɛ anyeɛ, bɔ ɔyɔ bɔne a ɔnde ye ɔ, bɛlakalaka akra bɔ bennya bettirale ndii ɔ, balɔ asukɔ wɔ adifuu nu. Bɛte mmenia bɔ banoma bɛ ɔ!

Nyekyire 17:5

Né bahyerɛ dumaa bie bagua ye nwoma so kyɛ, “Mvealeɛ nu dwirɛ! Babilɔn pirikua ne! Aseɛ so adwamanbɔlɛfoɛ ne akyiwadeɛ mɔ bɛ maame!”