Hosea 1:11 - AHYERƐLƐ KRONGRON

¹¹ Yudafoɛ ne Yisraelfoɛ bɛkɔbɔ nu bekoyia, ná bɛkɔye panyi ko maa okotua bɛ noa. Na bekofi aseɛ ne aso bɛkɔwa, ofikyɛ Yesreel kyẽa ne kɔyɛ kyẽa piri.

Hosea 1:11 Iomraidhean Croise

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Yeremia 30:21

Bɛ bɔbɔ bɛ nu yeɛ b’atitirefoɛ kofi ɔ, yeɛ bɛ maenbulɛniɛ ne koso kofi bɛ nu. Ngɔmaa ɔkɔhwe kopingye, na okopingye me; ofikyɛ nwa yeɛ ɔkɔhora kosi ye hue kopingye me ɔ? AWURADE noa dwirɛ ɛne.

Yeremia 30:3

Na tie, AWURADE nwa nyoo: Mmerɛ bie ɔ́ba bɔ ngosa ngɔfa me maen Yisrael ne Yuda ngofi nnurehyelɛ nu ngɔwa ɔ, AWURADE noa dwirɛ ɛne, na aseɛ bɔ mva mane bɛ nana mɔ ne, ngosa ngɔfa bɛ ngɔwa so maa bɛkɔfa bɛkɔyɛ bɛ deɛ.”

Yeremia 30:7

Edwirɛ awa oo! Ofikyɛ sɔ kyẽa ne, ɔte kyẽa piri, bɔ kyẽa biala nne berɛ bɔ ɔte kyɛ ye ɔ. Ɔte aworabɔlɛ mmerɛ ma Yakob, nakoso okonya ye ti kodidi nu kofi nu.

Yeremia 31:33

Nakoso apam bɔ me ne Yisrael awuro ama yɛkɔyɛ ɛhe: Sɔ mmerɛ ne asi ne, ngɔfa me mmeraa ngowura bɛ nu, na ngɔhyerɛ ye wɔ b’ahone nu; ngɔyɛ bɛ Nyameɛ, ná bɛ koso bayɛ me maen, AWURADE noa dwirɛ ɛne.

Yeremia 32:37

Tie, ngɔboaboa bɛ noa ngofi maen maen amukoraa bɔ nne ɛyaa, ahonehulɛ ne anyeborolɛ kandinga mvoane bɛ ngonguale so ne aso. Ngosa ngɔfa bɛ ngɔwa wa, na ngɔmaa bɛkɔtena anwotɔ nu.

Yeremia 50:19

Ngosa ngɔfa Yisrael ngɔhɔ ye atenaleɛ, na okodidi wɔ Kamɛl ne Basan’. Ye kra ko koyi wɔ Efraim bokaa ne Gileade bokaa so.

Hesekiel 39:25

“Yiti AWURADE Nyameɛ nwa nyoo: Ngosa ngɔfa Yakob ngofi nnurehyelɛ nu ngɔwa, na ngonwu Yisrael awuro ama mukoraa anwumvoin, na ngɔhwe me dumaa krongron ne nwo nungunɛ.

Hosea 2:1

Ɛmɔhã behyire ɛmɔ aliɛma mmienzua mɔ kyɛ, “Ami” yeɛ ɛmɔ aliɛma mmrasua mɔ kyɛ, “Ruhama.”

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Romanfoɛ 11:15

Na sɛ ɔnate bɛ polɛ bɔ Nyameɛ pole bɛ ne ati Nyameɛ ne adasa mmaa benyane ngabonu a, nzaade sɛ besa bɛba Nyameɛ berɛ a, ɔkɔyɛ sɛɛ koraa? Ɔkɔyɛ daa ngoa bɔ ofi awufoɛ nu ɔ!