Hosea 1:10 - AHYERƐLƐ KRONGRON

¹⁰ Nakoso Yisraelfoɛ bɛ somaa kɔyɛ kyɛ mboanoa anweaa, bɔ bɛngora ye susu anaa bɛngora ye ka ɔ. Na nekaa bɔ bɛhã behyirele bɛ kyɛ, “Nna me maen ole ɛmɔ” nen, berɛ yeɛ bɛkɔhã bekohyire bɛ kyɛ, “Nyameɛ teasefoɛ mma ole ɛmɔ” ɔ.

Hosea 1:10 Iomraidhean Croise

Gyenesise 13:16

Ngɔma wɔ boso ama kɔta kyɛ aseɛ so mvuture. Na sɛ ebie kora ka aseɛ so mvuture a, ye de ɔkɔhora kɔha wɔ boso ama koso.

Gyenesise 22:17

ngoyira wɔ, na ngɔma wɔ boso ama kɔsone kyɛ ewienu nzramaa ne mboanoa anweaa. Na wɔ boso ama kɔfa bɛ pɔfoɛ mɔ aseɛ bekoli so.

Gyenesise 32:12

Nakoso aha kyɛ, ‘Ngogyina wɔ si, na ngɔma wɔ bosofoɛ kɔsone kyɛ mboanoa anweaa bɔ bɛngora ye ka ɔ.’ ”

2 Samuel 7:24

Afa wɔ maen Yisrael ayɛ wɔ bɔbɔ deinn wɔ maen afebɔɔ, na wɔ, AWURADE, ayɛ bɛ Nyameɛ.

Yesaya 43:6

Ngɔhã ngohyire sorɔ dɔ kyɛ, ‘Ma bɛ ate!’ Yeɛ ngɔhã ngohyire ngwaen dɔ kyɛ, ‘Nnɛsi bɛ ate!’ Fa me mma mmienzua mɔ fi dededede bra, ná fa me mma mmrasua mɔ fi aseɛ noa dɔ paa bra;

Yesaya 48:19

ahaa wɔ boso ama kɔyɛ pee kyɛ anweaa, ahaa wɔ boso ama kɔyɛ pee kyɛ nyɔboseka. Ahaa mengokyikyi bɛ dumaa, anaa mengohu bɛ ngofi me nyunu.”

Yesaya 63:16

Ofikyɛ wɔ yeɛ ɛte yɛ Baba ɔ, ɔwɔ nu kyɛ Abraham nze yɛ, yeɛ Yisrael koso onne yɛ ndo nu; O AWURADE, wɔ yeɛ ɛte yɛ Baba ɔ, yɛ Defoɛ, wɔ dumaa ne ɔwɔ berɛ fi tetetete.

Yesaya 64:8

Nakoso, O AWURADE, wɔ yeɛ ɛte yɛ Baba ɔ, yɛ de, yɛte ɛfaa, na wɔ yeɛ ɛnwo yɛ ɔ; na yɛ mukoraa yɛte wɔ sa noa adwuma.

Yesaya 65:1

“Nyɛle kyɛ ngotie bɛ bɔ bɛmbena me boso ne, nyɛle kyɛ ngɔma bɛ bɔ bɛmbena me si atee ne bekonwu me. Na ngane kyɛ, ‘Me ɛhe, me ɛhe!’ ngyirele maen bɔ wanye me dumaa ayɛ ne.

Yesaya 66:20

Bɛkɔfa ɛmɔ aliɛma mɔ amukoraa bekofi maen maen amukoraa so bɛkɔwa, maa ɔkɔyɛ afɔleɛ kɔma AWURADE. Mbɔngɔ so, teaseɛnam mɔ nu, seko nu, afunum mɔ so ne afupɔngɔ mɔ so yeɛ bɛkɔfa bɛ bɛkɔtenatena bɛkɔwa me bokaa krongron Yerusalem so ɔ, AWURADE noa dwirɛ ɛne, kyɛbɔ Yisraelfoɛ bɛfa b’aburoo afɔleɛ begua nzim bɔ ye nwo te ɔ nu bɛba AWURADE awuro nen.

Yeremia 33:22

Kyɛbɔ bɛngɔhora ewienu nzramaa ka, ná bɛngɔhora mboanoa anweaa susu ne, sɔ alaa yeɛ ngɔmaa me somvoɛ Dawide ye boso ama, yeɛ Lewifoɛ bɔ bɛso me ne, bɛkɔta pee ɔ.”

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Hosea 1:9

Yeɛ AWURADE sele kyɛ, “To ye dumaa Lo Ami, ofikyɛ nna me maen ole ɛmɔ, yeɛ me wora nnde ɛmɔ Nyameɛ.

Hosea 2:23

Ngolua ye ngɔma me nwo wɔ aseɛ ne aso. Ngonwu bɔ mannwu ye anwumvoin ne anwumvoin, na ngose bɔ ɔtte me maen ne kyɛ, ‘Ɛte me maen,’ na bɛ koso bɛkɔhã kyɛ, ‘Ɛte me Nyameɛ.’ ”

Yohane 1:12

Nakoso mmeni soma bɔ belele ye bɛtole nu, bɛ bɔ belele ye dumaa belili ne, ɔmane bɛ tumi maa bɛɛyɛle Nyameɛ mma;

Romanfoɛ 8:19

Na abɔdeɛ ɔnwondɛ serɛserɛ kyɛ bɛkɔla Nyameɛ mma nemɔ ali ɔ.

2 Korintofoɛ 6:18

Ngɔyɛ ɛmɔ Baba na ɛmɔ wora ɛmɔayɛ me mma mmienzua ne mmrasua. Bɔ Tuminiɛ Awurade kã hɔ ɛne.”

Hebrifoɛ 11:12

Yiti ɔnate biaa komapɛ he, bɔ né wayɛ aworowaa na wapingye ewue ne aso yeɛ bɛwole ye bosofoɛ, bɔ bɛ somaa te kyɛ ewienu nzramaa ne mboanoa anweaa bɔ bɛka a bennwu bɛ noa ɔ.