Hosea 1:1 - AHYERƐLƐ KRONGRON

¹ Yuda ahemvo Yusia, Yotam, Ahase ne Hesekia, yeɛ Yoase awa Yisrael hene Yeroboam, b’ahennie aberɛ so ne, AWURADE dwirɛ bɔ ɔlale ye ali hyirele Beeri awa Hosea ne, ye ɛhe.

Hosea 1:1 Iomraidhean Croise

2 Ahemvo 13:13

Yoase toale ye mbanyi mɔ, na Yeroboam lili ye bia. Besiele Yoase wɔ Samaria wɔ Yisrael ahemvo asieleɛ.

2 Ahemvo 14:16

Yehoase toale ye mbanyi mɔ. Besiele ye wɔ Samaria wɔ Yisrael ahemvo asieleɛ so. Na ɔwa bienzua Yeroboam lili ye bia.

2 Ahemvo 14:23

Yuda hene Amasia, bɔ ye baba ole Yoase ne, olili hene ne, ye afoɛ bɔ ɔtɔ so buru ne nnu ne anu, Yisrael hene Yeroboam bɔ ye baba ole Yoase ne, olili hene wɔ Samaria. Olili hene afoɛ aburanna ne ko.

2 Ahemvo 15:32

Remalia awa Peka lili Yisrael so hene ne, ye afoɛ bɔ ɔtɔ so nyɔ ne anu, Yotam bɔ ye baba ole Yusia ne, olili Yuda so hene.

2 Ahemvo 15:5

AWURADE hwene Nana Asaria so, maa kwata anwonyerɛ bɔle ye toonn kɔpem kyɛ owuli ɔ. Ɔnate anwonyerɛ ne ati, né ye ngome waatena awuro bie anu. Ɔwa bienzua Yotam yeɛ né ɔnea ahemvie berɛ ɔ, na ye yeɛ né ɔnea maen ne anu ama so ɔ.

2 Ahemvo 15:7

Asaria toale ye mbanyi mɔ. Besiele ye wɔ nekaa bɔ besiele ye mbanyi mɔ ɔ wɔ Dawide kuro, na ɔwa bienzua Yotam lili ye bia.

2 Aberɛso Dwirɛ 27:1

Yotam lili hene ne, né wali afoɛ aburanyɔ ne nnu, na olili hene afoɛ buru ne nzia wɔ Yerusalem. Oni ole Sadoke awa Yerusa.

2 Aberɛso Dwirɛ 28:1

Ahase lili hene ne, né wali afoɛ aburanyɔ, na olili hene afoɛ buru ne nzia wɔ Yerusalem. Wanyɔ bɔ ɔtengyɛ wɔ AWURADE nyunu ɔ. Ye nana Dawide de, ɔyɔle bɔ ɔtengyɛ wɔ AWURADE nyunu ɔ, nakoso ye de wanyɔ sɔ bie.

2 Aberɛso Dwirɛ 29:33

Afɔleɛ krongron bɔ bɛbɔle ne, ɔte nandwie nyii ɛyaa nzia ne mmoaen apee nza.

Yesaya 1:1

Nyekyire he yeɛ Amoso awa Yesaya onwuni ye fale Yuda ne Yerusalem nwo wɔ Yuda ahemvo Yusia, Yotam, Ahase ne Hesekia b’aberɛ so ɔ.

Yesaya 7:1

Yusia awa Yotam ɔwa Ahase bɔ ɔte Yuda hene ne, ye aberɛ so, Siria hene Resin ne Yisrael hene Peka bɔ ɔse ole Remalia ne, bɛɛfale koɛ bɛtetale Yerusalem, nakoso bangora banni so ngonim.

Yeremia 1:2

Ye yeɛ AWURADE lale ye dwirɛ ali hyirele ye, wɔ Yosia bɔ ye baba ole Yuda hene Amon ne, ye ahennie afoɛ bɔ ɔtɔ so buru ne nza ne anu ɔ.

Yeremia 1:4

Na ɔwale kyɛ, AWURADE lale ye dwirɛ ali hyirele me kyɛ,

Hesekiel 1:3

AWURADE lale ye dwirɛ ali hyirele ɔsɔfo Hesekiel bɔ ye baba ole Busi ne wɔ Kaldeafoɛ aseɛ so wɔ asue Kebare noa; na berɛ yeɛ AWURADE tumi wale ye so ɔ.

Yoel 1:1

AWURADE dwirɛ bɔ ɔlale ye ali hyirele Petuel awa Yowel ne, ye ɛhe.

Amose 1:1

Yuda hene Yusia aberɛ so, yeɛ Yisrael hene Yoase awa Yeroboam aberɛ so, afoɛ nyɔ koraka yeɛ aseɛ baawoso ne, Amose bɔ ɔboka Tekoa mmoaenneafoɛ nemɔ aso ne, edwirɛ bɔ onwuni ye fale Yisrael nwo ne, ye ɛhe.

Yona 1:1

Na AWURADE lale ye dwirɛ ali hyirele Amitae awa Yona kyɛ,

Mika 1:1

AWURADE dwirɛ bɔ ɔlale ye ali hyirele Moreseteniɛ Mika, wɔ Yuda ahemvo Yotam, Ahase ne Hesekia b’aberɛ so, bɔ onwuni ye fale Samaria ne Yerusalem nwo ne, ye ɛhe.

Sakaria 1:1

Dario ahennie afoɛ bɔ ɔtɔ so nyɔ ne anu, ye bosome mmɔtwɛ ne anu, AWURADE lale ye dwirɛ ali hyirele ngɔmhyɛlɛniɛ Sakaria bɔ ye baba ole Berekia bɔ ye baba ole Yido ne kyɛ,

Yohane 10:35

Na sɛ ɔfrɛle bɛ bɔ Nyameɛ dwirɛ ne wale bɛ berɛ ne nyameɛ mɔ, bɔ ebie ngora nzɛkye Ahyerɛlɛ ne a,

Romanfoɛ 9:25

Kyɛbɔ bahyerɛ ye wɔ Hosea nwomaa ne anu kyɛ, “Mmenia bɔ ahaa bɛtte me deɛ ne, ngɔfrɛ bɛ ‘Me mmenia,’ na bɔ manguro ye dwirɛ ne, ngɔfrɛ ye ‘Me dɔfo.’

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.