Hesekiel 9:9 - AHYERƐLƐ KRONGRON

⁹ Yeɛ obuale me kyɛ, “Yisrael awuro ama ne Yuda awuro ama b’amumuyɛɛ ne ɔte piri paa; mogya ayi aseɛ ne aso to, yeɛ ndɛengyea ayi kuro ne anu to; ofikyɛ bɛnwa: ‘AWURADE apo aseɛ ne, yeɛ AWURADE nnwu huu.’

Hesekiel 9:9 Iomraidhean Croise

2 Ahemvo 21:16

Asa koso, Manase hane mogya bɔ odi be ɔ pee guale, kɔpem kyɛ ɔhane mogya guale Yerusalem nekaa biala ɔ. Asora bɔne bɔ ɔhwehwene Yuda hɔle nu maa ɔnate so bɛyɔle bɔ ɔte bɔne wɔ AWURADE nyunu ne.

2 Ahemvo 24:4

ɔne mogya bɔ odi be bɔ ɔhã guale ne ati. Ofikyɛ ɔhane mogya bɔ odi be ɔ guale wɔ Yerusalem nu amukoraa, na né AWURADE ayɛ ye adwene kyɛ ɔngɔfa sɔ bɔne ne ngɔhyɛ.

YOB NWOMAA NE 22:13

Nakoso ɛnwa: ‘Nyameɛ ɔse nzu? Awosii kabii ye, aso okonwu yɛ kobua yɛ ndɛen?

Edwein 10:11

Ɔka ye wɔ ye ti anu kyɛ, “Nyameɛ wora afi, wafa ye nyunu wafea, na ongonwu ye le.”

Edwein 94:7

na bɛkekã kyɛ, “AWURADE onnwu ye, yeɛ Yakob Nyameɛ ɛhemɔ mva ye nwo.”

Yesaya 1:4

Ao, maen bɔ bɔne ayi nu tɛkyɛ ɔ! Mmenia bɔ amumuyɛɛ ali bɛ ti ɔ! Bɔnefoɛ mɔ bɛ bosofoɛ! Mmaa bɔ basɛkye ɔ! Bɔ bapo AWURADE, bɔ babu Yisrael Krongronniɛ ne animtia, ná bakakyi bɛ si bama ye ɔ!

Yesaya 29:15

Bɛ yaakɔ, bɛ bɔ bɛfa bɛ nhyehyɛleɛ bɛfea AWURADE fee ɔ, bɛ bɔ bɛyɔ bɛ yɔleɛ wɔ awosii nu, bɔ bɛkã kyɛ, “Nwa yeɛ onwu yɛ ɔ? Nwa yeɛ ɔse yɛ ɔ?”

Yesaya 47:10

“Ɛfale wɔ wora wurale w’amumuyɛɛyɔlɛ nu, na ɛhane kyɛ, ‘Sona biala nnwu me.’ Wɔ nworɛ ne wɔ nimdeɛ yeɛ bamaa amini ɔ, na ɛhane ye wɔ wɔ ti anu kyɛ, ‘Me ɛne! Ebiala nne berɛ bɔ ɔte kyɛ me ɔ.’

Yeremia 2:34

Ehiafoɛ bɔ bedi be ɔ, bɛ mogya yeɛ wayɛ wɔ ndaadeɛ nu ɔ, ɔwɔ nu kyɛ angye bɛ kyɛ betu anoa bo de, nakoso ɛhe amukoraa si ne,

Yeremia 22:17

Nakoso w’apoobɔlɛ anwonyadeɛ angome yeɛ wɔ nye ne w’ahone li ye si ɔ; ɔne kyɛ ɛkɔhã mogya bɔ odi be ɔ kogua, ɛkɔhyɛ mmenia so ná ekosisi bɛ ɔ.”

Awuye 1:5

Bɛbɔ bekyi ye ne, bakakyi ye mene mɔ, wayie ye pɔfoɛ mɔ yé, ofikyɛ AWURADE aprapra amaneɛ wagua ye so. Na ɔnate ye mmeraatolɛ worawora ne ati, ye pɔfoɛ mɔ bahye ye mma mɔ nnure, na bafa bɛ bahɔ.

Hesekiel 7:23

Yɔ ngɔnzɔngɔnzɔ, ofikyɛ awuelilɛ ayi aseɛ ne aso to, nzɛmmɔnelilɛ ayi kuro ne anu to.

Hesekiel 8:12

Afei obisale me kyɛ, “Sona awa, yeɛ anwu bɔ Yisrael awuro ama mbanyi bɛ́yɔ ye wɔ awosii nu ne, bɔ ebiala ɔwɔ ye sua bɔ ɔsɔne mmosoen mɔ nu nu ɔ? Ofikyɛ bɛnwa: ‘AWURADE nnwu yɛ, AWURADE apo aseɛ ne.’ ”

Hesekiel 8:17

Na obisale me kyɛ, “Sona awa, yeɛ anwu he? Aso ɔte edwirɛ baa kyɛ Yuda awuro ama bɛkɔbɔ akyiwadeɛ bra bɔ bɛbɔ ye wɔ ɛwa ye ɔ, bɔ bafa nzɛmmɔne bapete aseɛ ne aso amukoraa, bɔ besa behu m’ahone ɔ? Nea, kyɛ bɛ́nwaha bakaa nyaa ne wɔ bɛ bonyi noa ɔ.

Habakuku 1:4

Yiti mmeraa ne, ɔnyɛ adwuma, yeɛ ndɛenbualɛ turoloo nne berɛ, ofikyɛ bɔnefoɛ bapɛ teneneefoɛ nwo babra bayia, na ndɛengyea yeɛ ɔkɔ so ɔ.

Sefania 1:12

Sɔ mmerɛ ne, ngɔfa kanea ngohyini ngɔneanea Yerusalem nu, na ngɔhwe bɛ bɔ bafa bɔne bayɛ bɛ nwo buru ne nnu nemɔ bɛ so, bɛ bɔ bɛkã ye bɛ ti anu kyɛ, ‘AWURADE ngɔyɔ ye nwo huu, kyɛ paa oo, anaa tɛɛ oo.’

Luka 11:50

Yiti ngɔmhyɛlɛfoɛ amukoraa bɛ mogya bɔ bahã bagua fi ewiase ahyɛaseɛ ne, ye nwo asodie la ɛnɛmmafoɛ so,

Deuteronomi 31:29

Ofikyɛ, mese kyɛ me wue asi ne, edwirɛ tɛɛ ala yeɛ ɛmɔkoli ɔ, na mmeraa bɔ mahyɛ mama ɛmɔ ne, ɛmɔkobu so. Na musue kɔto ɛmɔ kyẽa bie, ofikyɛ ɛmɔkɔyɔ AWURADE nyunu bɔne, na ɛmɔ sa noa adwuma kɔma ye ahone kohu.”

Deuteronomi 32:5

Nakoso ye mma ayɔ bɔne batia ye, na ɔnate bɛ nwo ngekalewa ne ati, nna ye mma ole bɛ ko, bɛte amumuyɛɛ ne nnakannaka aworɛ ndoatoasoɛ.