Hesekiel 9:8 - AHYERƐLƐ KRONGRON

⁸ Na begu so bɔ bekũkũ bɛ ne, ɔhale me ngome wɔ berɛ, na mvale me nyunu mmutuli berɛ ndeateane nu kyɛ, “Ao, AWURADE Nyameɛ, aso ɛbaanua bɛ bɔ baha wɔ Yisrael ne amukoraa bɛ boso wɔ wɔ yaafɛlɛ bɔ afɛ ye wɔ Yerusalem so ne anu anaa?”

Hesekiel 9:8 Iomraidhean Croise

Gyenesise 18:23

Afei Abraham pingyele ye, na obisale ye kyɛ, “Aso ɛkɔfa bɛ bɔ bɛtengyɛ ne ɛkɔfra amumuyɛɛfoɛ so ɛkɔsɛkye bɛ anaa?

1 Aberɛso Dwirɛ 21:16

Dawide mane ye ti so, na onwuni AWURADE abɔfo ne kyɛ ogyi nyameɛso ne aseɛ b’afia, bɔ watengyɛ ye ngrandɛ wɔ Yerusalem so ɔ. Na Dawide ne ye mbanyi mɔ bɔ baherahera ɛsɛen tena ɔ, bɛfale bɛ nyunu bebutubutuli berɛ.

Ɛsra 9:5

Odwuli mmerɛ bɔ bɛbɔ nɔsoa afɔleɛ nen, mvili nekaa bɔ né maatena medi aworabɔlɛ ne ndwɔsole, bɔ né masunzua m’ataadeɛ ne m’ataadeɛ aguasoɛ nu ɔ. Mmuli ndwerɛ, ndrɛle me sa nu mɔle mbaeɛ ngyirele AWURADE me Nyameɛ,

Yeremia 14:13

Yeɛ ngane kyɛ, “Aa, AWURADE Nyameɛ! Nea kyɛ ngɔmhyɛlɛfoɛ nemɔ bɛkekã bekyire bɛ kyɛ, ‘Ngrandɛ ngohũhũ ɛmɔ, yeɛ ɛhɔen ngɔpe ɛmɔ wa, na mmom ngɔmaa ɛmɔkonya asomdwee bɔ odi mu ɔ wɔ ɛwa.’”

Yeremia 14:19

Aso apo Yuda koraa? Sion nwo ayɛ wɔ kra tɛ anaa? Nzu ati yeɛ abobɔ yɛ agua berɛ maa yɛnnya ye noa ayire ye? Yɛ nye lale asomdwee ate, nakoso nikye paa biala wamvi nu wamma. Yɛ nye lale anwonyerɛsalɛ mmerɛ ate, nakoso, yieee, ahunundetelɛ mmom yeɛ watɔ yɛ so ɔ!

Yeremia 4:10

Yeɛ ngane kyɛ, “Aa, AWURADE Nyameɛ, ye de, amba alakalaka maen ye ne Yerusalem, ofikyɛ ɛhane kyɛ, ‘Okoyie ɛmɔ yé’, wɔ aberɛ bɔ ngrandɛ la bɛ komvi ɔ.”

Hesekiel 11:13

Na ɔwale kyɛ, mmerɛ bɔ ngu so mehyɛ ngɔm ne, Benaya awa Pelatia wuli. Yeɛ mvale me nyunu mmutuli ase, na ndeane nu serɛserɛ kyɛ, “Ao, AWURADE Nyameɛ, aso ɛbaanua Yisraelfoɛ bɔ baha ne bɛ boso anaa?”

Hesekiel 4:14

Yeɛ nzele kyɛ, “Ao, AWURADE Nyameɛ, me kra nwo ogguale fiɛ le; ofi me ngwadaa nu bɔ ɔbaadwu ɛnɛ ɔ, nnnili kaka bɔ ye bɔbɔ wawu ɔ anaa bɔ kaka bie ahye ye ɔ le, yeɛ akyiwadeɛ naen biala ɔhhane me noa le.”

Hesekiel 7:8

Ɔngɔhyɛ biala, ngɔma m’ahone bɔ wahu ne kɔwa wɔ so, ngɔfɛ wɔ so yaa, ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Numeri 14:5

Yeɛ Mose ne Aarɔn fale bɛ nyunu bebutubutuli ase wɔ Yisrael maen amukoraa bɔ babɔ dwaa ne nyunu.

Numeri 16:4

Mose tele ɛhe ne, ɔfale ye nyunu butuli ase.

Numeri 16:45

“Ɛmɔhwe ɛmɔ nwo befi sɔ lɔen he anwo maa nua bɛ boso kekesaala ye.” Na Mose ne Aarɔn fale bɛ nyunu bebutubutuli ase.

Deuteronomi 9:18

Na ndole me nwo nyele aseɛnwo berɛ mvale me nyunu mutuli AWURADE nyunu, eleburanna, eyia ne kɔngɔen, kyɛbɔ nyɔle ye daa ne. Na ɔnate ɛmɔ bɔne amukoraati bɔ ɛmɔyɔle, bɔ ɔtte mayee wɔ AWURADE nyunu maa ɔfɛle yaa ne ati, mannidi, yeɛ manno hwee.

Yosua 7:6

Ɛhe mane Yosua sunzuale ye ndaadeɛ nu, na ɔfale ye nyunu butuli aseɛnwo wɔ AWURADE alaka ne nyunu toonn maa oodwuli nɔsoa. Ɔne Yisrael mbanyi yeɛ bɛyɔle sɔ ɔ, na betuli mvuture beguale bɛ ti so.